Дар Душанбе ҷаласаи навбатии Кумитаи сардорони ситоди Қувваҳои Мусаллаҳи кишварҳои аъзои Иттиҳоди Давлатҳои Мустақил баргузор гардид
ДУШАНБЕ, 23.08.2019 /АМИТ «Ховар»/. Дар «Кохи Афсарон»-и Вазорати мудофиаи Ҷумҳурии Тоҷикистон ҷаласаи навбатии Кумитаи сардорони ситоди Қувваҳои Мусаллаҳи кишварҳои аъзои Иттиҳоди Давлатҳои Мустақил баргузор гардид.
Тавре ба мухбири АМИТ «Ховар» сардори маркази матбуоти Вазорати Мудофиаи Ҷумҳурии Тоҷикистон подполковник Ориф Нозимиён иттилоъ дод, дар кори ҷаласаи навбатии Кумитаи сардорони ситоди Қувваҳои Мусаллаҳи кишварҳои аъзои Иттиҳоди Давлатҳои Мустақил намояндагони Қувваҳои мусаллаҳи Ҷумҳуриҳои Тоҷикистон, Озарбойҷон, Арманистон, Беларусия, Қазоқистон, Қирғизистон, Ӯзбекистон ва Федератсияи Россия иштирок доштанд.
Кори ҷаласаро Вазири мудофиаи Ҷумҳурии Тоҷикистон генерал-полковник Шералӣ Мирзо оғоз бахшида, тибқи барномаи ҷаласа дар он як қатор масъалаҳои вобаста ба ҳамоҳангии Қувваҳои Мусаллаҳи кишварҳои иттиҳод баррасӣ гардиданд. Аз ҷумла, роҳбарияти Вазорати мудофиаи Ҷумҳурии Тоҷикистон вобаста ба таҳдиду хатарҳои ҷаҳони муосир изҳори нигаронӣ намуда, дар самти боз ҳам тақвият бахшидани ҳамкориҳои ҳарбӣ ва ҳарбӣ-техникӣ изҳори назар намуданд.
Ҳамзамон дар ҷаласа бо мақсади дар амал татбиқ намудани қарори Шӯрои сарони кишварҳои иттиҳод иштирокчиёни он роҳҳои иҷроиши Консепсияи муносибатҳои низомии кишварҳои аъзои Иттиҳоди Давлатҳои Мустақилро барои то соли 2025 мавриди таҳлилу баррасӣ қарор доданд.
Инчунин вобаста ба баргузорӣ ва натиҷагирии машқҳои муштарак, тақвияти таҷрибаи гузаронидани амалиёти зиддиминаҳо, густариш додани системаи муттаҳида дар соҳаи кимёвӣ ва биологӣ, дар бораи таъмини Воситаҳои иттилоотии топагиодезӣ, омода намудани кадрҳои баландихтисос ва дигар масоил мароқ зоҳир намуданд.
Дар ҷаласаи навбатии Кумитаи сардорони ситоди Қувваҳои мусаллаҳи аъзои кишварҳои Иттиҳоди Давлатҳои Мустақил наздики 20 масъала дар доираи барномаи баргузории ҷаласаи мазкур мавриди таҳлилу баррасӣ қарор гирифта, оид ба натиҷаҳои он қарорҳои дахлдор қабул гардиданд.
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
