Санъат Раҳим: «Зиёда аз 120 нафар шахсони масъули корхонаҳо ба ҷавобгарии маъмурӣ кашида шуданд»
ДУШАНБЕ, 16.07.2019. /АМИТ «Ховар»/. Дар шашмоҳаи аввали соли равон 121 нафар шахсони масъули корхонаҳои бақайдгирифташуда ба ҷавобгарии маъмурӣ кашида шуданд. Дар ин бора имрӯз, 16 июл сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон Санъат Раҳим зимни нишасти матбуотии ин ниҳод иттилоъ дод.
Тавре мухбири АМИТ «Ховар» хабар медиҳад, мавсуф зикр намуд, ки шахсони мазкур ба маблағи зиёда аз 233 ҳазору 700 сомонӣ ҷаримабандӣ карда шуданд.
«Ин нафарон асосан роҳбарон ва шахсони масъули корхонаҳо буда, бинобар риоя накардани талаботи санадҳои меъёриву ҳуқуқии бехатарии саноатӣ, наандешидани тадбирҳои зарурӣ оид ба пешгирӣ ва рух надодани ҳодисаҳои нохуш дар иншооти истеҳсолии хатарнок нисбат ба онҳо чунин тадбир андешида шуд», — илова намуд Санъат Раҳим.
Ба гуфтаи мавсуф, барои бартараф кардани камбудиҳои ҷойдошта, ба роҳбарон ва шахсони масъули корхонаву ташкилоти зеризаминӣ зиёда аз 133 нишондод пешниҳод гардидааст, ки аз ин шумора 31 адад оид ба боздошти фаъолият мебошад.
«Имрӯз дар Хадамот бештар аз 2 ҳазору 250 корхона ва 10 ҳазор иншоот ба қайд гирифта шудаанд»,- гуфт Санъат Раҳим.
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
