Ансамбли «Бадахшон» дар Фестивали XII байналмилалии мусиқии «Таронаҳои Шарқ» зери кафкӯбии мухлисон ҳунарнамоӣ намуд
ДУШАНБЕ, 29.08.2019. /АМИТ «Ховар»/. Чанд рӯз аст, ки дар майдони Регистони шаҳри Самарқанди Ҷумҳурии Ӯзбекистон Фестивали XII байналмилалии мусиқии «Таронаҳои Шарқ» ҷараён дорад. Шоми дирӯз дар ин фестивал ансамблҳои фолклорӣ аз Ӯзбекистон, Қазоқистон, Ҳиндустон, Аргентина, ИМА, Мянмар, Фиджи ва ҳунармандони Ансамбли мусиқию фолклории “Бадахшон” аз Тоҷикистон таҳти роҳбарии Соҳиба Давлатшоева баромад намуданд.
Зери кафкӯбии мухлисони сершумор суруду таронаҳои дилнишини «Попурӣ», «Баҳор»-и оҳангсоз Муҳаммадато Таваллоев, «Дило чунам» ва дигарон садо доданд.
Ёдовар мешавем, ки имсол ҳунарнамоии иштирокчиён аз рӯи ду самт – «мусиқии халқӣ ва сурудҳо бо услуби касбӣ» ва «мусиқии муосир ё суруде, ки бо усули анъанавӣ эҷод шудааст» баҳо дода мешавад. Баромади ҳунармандонро аъзои ҳакамон иборат аз ҳафт нафар баҳогузорӣ менамоянд. Ба ҳайати доварони байналмилалӣ мусиқичиён, рассомон, оҳангсозон, аз ҷумла намояндаи Тоҷикистон Аслиддин Низомов шомиланд.
Барои ғолибони ҷойҳои аввал 10 ҳазор доллар, ҷойи дуюм 7 ҳазор доллар ва ҷойи сеюм 3,500 ҳазор доллар мукофот муқаррар гардидааст.
Бояд гуфт, ки дар фестивали имсола 340 нафар рассомон аз 75 кишвари ҷаҳон ширкат мекунанд. Бори аввал аст, ки дар фестивал намояндагони чунин кишварҳо, аз қабили Аргентина, Мянмар, Судон ва Фиджи иштирок доранд.
Маросими ҷамъбаст ва супоридани мукофот ба ғолибони Фестивали XII байналмилалии мусиқии «Таронаҳои Шарқ» 30 август, соати 19:00 дар майдони Регистон баргузор мегардад.
«САМАРАИ ИСТИҚЛОЛ». Таҳти чунин унвон Иттифоқи журналистони Тоҷикистон озмун эълон менамояд
«ЯК МЕРОС, ДУ САРЗАМИН». Намоиши маҷозии муштараки Тоҷикистон ва Эрон баргузор мегардад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
