СЕЛ ДАР САНГВОР: шарҳи расмии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон

Июль 15, 2019 14:00

ДУШАНБЕ, 15.07.2019. /АМИТ «Ховар»/. Дирӯз сел бахше аз роҳи мошингард ва пулеро дар деҳаи Ёзғанди ноҳияи Сангвор  хароб кард. Ҳоло гурӯҳи кории Кумитаи ҳолатҳои фавқулодда ва мудофиаи граджании назди Ҳукумати Ҷумҳурии Тоҷикистон бо сарварии Муовини аввали Раиси Кумита генерал-майор Рустам Шоҳиён дар минтақаи офатзадаи Сангвор қарор дорад. Дар ин бора шарҳи расмии Кумита ба АМИТ «Ховар» расид, ки дар он омадааст: 

14 июли соли  2019 дар соати 15:30 бар асари боришоти шадид дар ҷамоати Тавилдара, деҳаи Ёзганд, воқеъ дар  километри 47 роҳи мошингарди Лаби Ҷар — Сангвор сел омад, ки бар асари он пул ва роҳи мошингард дар километри 57 хароб гардид.  Ҳамчунин сел қитъаҳои наздиҳавлигии сокинони маҳаллиро пахш кард. Аммо селоб ва лойқа бештар ба заминҳои кишти ҷамоат зарар овард. Ин офати табиӣ қурбонӣ надошт.

Барои ташкили кор ҷиҳати бартараф намудани оқибатҳои офати табиӣ гурӯҳи кории Кумита бо сарварии Муовини якуми Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, генерал-майор Рустам Шоҳиён ва муовини Вазири нақлиёти кишвар ба минтақаи офатзада рафтанд.  Дар ноҳия барои сари вақт бартараф намудани оқибатҳои сели азим нерӯҳо ва воситаҳои зарурӣ равона карда шуданд.

ДАР АКС: Рустам Назарзода

Раиси  КҲФ ва МГ Рустам Назарзода  дастур дод, ки якҷо бо Комиссияи ҳолатҳои фавқулодаи ноҳияи Сангвор ба таври фаврӣ корҳои наҷотдиҳӣ ва бартарафсозӣ  поён дода шаванд.

Дар айни замон корҳои барқарорсозӣ ва бартараф намудани оқибатҳои офат идома доранд. Барои муайян кардани зарари расида Комиссияи ҳолатҳои фавқулода ба кори худ идома медиҳад.

Июль 15, 2019 14:00

Хабарҳои дигари ин бахш

ҚОНУНИ ҶАНГАЛ: ДАР АФҒОНИСТОН ПӮШИДАНИ ҲИҶОБ ҲАТМӢ ШУД. Дабири кулли СММ Антониу Гутерриш изҳори нигаронӣ намуда, бори дигар аз толибон даъват кард, ки ба худ оянд
ОГОҲИИ АГЕНТИИ ОБУҲАВОШИНОСӢ: 10-16 май бориши боронҳои шадид дар назар аст
РӮЗИ ПОСИ ХОТИР. Ҷоннисориҳои зиёда аз сад миллату халқияти собиқ Иттиҳоди Шӯравӣ фаромӯш нахоҳад шуд!
Ба минтақаи Кӯлоб нақлиётҳои сайёри тиббӣ тақдим гардиданд
«ҲИМОЯИ АРЗИШҲОИ МИЛЛӢ ДАР РАВАНДИ ҶАҲОНИШАВӢ». Таҳти ин унвон дар ноҳияи Муъминобод ҳамоиши илмиву маърифатӣ баргузор шуд
25 нафар занону духтарони ВМКБ ба курси «Зан – сарвар» ҷалб гардиданд
ИМРӮЗ — РӮЗИ УМУМИҶАҲОНИИ САЛИБИ СУРХ ВА ҲИЛОЛИ АҲМАР. Ҷамъияти Ҳилоли Аҳмари Тоҷикистон беш аз 12 ҳазор волонтёрро муттаҳид месозад
МАСЛИҲАТИ МУТАХАССИС. Инсон бояд дар як шабонарӯз аз 25 то 50 грамм фалла (творог) истеъмол намояд
«МО БА ШУМО ЭҲТИРОМ ДОРЕМ!». Дар ноҳияи Рӯдакӣ ба иштирокчии Ҷанги дуюми ҷаҳонӣ туҳфаҳои Пешвои миллат расонида шуданд
Дар ноҳияи Ҳамадонӣ доир ба ҳимояи арзишҳои миллӣ дар раванди ҷаҳонишавӣ мулоқот доир гардид
Дар ноҳияи Сангвор ба иштирокчии Ҷанги дуюми ҷаҳонӣ Достӣ Умедов туҳфаҳои Сарвари давлат супорида шуданд
Дар шаҳри Норак ба гиромидошти хотираи неки собиқадорони Ҷанги дуюми ҷаҳонӣ ҳамоиши тантанавӣ доир шуд