Сироҷиддин Икромӣ: «Сармоя ва дороиҳои «Амонатбонк» афзудаанд»

Июль 23, 2019 14:06

ДУШАНБЕ,  23.07.2019/АМИТ «Ховар»/. Сармояи  яке аз бонкҳои муваффақ ва пешсафи мамлакат –«Амонатбонк»  ба андозаи беш аз 10 фоиз афзоиш ёфта, ба 417,2 миллион сомонӣ баробар гардидааст. Дар ин хусус  имрӯз ба намояндагони расонаҳои хабарӣ раиси Бонки давлатии амонатгузории  Ҷумҳурии Тоҷикистон «Амонатбонк»  Сироҷиддин  ИКРОМӢ   дар нишасти матбуотӣ иттилоъ дод. 

Сироҷиддин Икромӣ гуфт, ки рисолати «Амонатбонк» ҳамчун бонки мардумӣ  аз пешниҳоди хизматрасонии  босифату сатҳи баланд ба аҳолии мамлакат иборат мебошад. Дар ин росто,  қариб се ҳазор  нафар  кормандони «Амонатбонк» дар тамоми манотиқи мамлакат ба  зиёда аз 20  ҳазор корхонаю ташкилот,  беш аз 720 ҳазор нафақагирони мақомоти ҳифзи иҷтимоии аҳолӣ ва мақомоти ҳифзи ҳуқуқ, зиёда аз 1,7 миллион нафар пасандозгузорон  тавассути  75 филиал ва 546 маркази хизматрасониҳои бонкӣ хизмат мерасонанд.

Бо дахли муваффақиятҳои бонки мардумӣ раиси «Амонатбонк» зикр намуд, ки  даромади софи бонк дар ин давра 20,4 миллион сомониро ташкил намуд, ки нисбат ба ҳамин давраи соли 2018 ба андозаи 13,5 фоиз зиёд мебошад. Инчунин дороиҳои «Амонатбонк» 4,2 миллиард сомонӣ ва уҳдадориҳои он 3,8 миллиард сомониро  ташкил дода,  дар қиёс нисбат ба ҳамин давраи соли гузашта мутаносибан 8,3 ва 8,1 фоиз зиёд гардидаанд.

Ҳамзамон «Амонатбонк» бо мақсади  таъмини шаффофият   дар  самти қабул ва  интиқоли маблағҳои  коммуналӣ  ва огоҳ шудани муштарӣ  аз ҳолати қарздорӣ  ва пардохти  маблағҳо бо ин мақсад, то имрӯз  ба барномаи  «Қабули маблағҳои  коммуналӣ» ба беш аз 400 маркази  хизматрасонии бонкӣ пайваст карда шудааст, ки дар қиёс нисбат ба ҳамин давраи соли гузашта 153 адад зиёд аст.

Июль 23, 2019 14:06

Хабарҳои дигари ин бахш

Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад
Ҳаҷми истеҳсоли маҳсулоти кишоварзӣ дар Хатлон ба 42,5 миллиард сомонӣ баробар шуд
Тоҷикистон ният дорад то соли 2035 партовҳои газҳои гулхонаиро то 40 фоиз коҳиш диҳад
Рӯзи Президенти Тоҷикистон яке аз санаҳои муҳими тақвими сиёсию фарҳангии ҷумҳурӣ ба шумор меравад
Дар Фурудгоҳи байналмилалии Душанбе ба дастовардҳои даврони соҳибистиқлолии Тоҷикистон арҷ мегузоранд
АЗ СОЛИ БАЙНАЛМИЛАЛИИ ОБИ ТОЗА ТО РӮЗИ БАЙНАЛМИЛАЛИИ ЗЕҲНИ СУНЪИИ БЕХАТАР, ҲИФЗШУДА ВА БОЭЪТИМОД. Андешаҳо дар ин маврид
Зеҳни сунъӣ ба яке аз технологияҳои серталабтарини асри рақамӣ аз лиҳози истеъмоли неруи барқ табдил меёбад