Дар Тоҷикобод даври аввали озмуни ҷумҳуриявии «Тоҷикистон- Ватани азизи ман» баргузор гардид
ТОҶИКОБОД, 10.07.2019. /АМИТ «Ховар»/. Бо мақсади дар сатҳи баланд пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон ва иҷрои Амри Сарвари давлат дар толори шуъбаи фарҳанги ноҳияи Тоҷикобод бо иштироки раиси ноҳия Ҳамидулло Маҳмадшозода, сардори раёсати рушди муассисаҳои фарҳангӣ-фароғатӣ ва ҳунарҳои мардумии Вазорати фарҳанги Ҷумҳурии Тоҷикистон Қурбон Ғуломзода, намояндагони ташкилоту идораҳо ва доираи васеи ҷавонон даври аввали озмуни ҷумҳуриявии «Тоҷикистон- Ватани азизи ман» баргузор гардид.
Мудири бахши фарҳанг Саломуддин Кобулиев гуфт, ки ҳадафи асосии баргузор намудани озмун-ин оммавигардонии равияҳои гуногуни мусиқии касбии тоҷик, муаррифии истеъдодҳои нави санъати тоҷик, фароҳам овардани шароит баҳри дарёфти истеъдодҳо ва гурӯҳҳои ҳунарӣ дар байни наврасону ҷавонон дар самти равияҳои гуногуни жанрҳои сарояндагӣ мебошад.
Ҳамчунин баргузории озмуни мазкур дар ташаккули зебоипарастӣ, мукаммал гардонидани репертуари сарояндагон бо асарҳои нав, баланд бардоштани нуфузи мусиқии касбӣ ва анъанавии тоҷик, дарёфти чеҳраҳои нав, тарғибу ташвиқи ҳунари асил, ҳифзи беҳтарин анъанаҳои фарҳангӣ ва ҳунари миллӣ, тарғиби ашъори шоирони классику муосир, омода намудани ҳунармандон ба озмуну фестивалҳои сатҳи байналмилалӣ, инъикоси дастовардҳои замони соҳибистиқлолӣ ва дар ин замина тарбияи худшиносиву хештаншиносии миллӣ ва тарбияи маънавии ҷомеа дар даврони бархурди тамаддун ва ҷаҳонишавии фарҳанг мусоидат менамояд.
Ҳайати ҳакамон бо сардории муовини раиси ноҳияи Тоҷикобод Маҳмадтоир Назризода ба маҳорат ва истеъдоди иштирокчиёни озмуни мазкур баҳои баланд дода, аз 53 нафар иштироккунандагон 18 нафар беҳтаринҳоро муайян карда, ба даври ҷумҳуриявӣ роҳхат доданд.
Дар ҷамъбасти даври аввали озмуни «Тоҷикистон-Ватани азизи ман», ки аз рӯи номинатсияҳои оҳангсоз, сароянда, навозанда, шоир ва ровӣ баргузор гардид, аз тарафи Мақомоти иҷроияи маҳаллии ҳокимияти давлатии ноҳияи Тоҷикобод ба ғолибон ифтихорномаҳо тақдим гардиданд.
«ВАССОФИ ВАТАН». Пагоҳ дар кинотеатри «Ватан» 12 нафар ғолибони фестивал-озмун муайян мешаванд
ИМРӮЗ-РӮЗИ УМУМИҶАҲОНИИ ТЕЛЕВИЗИОН. Дар Тоҷикистон шабакаи алоҳидаи телевизионӣ барои таълими забонҳои хориҷӣ таъсис меёбад
Дар Тоҷикистон Рӯзҳои фарҳанги Беларус баргузор мегарданд
Дар Маркази фарҳангии мероси исломии «Ярмук»-и Кувайт Шоми мусиқии классикии тоҷикӣ баргузор гардид
Дар Донишкадаи санъати театрии Русия спектакли «Заҳҳок» намоиш дода шуд
Филми ҳунарии «Дов» дар кинофестивали байналмилалӣ дар Русия соҳиби ҷоиза гардид
Дар Москва рушди ҳамкории муассисаҳои таълимӣ дар соҳаи фарҳангу санъат баррасӣ гардид
ЭҲЁИ ҲУНАРҲОИ МАРДУМӢ. Бо Пешвои миллати фарҳангдӯст ва ҳунарпарварамон ифтихор дорем
Доир ба иқдоми бунёдкоронаи Пешвои миллат ҳамоиш доир шуд
Дар Тоҷикистон осори қадимии таърихии 150-ҳазорсола дарёфт гардид
«ПЕШВОИ МИЛЛАТ-ҲОМИИ ЗАБОНУ ФАРҲАНГИ ТОҶИКОН». Дар Душанбе ҳамоиши ҷавонону забоншиносон доир шуд
