Паҳлавонони шинохтаи тоҷик дар Гран Прии Будапешт иштирок мекунанд

Июль 12, 2019 16:15

ДУШАНБЕ, 12.07.2019 /АМИТ «Ховар»/. Имрӯз дар шаҳри Будапешти Венгрия Мусобиқаи байналмилалии дзюдо «Budapest Grand Prix 2019» оғоз гардида, то 14 июли соли равон  идома меёбад. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ  ба мухбири АМИТ «Ховар» хабар дод.

Тибқи иттилои манбаъ, давоми се рӯз 550 нафар варзишгарон (344 мард, 206 зан) аз 82 давлати дунё барои ба даст овардани ҷойҳои ифтихорӣ ва беҳтар кардани мавқеашон дар раддабандии олимпӣ талош мекунанд. Аз ҷумҳурии  Тоҷикистон  дар  мусобиқаи мазкур 4 нафар варзишгар – Сомон Маҳмадбеков (вазни -73кг), Акмал Муродов (-81кг), Комроншоҳ Устопириён (-90кг) ва Темур Раҳимов (+100кг) иштирок доранд

Рӯзи аввал қувваозмоиҳои вазнҳои -48кг, -52кг, -57кг миёни бонувон, -60кг, -66кг миёни мардон сурат мегиранд. 13 июл варзишгарони вазнашон -63кг, -70кг миёни бонувон, -73кг, -81кг миёни мардҳо рӯи татамӣ мебароянд. Дар рӯзи сеюм  беҳтаринҳо дар вазнҳои -78кг, +78кг миёни бонувон, -90кг, -100кг, +100кг миёни мардҳо муайян мегарданд.

Чун анъана ғолибон дар баробари медал соҳиби 3000 доллари ИМА ҷоизапулӣ мегарданд. Барои ҷои дуюм 2000 доллар ва барои ду ҷои сеюм 1000-долларӣ ҷоиза пешбинӣ шудааст.

Сомон ва Акмал 13 июл, Комроншоҳ ва Темур 14 июл гӯштин мегиранд. Рақиби Сомон Маҳмадбеков дар даври аввал Антуан Бучард аз Канада мебошад.

Акмал Муродов дар даври аввал озод аст ва дар даври дуюм бо Алексисос Нтанадсидис аз Юнон гӯштин мегирад. Ҳарифи Комроншоҳ Устопириён дар даври аввал Марко Бубанҷа аз Австрия ва ҳарифи Темур Раҳимов Сослан Бостанов аз Россия ҳастанд.

Ёдовар мешавем, ки  ду варзишгари мо – Хайёмиддин Ҷабборов (-66кг) ва Беҳрӯз Хоҷазода (-73кг), ки ҷиҳати иштирок дар мусобиқа номнавис шуда буданд, бо иллати дарёфт накардани раводид аз иштирок дар мусобиқа маҳрум монданд.

Июль 12, 2019 16:15

Хабарҳои дигари ин бахш

15 МАЙ-ДАВИ МИЛЛӢ. Бахшида ба Рӯзи ҷавонони Тоҷикистон дар Душанбе мусобиқаи варзишӣ баргузор мешавад
СУПЕРҶОМИ ТОҶИКИСТОН-2022 ОИД БА ФУТЗАЛ. Бозӣ миёни дастаҳои «Соро компания» ва «Сипар» 14 май дар Душанбе барпо мегардад
ЧЕМПИОНАТИ ТОҶИКИСТОН. Имрӯз «Хуҷанд» бо «Равшан» ва «Хатлон» бо «Истиқлол» рақобат мекунанд
БОКС. Шоира Зулқайнарова чемпионати ҷаҳонро бо ғалаба оғоз намуд
ФУТБОЛ. Пагоҳ дар Душанбе Чемпионати CAFA миёни наврасони то 16-сола оғоз мешавад
Ғолибони Мусобиқаи ҷумҳуриявии Ҷоми Федератсияи тенниси рӯи мизи Тоҷикистон муайян гардиданд
Тоҷикистонро дар Ҷоми Осиё-2022 оид ба дзюдо миёни наврасон ва ҷавонон 13 нафар варзишгарон намояндагӣ мекунанд
ФУТБОЛ. «Файзканд» ва КМВА дар даври шашуми Чемпионати Тоҷикистон миёни дастаҳои Лигаи олӣ ғолиб шуданд
ҶОМИ ОСИЁ-2023. Дастаи мунтахаби Тоҷикистон оид ба футбол пеш аз бозиҳои интихобӣ дар Дубай тамринҳои дастҷамъона баргузор мекунад
Варзишгарони тоҷик дар Чемпионати Осиё оид ба каратэ-кёкушинкай соҳиби ҳашт медал шуданд
ЧЕМПИОНАТИ ҶАҲОН ОИД БА БОКС МИЁНИ ЗАНОН ДАР ИСТАНБУЛ. Варзишгари тоҷик Сумая Қосимова имрӯз ба сабқат мебарояд
ФУТБОЛ. Дастаи мунтахаби наврасони Тоҷикистон дар мусобиқаи Рушди УЕФА соҳиби ҷойи дуюм гардид