ФУТБОЛ: дар даври сеюми Чемпионати Осиё дастаи мунтахаби наврасони Тоҷикистон бар Туркманистон ғолиб омад

Июль 30, 2019 08:30

ДУШАНБЕ, 30.07.2019 /АМИТ «Ховар»/. Шоми 29  июли  соли равон   сабқатҳои даври сеюми   Чемпионати Ассотсиатсияи футболи Осиёи Марказӣ   CAFA -2019   баргузор гардид. Дар даври сеюм  дастаи мунтахаби футболи  наврасони Тоҷикистон бар дастаи мунтахаби  наврасони  Туркманистон бо ҳисоби 3:0 ғолиб омад. Дар ин давр дастаи мунтахаби наврасони  Қирғизистон  аз дастаи  мунтахаби наврасони  Ӯзбекистон бо ҳисоби 3:2 мағлуб гардид ва дастаи мунтахаби  наврасони  Эрон  аз дастаи мунтахаби  наврасони  Афғонистон  бо натиҷаи  1:0 шикаст хӯрд.  Идомаи мавзӯъро шореҳи варзиши АМИТ «Ховар» Меҳрони Қурбон шарҳ медиҳад.  

 

  Даври 3-ум

 Тоҷикистон – Туркманистон – 3:0

 Голҳо: Сунатулло Азизов, 59 (1:0). Муҳаммадворис Саидалиев, 67 (2:0). Хусрав Тоиров, 70+4 (3:0)

Қирғизистон – Ӯзбекистон – 2:3

 Голҳо: Азизҷон Тошкентбоев, 2 (0:1). Муродбек Хуҷамбердиев, 29 – аз пеналти (0:2). Алишер Хайруллоев, 39 (0:3). Иличбек Атай, 41 (1:3). Берискелди  Тинибеков, 46 (2:3).

 Голҳо:

Эрон – Афғонистон – 0:1

 Голҳо: Аҳмад Закарёи    Ҳуссайнӣ, 66.

29 июли соли равон дастаи мунтахаби   наврасони Тоҷикистон дар Варзишгоҳи марказии ҷумҳуриявии шаҳри  Душанбе  бо дастаи мунтахаби  наврасони  Туркманистон  вохӯрд. Оғози бозӣ – соати 18:00 буд. Дар ҳамин соат дар Варзишгоҳи марказии шаҳри Ҳисор дастаи мунтахаби  наврасони  Қирғизистон бо дастаи  мунтахаби  наврасони  Ӯзбекистон бозӣ  кард. Соати 20:30 дар Варзишгоҳи марказии ҷумҳуриявии шаҳри  Душанбе бозии дастаҳои мунтахаби наврасони  Эрон бо Афғонистон  дар сатҳи баланду хотирмон баргузор  шуданд.

Хотиррасон менамоем, ки  26 июли соли равон дастаи  мунтахаби наврасони то 16-солаи Тоҷикистон оид ба футбол  дар даври 1-уми Чемпионати CAFA   бо  дастаи мунтахаби наврасони  то 16-солаи Ӯзбекистон дидор анҷом дод. Вохӯрии дастаҳо дар Варзишгоҳи марказии ҷумҳуриявии шаҳри Душанбе  дар сатҳи баланду хотирмон сурат гирифта, бо ҳисоби  мусовии 1 бар 1 хатм гардид. Голи футболбозони ӯзбекро дар нимаи аввали бозӣ ҳамлагар Рустам Турдимуродов ба ҳадаф расонид. Аз ҳайати дастаи  мунтахаби Тоҷикистон дар қисмати дуюм Алиҷони Айнӣ ба задани гол даст ёфт.

Бозиҳои  дигари  ҳамин гурӯҳ низ бо  чунин натиҷа хотима ёфтанд.  Дастаи мунтахаби  наврасони Эрон бар  дастаи мунтахаби Туркманистон бо ҳисоби 3:1 ғолиб омад. Дастаи  мунтахаби  наврасони Қирғизистон дидорро  бо дастаи мунтахаби  наврасони  Афғонистон  бо ҳисоби мусовии 2:2 анҷом дод.

Даври 1-ум

  Ӯзбекистон – Тоҷикистон  – 1:1

 Голҳо: Рустам Турдимуродов, 28 (1:0). Алиҷони Айнӣ, 59 (1:1).

