Барои риоя нагардидани муқаррароти Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» зиёда аз 18 ҳазор сомонӣ ҷарима таъйин гардид

Июль 31, 2019 10:21

ДУШАНБЕ, 23.07.2019. /АМИТ «Ховар»/. Дар нимсолаи аввал барои риоя нагардидани муқаррароти Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» бо моддаи 89-и Кодекси ҳуқуқвайронкунии маъмурии Ҷумҳурии Тоҷикистон 10 парвандаи ҳуқуқвайронкунии маъмурӣ баррасӣ карда шуд. Аз ин парвандаҳо ба андозаи 18 475 сомонӣ ҷарима таъйин гардида, 4450 сомонӣ ба фоидаи давлат рӯёнида шуд. Дар ин бора имрӯз зимни нишасти матбуотӣ Раиси Кумитаи забон ва истилоҳоти назди Ҳукумати Ҷумҳурии Тоҷикистон, доктори илмҳои филологӣ Гавҳар Шарофзода иттилоъ дод.

Раиси Кумита дар идома дар бораи вазъи омӯзиш ва баррасии истилоҳоти соҳаҳои гуногуни халқ зикр  кард, ки «агар дар шаш моҳи аввали соли 2018 аз ҷониби Шўрои ҳамгунсозии истилоҳот ва мутахассисони Кумита 12 фарҳангнома, аз ҷумла дар соҳаҳои кишоварзӣ, ҳарбӣ, нассоҷӣ ва адабиётшиносӣ дар ҳаҷми 38 124 истилоҳ мавриди омўзиш ва баррасӣ қарор гирифта бошанд, дар 6 моҳи аввали соли 2019 аз ҷониби Шўро 8 фарҳангнома ва китобҳои таълимии соҳаҳои обшиносӣ ва геодезия, сохтмон ва меъморӣ, иқтисодӣ ва илмҳои дақиқ, техникӣ, варзиш, кишоварзӣ, байторӣ, илмҳои дақиқ, дар маҷмўъ 53 260 истилоҳ баррасӣ гардиданд. Ин нишондод ҷиҳати коркарду баррасии истилоҳот нисбат ба шаш моҳи аввали соли гузашта 26,2% зиёд мебошад.

«Кумита дар рушду густариш ва истилоҳоти соҳаи варзиш бо МД Телевизиони «Варзиш» ҳамкории доимӣ ба роҳ мондааст, ки то ин давра 54 истилоҳу иборавожаи варзишии соҳаи волейбол, теннисбозӣ ва шоҳмот ба тоҷикӣ гардонидаву ҳамгун сохта пешниҳод гардиданд»,-зикр кард Раиси Кумита.

Назорат ва татбиқи боби 5-и муқаррароти Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» ва  Қарори Ҳукумати Ҷумҳурии Тоҷикистон дар бораи «Феҳристи номҳои миллии тоҷикӣ» доир ба номгузорӣ самти фаъолияти дигари Кумита мебошад.

Дар робита ба ин зикр гардид, ки дар шашмоҳаи аввал 420 нафар ба Кумита оид ба номгузории фарзанд муроҷиат намуданд, ки ба 183 номи пешниҳод гардида аз ҷониби Комиссия иҷозат дода шуд. Инчунин 29 муроҷиати ақаллиятҳои миллӣ ва тарзи дуруст навиштани ному насаб бо забонҳои тоҷикӣ,  русӣ ва англисӣ аз ҷониби Комиссияи  номгузорӣ баррасӣ гардид.

Дар шашмоҳаи аввал ба номгузории 9 муассисаи таълимӣ ва 24 номи ташкилоту муассисаҳо аз лиҳози ташхиси забоншиносӣ ва танзими истилоҳот дар робита ба талаботи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» хулоса пешниҳод гардидааст, ки дар муқоиса ба шашмоҳаи аввали соли 2018 (29 адад) 3,1% зиёд аст.

Июль 31, 2019 10:21

Хабарҳои дигари ин бахш

БОРШИ УКРАИНӢ БА ФЕҲРИСТИ МЕРОСИ ФАРҲАНГИИ ҒАЙРИМОДДИИ ЮНЕСКО ВОРИД ШУД. Шаш сол пеш палави тоҷикӣ низ ба ин феҳрист шомил гардида буд
«Ваҳдати миллӣ. Сароғози бунёдкориҳо ва дурнамои рӯзгори босаодат»,- шарҳи матбуоти даврии Тоҷикистон
Дар Бадахшон қуллаҳои Маяковский ва Октябрский расман ба номи шоирон Мирсаид Миршакар ва Мўъмин Қаноат номгузорӣ шуданд
Дар Душанбе таҳти унвони «Омилҳои ташаккули матбуоти даврии тоҷик дар солҳои 1920-1930» ҳамоиш баргузор гардид
Бо ташаббуси Кумитаи иҷроияи ҲХДТ дар шаҳри Турсунзода толори фарҳангӣ мавриди баҳрабардорӣ қарор гирифт
Ду шабакаи телевизиони Тоҷикистон ба пахши моҳворавӣ пайваст мешаванд
ЭЙ ВАТАН, ЭЙ ТОҶИКИСТОН, ЭЙ БИҲИШТИ МАН! Шеъри тозаэҷоди Шоири халқии Тоҷикистон Камол Насрулло ба шарафи Рўзи Ваҳдати миллӣ
«САДОИ АДИБОНИ ДУНЁ ДАР ВАСФИ ТОҶИКИСТОН». Таҳти ин ном маҷмӯаи хотироти адибони ҷаҳон бо забони асл ва дар тарҷумаи тоҷикӣ ба нашр расид
«Сулҳ ройгон ба даст наомадааст, бояд ба қадраш бирасем!»,- шарҳи матбуоти даврии Тоҷикистон
Дар Осорхонаи миллии Тоҷикистон мусаввараҳои рассомони рус ба намоиш гузошта шуданд
Дар Ҳисор маҳфили эҷодии Нависандаи халқии Тоҷикистон Кароматуллоҳи Мирзо доир гардид
ШЕЪРИ ТОҶИК ДАР СУРИЯ. Дар Димишқ маҷмӯаи ашъори панҷ шоири шинохтаи Тоҷикистон ба забони арабӣ таҳти унвони «Ҳамосаи панҷгона» ба табъ расид