ШАБИ ГИРИФТАНИ МОҲ. Сокинони Тоҷикистон, эҳтимол, ин ҳодисаи астрономиро мушоҳида карданд…
ДУШАНБЕ, 17.07.2019. /АМИТ «Ховар»/. «Шаби гирифтани моҳ» — номи филм ва спектакли машҳурест, ки аз рӯи фоҷиаи Нависандаи халқии Бошқирдистон Мустай Карим офарида шудааст. Бисёриҳо ин спектаклро рӯи саҳнаи Театри академии драмавии ба номи Лоҳутӣ дар Душанбе борҳо тамошо кардаанд. Вале ин ҷо сухан дар бораи спектакл не, балки дар бораи ҳодисаи нодири астрономӣ меравад, ки борҳо рӯй додааст ва шаби гузашта низ рух дод ва шояд сокинони мамлакат онро мушоҳида намуда бошанд…
Шаби гузашта гирифти нопурраи навбатии Моҳ ба амал омад. Тавре Директори Пажӯҳишгоҳи астрофизикаи Академияи илмҳои Ҷумҳурии Тоҷикистон Гулчеҳра Қоҳирова ба хабарнигори АМИТ «Ховар» иброз дошт, ҳодиса шаби 17 июл аз соати 01:30-и вақти маҳаллӣ оғоз гардида, давоми ним соат, яъне то соати 02:00 сояи замин қисман Моҳро пӯшонд. Ба гуфтаи Г. Қоҳирова мушоҳидаи гирифти моҳ дар минтақаи Тоҷикистон пурра мумкин буд. Ҳодисаи гирифти Моҳро кормандони Пажӯҳишгоҳи астрофизикаи Академияи илмҳои Ҷумҳурии Тоҷикистон аз расадхонаи Санглох мушоҳида намуданд.
«Ҳодисаи астрономии гирифти Моҳ вақте ба вуқӯъ меояд, ки Офтоб, Моҳтоб ва замин дар як хат қарор мегиранд. Дар ин ҳолат сояи замин пурра ё қисман Моҳро аз назари мушоҳидачии дар рўи Замин буда мепўшонад, яъне торик мекунад»,- мегӯяд Гулчеҳра Қоҳирова.
Ба зикри номбурда, дар Тоҷикистон ҳодисаи гирифти Моҳ имсол бори сеюм буда, мушоҳидаи он дирӯз пурра мумкин буд.
Расмҳоеро, ки мебинед, кормандони Пажӯҳишгоҳи астрофизикаи Академияи илмҳои Ҷумҳурии Тоҷикистон аз расадхонаи Санглох ҳангоми мушоҳида гирифтаанд.
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
Моҳи охири фасли тобистон дар Тоҷикистон ҳарорати ҳаво то 1 дараҷа баланд мешавад
Дар Тоҷикистон соли 2026 ҳаҷми маблағи кумакпулии унвонии иҷтимоӣ бештар гардидааст
БАРНОМАИ РУШДИ РОҲНАМОИ КАСБ. Татбиқи он имкон медиҳад, ки шумораи аҳолии бо ҷойи кор таъминшуда ҳамасола 2-2,2 фоиз афзоиш ёбад
«ЧИЛ ДУХТАРИ ТОҶИК БО ЧИЛ ГЕСӮИ ДАРОЗ». Таҳти ин унвон намоиши либосҳои миллӣ баргузор гардид
Шумораи аҳолии машғул ба фаъолияти иқтисодӣ дар Тоҷикистон беш аз 2 миллион нафарро ташкил медиҳад
Дар минтақаи Кӯлоб шумораи нафақагирон беш аз 127 ҳазор нафарро ташкил медиҳад
Ба 12 оилаи аз офати табиӣ зарардидаи ноҳияи Абдураҳмони Ҷомӣ қитъаи замини наздиҳавлигӣ ҷудо гардид
Оид ба низоми электронии дипломҳо машваратҳои омӯзишӣ баргузор шуданд
ТАВСИЯҲОИ МУФИД. Доир ба аҳамият ва тарзи тайёр намудани шарбату консерваҳо барои фасли зимистон
Доир ба татбиқи «Барномаи давлатии солимии репродуктивӣ барои солҳои 2023-2027» ҷаласа баргузор шуд
