24 июл Бонки миллӣ, Суди олии иқтисодӣ, Кумитаи телевизион ва радио, Кумитаи дин, танзими анъана ва ҷашну маросим, МД «Телевизиони Сафина», МД «Тоҷикфилм» нишасти матбуотӣ доранд

ДУШАНБЕ, 23.07.2019 /АМИТ «Ховар»/. 24 июл Бонки миллии Ҷумҳурии Тоҷикистон, Суди олии иқтисодии Ҷумҳурии Тоҷикистон, Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон, Кумитаи телевизион ва радиои назди Ҳукумати Ҷумҳурии Тоҷикистон, Муассисаи давлатии «Телевизиони Сафина», Муассисаи давлатии «Тоҷикфилм» оид ба ҷамъбасти шашмоҳаи аввали соли 2019 нишасти матбуотӣ доир менамоянд.

Кумитаи телевизион ва радио соати 08:00 дар Кумитаи мазкур бо намояндагони воситаҳои ахбори омма нишасти матбуотӣ баргузор менамояд.

Бонки миллӣ соати 09:00 дар маҷлисгоҳи Бонки миллӣ нишасти матбуотӣ меорояд.

Кумитаи дин, танзими анъана ва ҷашну маросим соати 09:00 дар Маркази матбуоти ҷумҳуриявии АМИТ «Ховар» нишаст мегузаронад.

Суди олии иқтисодӣ соати 11:00 дар маҷлисгоҳи Суди олии иқтисодӣ нишасти матбуотӣ доир менамояд.

Нишасти матбуотии МД «Телевизиони Сафина» соати 11:00 ва МД «Тоҷикфилм» соати 13:00  дар ММҶ «Ховар» баргузор мешаванд.

Хотиррасон мекунем, ки тибқи нақшаи Дастгоҳи иҷроияи Президенти Ҷумҳурии Тоҷикистон, масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуоти ҷумҳуриявӣ  (хиёбони Рӯдакӣ, 40, ошёнаи 2, телефонҳои 221-34-24, 888-08-34-04) гузаронидани онҳо мувофиқа мекунанд.

Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  ба забонҳои тоҷикӣ ва русӣ нашр карда мешаванд.