ФУТБОЛ: бозӣ аввали дастаи мунтахаби наврасони Тоҷикистон дар шаҳри Санкт-Петербург мусовӣ анҷом ёфт

Июнь 6, 2019 08:52

ДУШАНБЕ, 06.06.2019. /АМИТ «Ховар»/. Дирӯз бозии  аввали  дастаи  мунтахаби  наврасони  то 17 солаи Тоҷикистон   оид ба футбол  бо дастаи мунтахаби  наврасони Юнон дар шаҳри Санкт-Петербург  мусовӣ  анҷом  ёфта,  бозингарони ин  даста як имтиёз ба даст оварданд. Дар ин бора  аз Федератсияи футболи  Тоҷикистон ба мухбири АМИТ «Ховар» Меҳрони Қурбон хабар доданд.

Бояд зикр кард, ки ин бозии  ҷолиб дар доираи  31 — умин  мусобиқаи байналмилалӣ, ки  ба хотираи аввалин ноиби президенти FIFA Валентин Гранаткин аз  4 то 14 июни соли равон  дар шаҳри Санкт-Петербурги Федератсияи Россия доир мегардад, сурат гирифт.

Дар қисми аввали бозӣ футболбозони Юнон афзалият нишон доданд. Дар ин давр дарвозабони дастаи мунтахаби  наврасони  то 17 солаи Тоҷикистон  Шоҳрух Қирғизбоев се даъфа тӯбро пас гардонида натавонист ва  ба дарвоза гол сар дод.

Дар  дақиқаи 33-юми бозӣ  Шарифбек Раҳматов ба дарвозаи ҳарифон  як маротиба  гол зад.

Дар қисми дуюми рақобат наврасони тоҷик бозии куллан дигарро нишон дода, се дафъа дарвозаи ҳарифро рахна карданд. Рустам Соиров (63 пен, 70) ва Ислом Зоиров (67) ба задани гол даст ёфтанд.

Ёдовар мешавем, ки дидори навбатии дастаи мунтахаби наврасони Тоҷикистон 7  июн бо дастаи  мунтахаби наврасони  Қирғизистон доир мешавад.
Хотирасон мешавем, ки дастаи мунтахаби наврасони   Тоҷикистон таҳти роҳбарии Зайниддин Раҳимов дар  Чемпионати Осиё, ки  7 –уми октябри соли 2018  дар Малайзия баргузор гардида буд, медалҳои нуқраи мусобиқотро соҳиб шуда буданд.

Бояд зикр кард, ки дастаи мунтахаби наврасони  Тоҷикистон миёни 45 дастаи қораи Осиё бори аввал дар таърихи футболи мамлакат ва Осиё тавонистанд, ки ба вохӯрии финалӣ роҳхат гирифта, саҳфаи корномаи варзишии  ҷумҳуриро рангин намоянд. Ба замми ин, баъди ин муваффақият маротибаи дуввум футболбозони мамлакат дар Чемпионати ҷаҳон, ки имсол дар Бразилия доир мегардад, иштирок менамоянд.

Ҷоми Валентин Гранаткин-2019

Гурӯҳи «B»  Юнон (U-18) — Тоҷикистон (U-17) 4:4

Голҳо: Константинос Тумианис (10) 1:0, Шарифбек Раҳматов (33) 1:1, Николаос Митчелис (42) 2:1, Тимас Панайотис (44) 3:1, Рустам Соиров (63) 3:2, Йоанис Тсакирис (66) 4:2, Ислом Зоиров (67) 4:3, Рустам Соиров (70) 4:4.

Юнон: Иоаннис Сурдис (Кристос Мандас 73), Наколаос Атнасиус (Панайотис Тсакалидис), Стилианос Коковас ( Георгиос Гогос), Николаос Митчелис (Эмануэль Арванитис), Александрос Кардарис, Константинос Тумианис, Георгиос Вракаc, Михаил Тселиос (Кристос Вутсас), Георгиос Фекас (Иоаннис Факис), Теодорос Пурнарас (Иоанниc Тсакирис),
Панайотис Тимас (к)

Тоҷикистон: 16 Шохрух Кирғизбоев, 5. Шахром Назаров, 25. Асадбек Зиёзода (17. Умеҷон Холиқов), 2. Ҷонибек Шарипов, 11. Шохрух Сангов, 8. Нидоёр Забиров, 14. Шарифбек Рахматов (24. Шуҳрат Элмуродов) (64), 20. Озодбек Панҷиев(19. Иброҳим Зокиров), Меҳробҷон Азимов (13.Амадони Камолов) (46), 10. Ислом Заиров (3.Парвиз Хоҷиев) (87) 9. Рустам Соиров

Довар: Андрей Фонсенко (Русия)

Варзишгоҳ: «Турбостроител» Санкт-Петербург, 300 тамошобин.

Июнь 6, 2019 08:52

Хабарҳои дигари ин бахш

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон соҳиби медали нуқра шуд
Санаи баргузории бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ муайян шуд
ЧЕМПИОНАТИ ҶАҲОН ОИД БА ГӮШТИНИ ДЗЮДО. Ҳарифони паҳлавонони тоҷик муайян шуданд
БОЗИҲОИ 2-ЮМИ ЗИМИСТОНАИ «БАЧАҲОИ ОСИЁ». Дилшод Назаров ва Владимир Максимов иштироки ҳайати Тоҷикистонро баррасӣ намуданд
Ҳайати Тоҷикистон дар ҷаласаи Ассамблеяи 41-уми генералии Шӯрои олимпии Осиё дар Камбоҷа иштирок намуд
Имрўз дар Тошканд Чемпионати ҷаҳон оид ба гӯштини дзюдо оғоз мешавад
ҶОМИ ОСИЁ-2023 ОИД БА ФУТБОЛ. Тоҷикистон дар аввалин бозӣ бар дастаи мунтахаби наврасони Муғулистон ғолиб омад
ҶОМИ ОСИЁ ОИД БА ФУТЗАЛ. Тоҷикистон бо ду ғалаба ва ду бохт бозиҳои Ҷоми Осиё-2022-ро анҷом дод
Дар Кӯлоб Мусобиқаи кушоди ҷумҳуриявӣ оид ба бокс доир шуд
Бо гузашти 15 сол дастаи мунтахаби футзали Тоҷикистон ба даври чорякниҳоии Ҷоми Осиё баромад
Ҳафтаи оянда дар Душанбе марҳилаи интихобии Ҷоми Осиё-2023 миёни дастаҳои наврасони то 17-сола доир мешавад
Мизбони Ҷоми Осиё-2024 оид ба футбол миёни дастаҳои олимпӣ эълон шуд

Хабарҳои муҳимтарин