Президенти Ҷумҳурии Демократии Сотсиалистии Шри-Ланка ба шаҳри Норак ташриф овард
ДУШАНБЕ, 14.06.2019. /АМИТ «Ховар»/. Президенти Ҷумҳурии Демократии Сотсиалистии Шри-Ланка Майтрипала Сирисена ба хотири иштирок дар машварати ҳамкорӣ ва тадбирҳои боварӣ дар Осёи Миёна ба Тоҷикистон ташриф овард. Дар доираи сафари худ 14 июн меҳмони олиқадр ба вилояти Хатлон сафар карда, бо имконоятҳои гидроенергетикии Тоҷикистон шинос шуд.
Президенти Ҷумҳурии Демократии Сотсиалистии Шри-Ланка Майтрипала Сирисенаро Раиси вилояти Хатлон Қурбон Ҳакимзода, муовини якуми Раиси вилоят Хайрулло Амонулло ва Раиси шаҳри Норак Ҳурматзода Фатҳулло аз рӯи таомули меҳмондории тоҷикӣ бо нону намак дар нерӯгоҳи барқии оби Норак самимона пешвоз гирифтанд.
Сипас, Майтрипала Сирисена бо фаъолият ва имкониятҳои нерӯгоҳи барқии обии Норак аз наздик шинос шуд. Зимни тамошои обанбори нерӯгоҳ ва гаштугулзор дар табиати ин гӯшаи зебоманзари диёр меҳмони воломақом бештар ба захираҳои гидроенергетикии Ҷумҳурии Тоҷикистон таваҷҷуҳ зоҳир намуда, доир ба фаъолияти силсиланерӯгоҳҳои дарёи Вахш маълумот пайдо намуд.
Президенти Ҷумҳурии Демократии Сотсиалистии Шри-Ланка дар ин нерӯгоҳи пуриқтидори мамлакат бо фаъолияти сохтори идоракунии дастгоҳҳои он шинос шуд.
Дар ин сафар ба ҳайати меҳмонон доир ба иқтидори нерӯгоҳи барқи обии Норак, низоми истеҳсолӣ ва дигар самтҳои фаъолияти ин иншооти азими гидроенергетикӣ маълумоти муфассал дода шуд.
Қобили зикр аст, ки диққати меҳмононро манзараҳои дилфиреби шаҳри Норак ба худ ҷалб карданд. Зимни боздид Президенти Ҷумҳурии Демократии Сотсиалистии Шри-Ланка Майтрипала Сирисена чунин иброз дошт: «Дар бораи Тоҷикистон бисёр шунида будам, вале он чизе, ки дар ин ҷо дидам, маро воқеан ҳам ба ваҷд овард. Табиати зебо, обанбор, боду ҳавои тозаи ин ҷо як биҳиштро мемонад. Агар имкон пайдо кунам, ҳар вақт ба тамошои манзараҳои Тоҷикистон ташриф меорам».
Ба меҳмонони олиқадр барномаи рангини омодакардаи аҳли фарҳанги шаҳри Норак пешкаш карда шуд.
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
