АЗ ҚАЪРИ ТАЪРИХ. Бостоншиносон дар шаҳри қадимии Карон расадхона пайдо кардаанд
ДУШАНБЕ, 27.08.2019. /АМИТ «Ховар»/. Дар мавзеи шаҳри қадимии Карон, воқеъ дар ноҳияи Дарвоз таҳқиқотгарон расадхонае пайдо кардаанд, ки эҳтимол то асри 15-и мелодӣ фаъолият мекардааст.
Дар ин бора аз дафтари матбуоти Академияи илмҳои Ҷумҳурии Тоҷикистон ба АМИТ «Ховар» иттилоъ доданд.
Ба гуфтаи корманди Институти таърих, бостоншиносӣ ва мардумшиносии Академияи илмҳои Ҷумҳурии Тоҷикистон, академик Юсуфшоҳи Яқубшоҳ, дар вайронаҳои расадхона маводи гуногуни сангӣ низ дарёфт гардиданд. Инҳо тахтасангҳои хурдҳаҷм мебошанд, ки шаклҳои гуногуни геометрӣ доранд.
“Кай пайдо шудан ва то кай фаъолият кардани ин расадхона то ҳол маълум нест, таҳқиқот дар ин мавзӯъ идома доранд. Дар солҳое, ки шоҳ дар ин Қалъа зиндагӣ мекард, ин расадхона амал мекардааст”, -мегӯяд Юсуфшоҳи Яқубшоҳ.
Ба гуфтаи ин бостоншиноси тоҷик, корҳои кофтуковӣ дар Қалъаи Карон имсол ба поён расида, дар назар аст соли оянда идома ёбанд.
Қаблан бостоншиносони тоҷик аз қалъаи қадимаи Карон се иншооти муҳим-бурҷи оташ, боҷхона ва маъбади об пайдо карда буданд.
Шаҳри бостонии Карони ноҳияи Дарвоз тақрибан 4 ҳазор сол пеш бунёд ёфта, ба даврони тамаддуни ориёни бостонӣ рост меояд.
Дар маҷмӯъ, минтақаи Дарвоз дорои имкониятҳои сайёҳӣ буда, бо таъриху фарҳанг, табиати нотакрор, обҳои мусаффою шифобахш ва анъанаҳои мардумӣ таваҷҷуҳи сайёҳонро ба худ ҷалб кардааст.
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
Дар Душанбе бо иштироки олимону зиёиёни Тоҷикистон ва Узбекистон конференсияи байналмилалӣ баргузор шуд
Дар доираи Ҳафтаи илм оид ба мероси уран дар Осиёи Марказӣ конфронси байналмилалӣ баргузор гардид
ИМРӮЗ-РӮЗИ ҶАҲОНИИ ҲИФЗИ ЁДГОРИҲОИ ТАЪРИХИЮ ФАРҲАНГӢ. Дар Тоҷикистон зиёда аз 100 ёдгории таърихиву фарҳангӣ тармиму барқарор гардид
Дар Қасри фарҳанги ноҳияи Варзоб ба алоқамандони синамо филми ҳунарии «Таҳаввулот» намоиш дода шуд
Ҳамкории Академияи миллии илмҳои Тоҷикистон ва муассисаҳои илмии Чин густариш меёбад
Маърифати ҳуқуқӣ ва экологӣ — омили ободкориву созандагӣ. Эҳдо ба Рӯзи пойтахти Тоҷикистон
Риояи дастурамали либосҳои тавсиявӣ барои занону духтарони Тоҷикистон арҷгузорӣ ба суннатҳои миллӣ ва эҳтиром ба миллат аст
