Дар Лахш бо донишҷӯёне, ки дар муассисаҳои таҳсилоти олии Қирғизистон таҳсил менамоянд, мулоқот доир гардид

Август 22, 2019 10:03

ДУШАНБЕ, 22.08.2019. /АМИТ «Ховар»/. Дар маҷлисгоҳи Мақомоти иҷроияи ҳокимияти давлатии ноҳияи Лахш мулоқоти сардори Раёсати Вазорати корҳои дохилӣ дар минтақа ва ноҳияи Рашт, генерал — майори милитсия Сафиало Азизулозода  бо ҷавонони ноҳияи мазкур, ки дар муассисаҳои таҳсилоти олии Ҷумҳурии Қирғизистон таҳсил менамоянд, баргузор гардид. Дар вохӯрӣ фаъолон, роҳбарони ташкилоту муассисаҳо, раисони ҷамоату маҳаллаҳо ва имомхатибони масҷидҳои ноҳияи Лахш  иштирок  доштанд.

Тавре аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд, дар  вохӯрӣ  дар атрофи масъалаҳои мубрами рӯз, аз ҷумла пешгирии  шомилшави ҷавонон ба ҳизбу ҳаракатҳои ифротгароӣ гуфтугӯи судманд сурат гирифт.

С.Азизулозода инчунин доир ба масъалаҳои  таҳсили ғайриқонунии динӣ дар хориҷи мамлакат, оқибатҳои фоҷиабори терроризму экстремизм ва роҳҳои пешгирии он, фарҳанги  оиладорӣ ва  пешгирии вайроншавии оилаҳои ҷавон, иҷрои қарзи фарзандӣ барои ҷавонписарон — хизмат дар сафи  Қувваҳои Муасаллаҳ ибрози андеша намуд.

Ба ҷавонон ва донишҷӯён маслиҳат дода шуд, ки  дар кишвари бегона на танҳо риояи қонунҳои амалкунандаи он, балки эҳтиром ба  урфу одатҳои мардуми давлати иқомат муҳим аст.

«Инак соли хониши нав фаро мерасад ва шумо барои идомаи таҳсил ба мамлакати ҳамсоя меравед. Фаромӯш накунед, ки шумо дар ин кишвар бо рафтор ва одоби худ  миллати номдори тоҷикро муаррифӣ менамоед»,- таъкид намуд сардори Раёсати Вазорати корҳои дохилӣ дар минтақа ва ноҳияи Рашт.

Вохӯрӣ дар фазои озоду самимӣ баргузор гардида, ҷавонони ноҳияи мазкур, ки дар муассисаҳои таҳсилоти олии Ҷумҳурии Қирғизистон таҳсил менамоянд, аз дӯстию рафоқат сухан ронда, зикр карданд, ки онҳо давомдиҳандаи муносибатҳои неку дӯстонаи ду миллати ҳамсояю дӯст мебошанд.

 

Август 22, 2019 10:03

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд