РУШДИ ДЕҲОТ.Сокинони деҳаи Санободи ноҳияи Рӯшон бо оби нушокӣ таъмин мегарданд
ХОРУҒ, 17.06.2019 /АМИТ «Ховар»/. Мақомоти иҷроияи ҳокимияти давлатии ноҳияи Рӯшон дар ҳамкорӣ бо шарикони рушд ба бунёди хатти оби ошомиданӣ барои сокинони деҳаи Санободи ҷамоати деҳоти ба номи Муъминшо Абдулвосиеви ин ноҳия, ки масофаи он 8 километрро дар бар мегирад, оғоз намуд.
Дар деҳаи мазкур 48 хоҷагӣ зиндагӣ мекунанд ва аҳолии он солҳои зиёд аст, ки ба оби ошомиданӣ дастрасӣ надоранд. То ҳол маскунони деҳа аз оби дарёи Панҷ истифода мекунанд. Дар фасли зимистон оби дарё соф аст, аммо бо оғози фасли баҳор селу тарма ва баъзан партовҳои соҳили он истеъмоли ин обро ғайримкон гардонида, хатари эҳтимолии мубтало шудани сокинон ба ҳаргуна бемориро афзоиш медиҳад.
Тавре ба мухбири минтақавии АМИТ «Ховар» Файзи Мирасан раиси ҷамоати деҳоти номбурда Нозигул Абдулвоҳидова зикр намуд, «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021 барои рушди деҳот заминаи мусоид гузошт.
«Бо дасутуру супоришҳои Пешвои миллат муҳтарам Эмомалӣ Раҳмон имрӯз шароити зиндагии сокинон дар деҳоти мамлакат беҳтар мегардад. Мо аз ин хеле хушҳол шудем ва умедворем, ки дар ояндаи наздик симои деҳаи мо низ дигаргун хоҳад гашт. Алъон 15 нафар аз ҷавонон маҳалӣ ба васлу насби қубурҳои пластикӣ машғуланд ва бештари корҳоро коргарон тавассути техника анҷом медиҳанд. Ин оби нушокӣ аз саргаҳи рудхонаи кӯҳӣ гирифта мешавад»,- илова кард Н. Абдулвоҳидова.
Номбурда ҳамчунин зикр кард, ки алҳол дар масофаи 3 километр қубурҳо бо ҳам васл карда шуданд ва агар суръати кор бо ҳамин минвол идома ёбад, то даҳаи дуюми моҳи оянда оби ошомиданӣ ба деҳаи Санобод хоҳад расид.
Бояд зикр кард, ки барои анҷоми пурраи хатти оби нушокӣ Сафоратхонаи давлати Ҷопон Дар Тоҷикистон 86 ҳазор доллари амрикоӣ ҷудо намудааст.
Мутобиқи нақшаи Ҳукумати ҷумҳурӣ дар ояндаи наздик дар деҳаи Санобод сохтмони Неругоҳи барқию обӣ бо тавоноии 120 ҳазор киловат соат дар назар гирифта шудааст, ки иқтидори он нисбат ба неругоҳи барқию обии Помир 1 дуюним баробар бештар аст. Алъон лоиҳаи асоснокунии техникӣ-иқтисодии неругоҳи мазкур ба поён расидааст ва баъди пайдо шудани сармоя бунёди он шурӯъ мешавад.
Пешвои миллат Эмомалӣ Раҳмон дар деҳаи Басмандаи ноҳияи Деваштич муассисаи таҳсилоти томактабии №6-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич 5 кӯдакистон, муассисаи таълимӣ, толори варзишӣ ва бинои маъмурии Кумитаи иҷроияи ноҳиявии ҲХДТ-ро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Деваштич Коргоҳи дӯзандагӣ ва қолинбофии “Ёсуман”-ро ифтитоҳ намуданд
Пешвои миллат Эмомалӣ Раҳмон дар ноҳияи Деваштич Коргоҳи пойафзол ва маводи шустушӯии «Раҳматулло»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич Маркази саломатии деҳаи Қалъаи Дӯстиро ифтитоҳ намуданд
Дар шаҳри Турсунзода майдончаи нави варзишӣ ба истифода дода шуд
Пешвои миллат Эмомалӣ Раҳмон дар деҳоти Сӯҷинаи шаҳри Панҷакент корхонаи истеҳсоли шиферро ифтитоҳ намуданд
Сарвари давлат Эмомалӣ Раҳмон дар деҳоти Лоиқ Шералии шаҳри Панҷакент Беморхонаи минтақавиро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Панҷакент МТМУ №115-ро ифтитоҳ намуданд
Пешвои миллат Эмомалӣ Раҳмон дар шаҳри Панҷакент Муассисаи таҳсилоти томактабии «Нилуфар»-ро мавриди истифода қарор доданд
Сарвари давлат Эмомалӣ Раҳмон дар деҳаи Сангистони ноҳияи Айнӣ ба фаъолияти Маҷмааи фарҳангию фароғатии «Боғистон» оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Айнӣ ба таври фосилавӣ 4 корхонаи саноатӣ, 2 муассисаи таҳсилоти миёнаи умумӣ ва 6 кӯдакистонро мавриди истифода қарор доданд
