Дар мавзеи Гармчашмаи ноҳияи Ишкошим таҳти унвони «Ваҳдат-омили ягонагӣ ва суботи ҷомеа» ҳамоиш доир гардид

Июль 17, 2019 15:10

ДУШАНБЕ, 17.07.2019. /АМИТ «Ховар»/. Имрӯз, 17 июл дар мавзеи Гармчашмаи ноҳияи Ишкошими Вилояти Мухтори Кӯҳистони Бадахшон таҳти унвони «Ваҳдат-омили ягонагӣ ва суботи ҷомеа» ҳамоиш баргузор гардид.

Тавре ба АМИТ «Ховар» аз Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон хабар доданд,  дар кори ҳамоиш Раиси кумитаи мазкур Сулаймон Давлатзода, директори Маркази исломшиносӣ дар назди Президенти Ҷумҳурии Тоҷикистон Файзулло Баротзода, Раиси Шӯрои уламои Маркази исломии Тоҷикистон Саидмукаррам Абдуқодирзода ва ходимони дини дигар шаҳру навоҳии мамлакат иштирок намуданд.

Раиси Кумита Сулаймон Давлатзода баргузории чунин ҳамоишро дар роҳи таҳкими ваҳдати миллӣ муҳим арзёбӣ намуда, иброз дошт, ки Ваҳдати миллӣ- ин пеш аз ҳама,  сулҳу оромӣ, некуаҳволии мардум, созандагиву ободкорӣ  ва пойдевори ҳастии ҳар як миллат ба ҳисоб рафта, он барои ҳар сокини  диёрамон  дастоварди ниҳоят пурарзиш ва таҳкурсии боэътимоди пешрафту ободӣ ба шумор меравад.

Зикр гардид, ки бидуни иттиҳод ва ваҳдати миллӣ амну суботи сиёсӣ ва оромиши иҷтимоӣ дар ҷомеа имконпазир нахоҳад буд. Имрӯзҳо таҷрибаи сулҳи тоҷикон дар ҳалли мусолиматомези низоъҳо ҳам аз лиҳози назариявӣ ва ҳам аз нигоҳи амалӣ ба сарвати илми сиёсатшиносии ҷаҳонӣ мубаддал гардидааст. Таҷрибаи сулҳи тоҷикон, ғайр аз ин ки роҳро барои пешрафти минбаъдаи мамлакат  равшан кард, аҳамияти байналмилалӣ низ дорад ва он метавонад ҷиҳати ҳалли мушкилоти кишварҳои гуногун мавриди истифода қарор гирад.

Таъкид гардид, ки таълимоти дини Ислом ҳамеша ба сулҳу суботи ҷомеа, ваҳдати миллӣ ва ҳамгироӣ даъват намуда, амалҳои зишти тафриқаангезӣ, ҷудоихоҳӣ, хунрезӣ, ифротгароӣ ва хиёнаткориро маҳкум месозад. Мутаассифона, имрӯзҳо баъзе аз ташкилотҳои террористӣ аз номи поки дини Ислом суиистифода намуда, ба қатлу куштор ва ранҷу озори мусулмонон машғуланд.

Аз ҳамватанон даъват ба амал оварда шуд, ки дар пешрафт ва шукуфоии  мамлакати азизамон саҳми босазо гузошта, ҳушёриву зиракии сиёсиро аз даст надиҳанд ва ба ҳар дасисаву иғвоҳои гурӯҳҳои манфиатҷӯ дода нашаванд.

Июль 17, 2019 15:10

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд