ГУЛҲОИ ХУДРӮЙ. Ҳайати экспедитсияи санъатшиносони тоҷик бо мақсади дарёфти онҳо ба ноҳияҳои Данғара ва Темурмалик сафар намуд
ДУШАНБЕ, 06.07.2019. /АМИТ «Ховар»/. Бахшида ба Солҳои рушди деҳот, сайёҳӣ ва ҳунарҳои мардумӣ як гурӯҳ санъатшиносон барои пайдо кардани чеҳраҳои нави ҳунару санъат аз миёни аҳолӣ ба ноҳияҳои Данғара ва Темурмалики вилояти Хатлон сафар карданд.
Тавре аз Академияи илмҳои Тоҷикистон ба АМИТ «Ховар» хабар доданд, ба гурӯҳи мазкур ходими илмӣ Кароматулло Раҳимов, Мурод Эшонқулов ва Ҳофизи Халқии Тоҷикистон Дона Баҳром шомиланд.
Роҳбари гурӯҳ Кароматулло Раҳимов зикр намуд, ки табъу завқи сокинони ноҳияи Данғара нисбат ба санъати мусиқӣ, шеър ва навозандагӣ қобили таҳсин аст.
«Дар баробари Файз Мадудов, яке аз истиқоматкунандагони деҳаи Ҷартеппаи ноҳияи Данғара даҳҳо нафар сокинони санъатдӯсту фарҳангпарвари деҳу ҷамоатҳои ноҳия шод аз он буданд, ки санъатшиносон ба суроғашон омадаанд», — илова намуд мавсуф.
Ба гуфтаи номбурда, фалак ва шашмақомхонӣ яке аз намудҳои олии ҳунарҳои мардумӣ ба шумор рафта, дар тамоми минтақаҳои Тоҷикистон, аз ҷумла дар ноҳияи Данғара низ маълуманд. «Имрӯз дар миёни мардум шояд садҳо фалакхоне ҳастанд, ки ҳунари онҳоро муаррифӣ бояд кард», — гуфт Кароматулло Раҳимов.
Ҳофизи Халқии Тоҷикистон Дона Баҳром зикр намуд, ки шахсони ҳунардӯст ва ҳунарҷӯе, ки мо дар ин ноҳия вохӯрдем, метавонанд дар рушди санъати миллати тоҷик саҳми бориз гузоранд. «Сафари мо то 11 июл идома ёфта, бо ин мақсад аз ноҳияи Темурмалик низ дидан менамоем», — афзуд ӯ.
Ёдовар мешавем, ки чунин экспедитсия охирин маротиба солҳои 80-уми қарни гузашта доир шуда, дар ин замина фолклор дар шакли умум ҷамъоварӣ гардидааст.
«ДИЛ БА ФАРМОНИ ВАТАН, ХУРСАНДАМ!». Ёддоштҳои Нависандаи халқии Тоҷикистон Абдулҳамид Самад дар бораи устод Мирсаид Миршакар
Дар Душанбе бахшида ба фановарӣ ва эҷодкорӣ Ҷашвораи минтақавии «Go Viral» баргузор мешавад
«ПАЙКАРИ МИЛЛАТ». Таҳти ин ном дар Театри академии драмавии ба номи Лоҳутӣ намоишномаи нав рӯи саҳна омад
«ДӮСТӢ — ТАВАССУТИ ФАРҲАНГ». Таҳти ин унвон дар Донишгоҳи Ҳоҷатепеи шаҳри Анқара бо иштироки кормандони Сафорати Тоҷикистон ҳамоиш доир шуд
Дар вилояти Хатлон Рӯзи шашмақом — достони муҳташами савту калом бо шаҳомати хосса таҷлил шуд
Дар донишгоҳҳои Туркия фарҳанги бойи Тоҷикистон ба хориҷиён муаррифӣ шуд
ШАШМАҚОМ НУТҚИ ҲУНАРМАНДРО БУРРО ВА МАЪНАВИЁТРО ҒАНӢ МЕГАРДОНАД. Имрӯз дар Тоҷикистон рӯзи шоҳасари мусиқии суннатии тоҷикон таҷлил мешавад
Имрӯз дар Москва бахшида ба 30-юмин солгарди равобити дипломатии Тоҷикистон ва Русия намоишгоҳ ифтитоҳ мешавад
«Tajikistan Fashion Week» тарроҳони шинохтаи ватанию хориҷиро дар Душанбе ҷамъ овард
ШАШМАҚОМ-ГАНҶИНАИ БЕБАҲОИ МИЛЛАТ. Дар Китобхонаи миллӣ маҳфили фарҳангӣ баргузор гардид
«РАҚС МОРО МУТТАҲИД МЕНАМОЯД». Имрӯз дар Душанбе Фестивали байналмилалӣ оғоз мепазирад
БА ПЕШВОЗИ РӮЗИ ШАШМАҚОМ. Доир ба инъикоси ин мусиқии суннатӣ дар нашрҳои чопӣ ҳамоиш баргузор гардид