 Туркманистон – Эрон – 1:3

Голҳо: Саҷад Гулмуҳаммадӣ, 15 (0:1). Батир Саҳидов, 60 (1:1). Ёдгор Ростамӣ, 66 – аз пеналти (1:2). Алиакбар Ранҷбар, 70+5 (1:3).

Афғонистан – Қирғизистон – 2:2

Голҳо: Аламбек Абилқасимов, 17 (0:1). Нурсент Азаматов, 32 (0:2). Меҳдӣ Иброҳимӣ, 44 (1:2). Аҳмад Зикрё, 51 (2:2).

27 июли соли 2019  дар даври дуюми Чемпионати Ассотсиатсияи футболи Осиёи Марказӣ дастаи мунтахаби наврасони  то 16-солаи  Тоҷикистон бар тими мунтахаби  наврасони Қирғизистон бо ҳисоби 2:0 ғалаба кард.

Бозии ин дастаҳои  мунтахаб  дар Варзишгоҳи марказии ҷумҳуриявии шаҳри Душанбе дар сатҳи  баланду  хотирмон  доир гашт. Голҳоро Муҷовид Шовайсиддинов ва Муҳаммадворис Сайдалиев заданд.

Дар бозиҳои дигар  дастаи  мунтахаби  наврасони  Афғонистон бар дастаи мунтахаби наврасони  Туркманистон бо ҳисоби 1:0  ва  дастаи  мунтахаби наврасони  Эрон бар  дастаи мунтахаби наврасони  Ӯзбекистон бо ҳисоби 2:1 пирӯз шуданд.

Даври 2-ум

 Тоҷикистон – Кирғизистон – 2:0

 Голҳо: Муҷовид Шовайсудинов, 38 (1:0). Муҳаммадворис Саидалиев, 60 – аз пеналти (2:0).

Афғонистон – Туркманистон – 1:0

 Голҳо: Аҳмад Закарёи  Ҳуссайнӣ, 22.

Ӯзбекистон – Эрон – 1:2

 Голҳо: Холид Роҳанӣ, 10 (0:1). Муродбек Хуҷамбердиев, 16 – аз пеналти (1:1). Саҷод Ҳодимӣ.

Тибқи низомнома, Чемпионати Ассотсиатсияи футболи Осиёи Марказӣ   CAFA U-16    тибқи системаи даврӣ дар як давр баргузор мешавад. Дастае, ки холҳои бештар ба даст меорад, ғолиб мегардад.

 

Июль 30, 2019 08:30

Хабарҳои дигари ин бахш

Имрӯз дар Дави миллӣ ва марафони велосипедронӣ дар Душанбе зиёда аз 46 500 нафар иштирок намуданд
Ғолибони бозиҳои даври шашуми Чемпионати Тоҷикистон оид ба футбол миёни дастаҳои Лигаи олӣ муайян гардиданд
Сармураббии дастаи мунтахаби наврасони Тоҷикистон Зайниддин Раҳимов: «Чемпионати CAFA марҳилаи омодагӣ ба мусобиқаи интихобии Ҷоми Осиё-2023 аст»
АҲСАН! Руҳафзо Ҳақназарова низ чун Шоира Зулқайнарова Чемпионати ҷаҳон оид ба боксро бо ғалаба оғоз намуд
Бахшида ба Рӯзи ҷавонон дар шаҳри Бохтар Дави миллӣ доир мегардад
Имрӯз дар Душанбе Чемпионати CAFA-2022 миёни дастаҳои наврасони то 16-сола оғоз мешавад
15 МАЙ-ДАВИ МИЛЛӢ. Бахшида ба Рӯзи ҷавонони Тоҷикистон дар Душанбе мусобиқаи варзишӣ баргузор мешавад
СУПЕРҶОМИ ТОҶИКИСТОН-2022 ОИД БА ФУТЗАЛ. Бозӣ миёни дастаҳои «Соро компания» ва «Сипар» 14 май дар Душанбе барпо мегардад
ЧЕМПИОНАТИ ТОҶИКИСТОН. Имрӯз «Хуҷанд» бо «Равшан» ва «Хатлон» бо «Истиқлол» рақобат мекунанд
БОКС. Шоира Зулқайнарова чемпионати ҷаҳонро бо ғалаба оғоз намуд
ФУТБОЛ. Пагоҳ дар Душанбе Чемпионати CAFA миёни наврасони то 16-сола оғоз мешавад
Ғолибони Мусобиқаи ҷумҳуриявии Ҷоми Федератсияи тенниси рӯи мизи Тоҷикистон муайян гардиданд