Нахустин гурӯҳи зоирони тоҷик ба Арабистони Саудӣ сафар карданд
ДУШАНБЕ, 22.07.2019. /АМИТ «Ховар»/. Имрӯз нахустин гурӯҳи шаҳрвандони Тоҷикистон бо мақсади адои маносики ҳаҷ озими Шоҳигарии Арабистони Саудӣ гардид. Дар ин бора АМИТ «Ховар» бо истинод ба Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон хабар медиҳад.
Ба иттилои манбаъ, зоиринро дар Фурудгоҳи байналмилалии Душанбе роҳбарияти Кумита ва намояндагони сохторҳои дахлдор гусел намуданд.
Раиси Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Сулаймон Давлатзода ҳар як зоирро ба манзалати сафир ва муаррифи мамлакат шуморида, аз онҳо даъват намуд, то бо одобу рафтор ва тамкини хос аз худ ва мамлакати худ хабар диҳанд.
«С. Давлатзода дар идома иброз дошт, ки бо талошҳои пайвастаи Ҳукумати мамлакат ҳамасола барои таъмини шароити хубу арзанда барои зоирони тоҷик тадбирҳои судманд андешида мешаванд ва чунин шароити арзанда имсол низ барои ҳаҷравандагон муҳайё гардидааст», — афзуд манбаъ.
Сафири Шоҳигарии Арабистони Саудӣ дар Тоҷикистон Абдулазиз Муҳаммад ал-Бодӣ бо ёдоварӣ аз сатҳи хуби муносибатҳои Тоҷикистону Арабистони Саудӣ таъкид намуд, ки кишвари мизбон барои дар сатҳи баланд ташкил ва баргузор намудани мавсими имсолаи ҳаҷ омодагии ҷиддӣ дида, хизмат ба зоиронро шараф медонад.
Ёдовар мешавем, ки сафари зоирони тоҷик ба Шоҳигарии Арабистони Саудӣ дар назар аст то даҳ рӯзи дигар аз тариқи ширкатҳои ватании «Тоҷик-Эйр» ва «Сомон-Эйр» идома ёбад.
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
БОЙГОНӢ — ГАНҶИНАИ БЕБАҲОИ МИЛЛАТ. Ба Рӯзи байналмилалии бойгонӣ бахшида мешавад
Дар Душанбе татбиқи технологияҳои рақамӣ дар соҳаи таҳсилоти касбӣ бо ширкати Чин баррасӣ шуд
Қонун «Дар бораи танзими ҷашну маросим дар Ҷумҳурии Тоҷикистон» — тадбири намунавӣ дар байни мардумони кишварҳои Осиёи Марказӣ
Тоҷикистонро моҳи аввали фасли тобистон чӣ гуна ҳаво интизор аст?
Муассисаҳои таҳсилоти ибтидоӣ ва миёнаи касбии Тоҷикистон бо озмоишгоҳҳои муосири таълимӣ таъмин гардиданд
Таҳкими ҳамкорӣ дар самти рушди ғизои мактабӣ бо намояндагони Барномаи озуқавории ҷаҳонии СММ баррасӣ гардид
150 нафар соҳиби шаҳодатномаи маҳфили «Пайравони Пешвои миллат» гардиданд
