Ҷавонони шаҳри Норак ба ватандӯстию хештаншиносӣ даъват карда шуданд- бардошт аз ҳамоиш
НОРАК, 30.08.2019. /АМИТ «Ховар»/. Дар шаҳри Норак бахшида ба ҷашни Истиқлолияти давлатии Ҷумҳурии Тоҷикистон бо ҷавонони деҳаи Тутқавули Ҷамоати деҳоти Пули Сангин ва фаъолҷавонони корхонаву муассисаҳои шаҳр мулоқоти судманд баргузор гардид. Дар ҳамоиш муовини Раёсати кор бо ҷавонон ва варзиши вилояти Хатлон Рамазон Насриддинзода ва сардори шуъбаи Вазорати корҳои дохилии Ҷумҳурии Тоҷикистон дар шаҳр Илҳом Файзуллозода иштирок намуданд. Дар ин бора мудири шуъбаи рушди иҷтимоӣ ва робита бо ҷомеаи шаҳри Норак Ҳабиба Сафарова ба хабарнигори АМИТ «Ховар» иттилоъ дод.
Дар ҳамоиш масъулин вобаста ба сиёсати давлатии ҷавонон дар солҳои соҳибистиқлолӣ, дастгирии ташаббусҳои ҷавонон, риояи қонунҳои амалкунанда, омӯзиши илмҳои муосир ва ҳунарҳои мардумӣ, пешгирии гаравиши ҷавонон ба ҳар гуна ҳизбу ҳаракатҳои ифротӣ, мазҳабҳои бегона, гиромӣ доштани фарҳанги миллӣ, аҳамияти ҷашни Истиқлолияти давлатӣ ва сафарбаркунии ҷавонон ба сафи Қувваҳои Мусаллаҳи Ҷумҳурии Тоҷикистон сухан гуфтанд.
Зикр гардид, ки соли равон аз ҷониби Шӯрои ҷамъиятии ҳамкорӣ оид ба ислоҳоти милитсия дар доираи амалигардонии нақшаи «Нақши волидайн дар тарбияи фарзанд» бо дастгирии Ташкилоти ҷамъиятии «Заршедабону» ва Ташкилоти байналмилалии «Дунёи бехатар» 30 нафар хонандагони муассисаҳои таълимии шаҳри Норак дар истироҳатгоҳи «Чашма» ба таври ройгон ба истироҳати бофароғат ҷалб гардиданд.
Дар робита ба ин иштироккунандагони ҷамъомад оид ба ғамхориҳои Ҳукумати Ҷумҳурии Тоҷикистон дар самти дастгирии ҷавонон ибрози назар намуданд.
Зимни ҳамоиш ҷавонони шаҳри Норак даъват карда шуданд, ки ба истиқболи ҷашни миллӣ-28-умин солгарди Истиқлолияти давлатии Ҷумҳурии Тоҷикистон корҳои созандагию ободкориро ба роҳ монда, ватандӯсту хештаншинос бошанд.
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
