Кормандони Кумитаи ҳолатҳои фавқулода чор нафар нақбканро аз чуқурии 270 метр наҷот доданд
ДУШАНБЕ, 18.07.2019. /АМИТ «Ховар»/. Кормандони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон чор нафар нақбканро аз чуқурии 270 метр беосеб наҷот доданд. Дар ин бора АМИТ «Ховар» бо истинод ба Кумитаи ҳолатҳои фавқулода ва мудофиаи гражданӣ иттилоъ медиҳад.
Бояд зикр намуд, ки 17 июли соли равон дар майдони амудии кони №8, ки ба Ҷамъияти саҳомии кушоди «Ангишт»-и шаҳри Исфараи вилояти Суғд мансуб аст, ҳодисаи нохуш рух дод.
«Барои муайян намудани сабабҳои садама ва гузаронидани корҳои садамавиву наҷот 5 нафар кормандони взводи ҳарбии наҷоти кӯҳии Кумита дар шаҳри Хуҷанд таҳти роҳбарии муҳандиси минтақавии роҳандозии корҳои пешгирӣ аз ҳодисаҳои нохуш А.Эшонбобоев ва фармондеҳи взводи наҷоти кӯҳӣ И.Маликов фавран ба ҷойи ҳодиса роҳсипор гардиданд», — афзуд манбаъ.
Ба иттилои Кумитаи ҳолатҳои фавқулода ва мудофиаи гражданӣ дар аввалин бозрасӣ маълум гардид, ки сабаби ҳодиса канда шудани қубури махзани интиқоли оби кони № 8 аз қубури гармидиҳанда будааст. Дар натиҷаи фалокат қубур ба кон-чоҳ сарозер шудааст ва роҳи хуруҷи ангиштканонро, ки ин замон дар дохил буданд, бастааст.
Дар натиҷаи роҳандозии корҳои садамавиву наҷот аз ҷониби наҷотдиҳандагони кӯҳии Кумита дар шаҳри Хуҷанд 4 нафар нақбкан аз чуқурии 270 метр наҷот дода шуданд.
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад
ҚУРБИ АСЪОР: дар Тоҷикистон 1 рубли русӣ аз 0.1247 то 0.1240 сомонӣ муқаррар шудааст
Кишоварзони ноҳияи Восеъ дар гармхона бо усулҳои муосир маҳсулот парвариш мекунанд
