НАФАҚА БАРОИ …ФАВТИДАГОН? Дар ноҳияи Рӯдакӣ 325 ҳазору 723 сомонӣ ба Агентии суғуртаи иҷтимоӣ ва нафақа бозпас гардонида шуд

Июль 9, 2019 16:19

 РӮДАКӢ, 09.07.2019 /АМИТ «Ховар»/.  Раёсати Агентии суғуртаи иҷтимоӣ ва нафақа дар ноҳияи Рӯдакӣ дар якҷоягӣ бо филиали рақами 13-и «Амонатбонк» дар шаш моҳи соли равон оид ба баъди фавти нафақагирон бозпас гардонидани маблағи андозаи нафақа ва чор моҳ амалиёт нагузаронидани нафақаи нафақагирон, ки дар суратҳисоби бонкиашон маблағи бақияи нафақа вуҷуд дошту онҳо сари вақт амалиёти бонкӣ нагузаронидаанд, санади муқоисавӣ гузарониданд. Тибқи он аз 1149 нафар нафақахӯр 879 ҳазору 175 сомонӣ ба суратҳисоби Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон бозпас гардонида шуд,  иттилоъ  медиҳад хабанигори минтақавии АМИТ “Ховар” Субҳониддин МАҲМУД.

Гуфта мешавад, ки аз ин шумора 626 нафар нафақагирони фавтида мебошанд, ки маблағи бозпасгардидаи онҳо 325 ҳазору 723 сомониро ташкил медиҳад.

Муовини  сардори Раёсати Агентии суғуртаи иҷтимоӣ ва нафақа дар ноҳияи Рӯдакӣ Олим Ҷураев гуфт, ки «20 июни соли равон барои 1175 нафар нафақагироне, ки  аз соли 2017 то инҷониб амалиёт нагузаронидаанд ва маблағи бақияи нафақаашон 75 ҳазору 756 сомониро ташкил медиҳад, ба мудири филиали рақами 13-и «Амонатбонк» дар ноҳияи Рӯдакӣ муроҷиати хаттӣ намудем. Айни замон масъалаи бозпас гардонидани нафақаи 1175 нафар мавриди санҷиш қарор дорад».

Хотиррасон менамоем, ки тибқи меъёрҳои қонунгузрии Ҷумҳурии Тоҷикистон,  дар бораи санаи  фавти шаҳрвандон мақомоти САҲШ бояд сари вақт ба мақомоти марбутаи нафақа хабар диҳанд.  Тавре  мутахассиси САҲШ-и ноҳияи Рӯдакӣ Муборак Мирзоева иброз медорад, дар асоси мубодилаи иттилоот  дар бораи бақайдгирии давлатии вафоти шаҳрвандон  соли равон зиёда аз 8 маротиба ба раёсати Агентии суғуртаи иҷтимоӣ ва нафақа рӯйхат оид ба фавти шаҳрвандон  бо шумораи 873 нафар пешниҳод намудаанд. Аз ин шумора 640 нафар нафақагирон мебошанд,   пардохти нафақаи онҳо  сари вақт қатъ карда шудааст.

Июль 9, 2019 16:19

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд