«РӮИ ОЛАМ ГАШТ ПУР АЗ ДӮСТОНИ ҶОНИЯМ…». Дар Донишгоҳи давлатии Кӯлоб конференсияи илмӣ-амалӣ бахшида ба 80-солагии шоир Саидҷон Ҳакимзода баргузор гардид
ДУШАНБЕ, 15.06.2019. /АМИТ «Ховар»/. Имрӯз дар толори фарҳангии Донишгоҳи давалатии Кӯлоб ба номи Абӯабдуллоҳи Рӯдакӣ, бахшида ба 80-солагии шоир Саидҷон Ҳакимзода, конфренсияи илмӣ-амалӣ дар мавзӯи «Саидҷон Ҳакимзода ва масъалаҳои адабиёти муосири тоҷик» баргузор гардид. Дар ин бора мухбири минтақвии АМИТ «Ховар» иттилоъ дод.
Конференсияро, ки ба як навъ маҳфили ёдбуди шоири тавонои тоҷик табдил ёфт ва дар он донишмандону муҳаққиқон, шоирону нависандагон ва рӯзноманигорон, ҳавохоҳони шеъру адаб аз ҳар гушаю канори ҷумҳурӣ иштирок доштанд, Ректори Донишгоҳи давлатии Кӯлоб ба номи Абӯабдуллоҳи Рӯдакӣ, узви вобастаи АИ ҶТ, доктори илмҳои физика ва математика, профессор Абдулло Ҳабибулло оғоз намуда, кулли иштирокчиёни конференсияро ба ин боргоҳи илму адаб хайра мақдам гуфт.
Сипас дар назди ҳозирин Раиси Иттифоқи нависандагони Тоҷикистон, Шоири Халқии Тоҷикистон, дорандаи Ҷоизаи давлатии ба номи Абӯабдулло Рӯдакӣ Низом Қосим ба сухан баромада, аз нақши носутурдании Саидҷон Ҳакимзода дар адабиёти тоҷик изҳори назар намуд.
Дар назди ҳозирин доктори илмҳои филология, профессори Донишгоҳи миллии Тоҷикистон Аъламхон Кӯчаров дар мавзӯи «Устод Турсунзода дар тасвири Саидҷон Ҳакимзода» ва мушовири ректори Донишгоҳи давлатии Кӯлоб ба номи Абӯабдулло Рӯдакӣ Зафар Мирзоён дар мавзӯи «Нигоҳе ба сурудаҳои дилрабои Саидҷон Ҳакимзода» бо маърӯзаҳои илмӣ баромад карданд.
Саидҷон Ҳакимзода дар баробари он ки шеърҳои дилнишин гуфта, қалби бисёр ҳаводорони каломи бадеъро тасхир намудааст, дар гӯшаҳои гуногуни Тоҷикистон дӯстони зиёде дошт, шояд барои ҳамин имрӯз одамони зиёде ба Кӯлобшаҳр омада, маҳфили ёдбуди ӯро бо қудуми худ мунаввар намуданд. Чуноне дар як шеъраш навиштааст:
Нестам чун лолаи хуниндили саҳронишин,
Рӯи олам гашт пур аз дӯстони ҷониям…
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
Рӯзҳои кинои Ҷумҳурии Тоҷикистон дар Ҷумҳурии Қирғизистон ифтитоҳ гардиданд
Дар Душанбе Фестивали фарҳангии Тоҷикистону Корея-2026 баргузор мешавад
Дар Тоҷикистон Рӯзҳои фарҳанги Федератсияи Русия баргузор мешаванд
