БОНУВОН ДАР СИЁСАТ. Ин мавзӯъ дар машварати омӯзишӣ дар дараи Ромит мавриди баррасӣ қарор гирифт

Июль 5, 2019 13:30

ДУШАНБЕ, 05.07.2019 /АМИТ «Ховар»/. Имрӯз дар дараи зебоманзараи Ромит таҳти унвони «Бонувон дар сиёсат» бо ташаббуси Кумитаи иҷроияи  Ҳизби Халқии Демократии Тоҷикистон дар ноҳияи Шоҳмансур  машварати омӯзишӣ доир гардид. Дар он зиёда аз 60 нафар занони фаъоли вазорату идораҳо иштирок доштанд.

Хабарнигори АМИТ «Ховар» Мавҷуда АНВАРӢ  аз макони баргузории ҳамоиш иттилоъ дод, ки машваратро Раиси  Кумитаи иҷроияи ҲХДТ дар ноҳияи Шоҳмансур Зулфиқор Гулаҳмадзода ифтитоҳ намуд. Номбурда зикр кард, ки тӯли як сол аст, ки дар назди Кумитаи иҷроияи ҲХДТ дар ноҳияи Шоҳмансур хониши сиёсӣ барои баланд бардоштани донишҳои сиёсии занон ташкил гардидааст. Ҳадафи он баланд бардоштани маҳорати суханварӣ, таъмини иштироки ҳарчи бештари занон дар ҳаёти ҷамъиятиву сиёсӣ,  иҷтимоию  фарҳангӣ ва идоракунии давлат барои баланд бардоштани мақом ва манзалати зан дар бунёди ҷомеаи демократӣ, ҳамзамон татбиқ намудани Фармони Президенти Ҷумҳурии Тоҷикистон «Дар бораи тадбирҳои баланд бардоштани мақоми зан дар ҷомеа» мебошад.

Сипас мудири шуъбаи кор бо занони Кумитаи иҷроияи ҲХДТ  дар шаҳри Душанбе Зарина Зуҳурова, раиси собиқадорони ҲХДТ дар шаҳри Душанбе Умринисо Казакова, шоира Зулфияи Атоӣ ва дигарон дар бораи нақши занон дар ҳаёти ҷамъиятиву сиёсӣ, тарбияи наcли наврас дар рӯҳияи ватандӯстӣ, худшиносиву худогоҳии миллӣ, нигоҳдории забони тоҷикӣ, дастгириҳои  давлату Ҳукумати мамлакат нисбат ба занон ва масъалаҳои марбут ба ҳаёти имрӯзаи бонувони мамлакат андешаҳои ҷолиб баён доштанд.

Зикр гардид, ки Президенти Ҷумҳурии Тоҷикистон муҳтарам Эмомалӣ Раҳмон дар мавриди баланд бардоштани нақши занон дар ҷомеа ҳамеша таъкид менамоянд. Ба андешаи Сарвари давлат: «Занону модарони бонангу номуси мо ҳанӯз дар даврони ниҳоят мушкили оғози истиқлолият обрӯ ва шарафи мамлакатро ҳифз намуданд, ба хотири ҳифзи ҳуқуқи худ мисли гурдофаридҳо ба қиём баромаданд, дар таҳкими давлат, сулҳу субот ва ваҳдати миллӣ саҳми бисёр арзишманд гузоштанд».

Қисми дуюми машварат бо маҳфили маърифатию фарҳангӣ идома ёфт.  Дар охир собиқадорон ва фаъолони маҳфили маърифатӣ бо туҳфаҳои хотиравии Кумитаи иҷроияи ҲХДТ дар ноҳияи Шоҳмансур қадрдонӣ шуданд.

Июль 5, 2019 13:30

Хабарҳои дигари ин бахш

ҲАФТАИ ПОСИ ХОТИР. Дар ноҳияи Шуғнон муҷассамаи сарбози номаълум бунёд карда шуд
Дар се моҳи аввали соли равон дар Тоҷикистон бемориҳои сирояткунанда 3,4 фоиз кам гардидаанд
ҲУШДОРИ АГЕНТИИ ОБУҲАВОШИНОСӢ: 3-4 май дар вилоятҳо ва ноҳияҳои тобеи Тоҷикистон омадани сел аз эҳтимол дур нест
Дар Тоҷикистон тайи 15 соли татбиқи қонуни танзим беш аз 25 миллиард сомонӣ ба нафъи шаҳрвандон пасандоз гардидааст
Дар Суғд барои қадршиносии иштирокчиёну маъюбони ҶДҶ 477 ҳазор сомонӣ ҷудо гардид
НА ҲАМА ЧИРО ЯКБОРА ИСТЕЪМОЛ КАРДАН МУМКИН АСТ. Ғизошиноси тоҷик роҳи дурусти баромадан аз рӯзадории моҳи Рамазонро гуфт
Доир ба нақши худидоракунии маҳаллӣ дар таъмини рушди устувори Тоҷикистон конференсияи ҷумҳуриявӣ доир шуд
Раиси Шӯрои уламо Саидмукаррам Абдуқодирзода аз мардуми Тоҷикистон даъват кард, ки дар иди Фитр ба исрофкорӣ роҳ надиҳанд
Дар Конибодом корҳои сохтмонии бинои маъмурии ҲХДТ ва навсозии Боғи фарҳангию фароғатии шаҳр идома доранд
Бори нахуст дар Тоҷикистон ҷарроҳии эзофагоколопластика бо колофарингоанастамоз анҷом дода шуд
Бахшида ба Рӯзи умумиҷаҳонии ҳифзи меҳнат дар Душанбе ҳамоиш доир гардид
ДАР ПАРТАВИ ҲИДОЯТҲОИ ПЕШВОИ МИЛЛАТ. Дар Тоҷикистон ба 300 оила кумаки башардӯстона расонида шуд