Ансамбли «Бадахшон» дар Фестивали «Таронаҳои Шарқ» сазовори ҷойи сеюм гардид

Август 31, 2019 11:13

ДУШАНБЕ, 31.08.2019 /АМИТ «Ховар»/. Ансамбли фолклории Муассисаи давлатии сафарию ҳунарии «Базморо»-и  Ҷумҳурии Тоҷикистон   дар  Фестивали XII байналмилалии мусиқии «Таронаҳои Шарқ», ки  дар майдони Регистони шаҳри Самарқанди Ҷумҳурии Ӯзбекистон баргузор гардид,  байни 28 ансамбл ва гурӯҳҳои эҷодӣ аз кишварҳои гуногун  сазовори ҷои сеюм дониста шуд. Ансамбли  мазкур  бо дипломи дараҷаи се, туҳфаҳо ва мукофоти пулӣ ба андозаи 2000 ҳазор доллари амрикоӣ қадр гардид.

Тавре хабарнигори АМИТ «Ховар» хабар медиҳад, ҳунарпешаҳои Ансамбли «Бадахшон» бо  роҳбарии Соҳиба Давлатшоева дар назди  ҳайати ҳакамон ва тамошобинон, ки аз мусиқишиносону санъаткорон ва дӯстдорони ин санъат  аз 75  кишвари дунё иборат буданд,  суруду таронаҳои дилнишини «Попурӣ», «Баҳор»-и оҳангсоз Муҳаммадато Таваллоев ва «Дило ҷунам»-ро манзур намуданд.

Ҷои сеюм инчунин боз ба ду гурӯҳи дигар — Ансамбли «Айярхан» аз Федератсияи Россия, инчунин ба дуэти шашмақомхонон Азизҷон Абдуазимов ва Улуғбек Элмуродзода аз Ҷумҳурии Ӯзбекистон лоиқ дониста шуд.

Ҷои дуюмро Ансамбли «Арчибил» аз Туркманистон ва Ансамбли «Ҳатан» аз Муғулистон ба даст оварда, соҳиби диплом, туҳфаҳо ва 3500 доллари амрикоӣ гардиданд.

Ҳакамони ҷашнвора ҷои аввалро ба дуэти қомузнавозон аз Ҷумҳурии Қирғизистон ва Парвиз Қосимов аз Озарбойҷон лоиқ донистанд. Мукофоти пулии ҷои аввал 5000 доллари амрикоиро ташкил медиҳад.

Шоҳҷоизаи Фестивали XII  байналмилалии мусиқии «Таронаҳои Шарқ» ба Меҳрнигор Абдурашидова аз Ҷумҳурии Ӯзбекистон супорида шуд. Барандаи Шоҳҷоиза бо диплом, мукофотҳо ва 10000 доллари амрикоӣ қадр гардид.

Дар маҷмӯъ, бояд гуфт, ки Фестивали XII байналмилалии мусиқии «Таронаҳои Шарқ» 340 нафар санъатшиносон, коршиносон, ҳунарпешагон ва рӯзноманигоронро аз 75 давлати дунё ҷамъ оварда буд.

 

Август 31, 2019 11:13

Хабарҳои дигари ин бахш

«ҚАСРИ АРБОБ» — МАКОНИ МУҚАДДАС ВА ТАЪРИХӢ. Ба Рӯзи Президенти Ҷумҳурии Тоҷикистон бахшида мешавад
Олимони тоҷик нақши Президенти Тоҷикистонро дар комёбиҳои сулҳу ваҳдати миллӣ нотакрор арзёбӣ намуданд
Дар Донишгоҳи миллии Тоҷикистон нақши Иҷлосияи XVI Шӯрои Олиро дар ҳимояи манфиатҳои миллӣ баррасӣ карданд
Нақши Президенти Ҷумҳурии Тоҷикистон дар рушди соҳаи маориф назаррас аст
«ПРЕЗИДЕНТ – ҲОМИИ МИЛЛАТ». Таҳти чунин унвон дар Китобхонаи миллии Тоҷикистон ҳамоиш доир шуд
Аз номи Сергей Лебедев барои дар сатҳи баланд баргузор намудани Анҷумани VI омӯзгорон ва кормандони маорифи кишварҳои ИДМ дар Душанбе номаи сипос расид
ХАБАРИ ХУШ! Номинаҳои 2500-солагии шаҳраки қадимаи Тахти Сангин ва 1050-солагии Абурайҳони Берунӣ ба Феҳристи ҷашнвораҳои ЮНЕСКО барои солҳои 2022-2023 шомил гардиданд
ТАСС: Вазорати маориф ва илми Тоҷикистон ба Русия пешниҳод намудааст, ки китобҳои дарсии забони русиро ба мактабҳо мутобиқ созад
«Пешвои миллат ва таҳкими нуфузи байналмилалии Тоҷикистон», — шарҳи матбуоти даврии Тоҷикистон
ЁДГОРИИ МЕЪМОРИИ МАНСУБ БА ДАВРАИ АНТИҚА. Бостоншиносони Тоҷикистон ва Фаронса аз пойсутун ва ҷузъи сутуни деҳаи Пушинги Данғара дидан намуданд
Гулчеҳра Қоҳирова: Астероиди 4660 Nereus барои Замин ягон хатар надорад
РУСИЯ ҚОИДАҲОИ НАВИ ИМЛОИ ЗАБОНИ РУСИРО ТАҲИЯ НАМУД. Қаблан ба қоидаҳои имлои забони тоҷикӣ низ тағйирот ворид шуда буд