Дар садамаи нақлиётӣ дар мавзеи Яхчипуни ноҳияи Шамсиддин Шоҳин 5 нафар ба ҳалокат расиданд
ДУШАНБЕ, 03.08.2019. /АМИТ «Ховар»/. 1 августи соли равон дар натиҷаи садамаи нақлиётӣ 5 нафар шаҳрвандони ҷумҳурӣ — ронанда ва мусофирони мошин, сокини деҳаи Дуршери ноҳияи Ванҷ Асоев Садриддин, сокинони шаҳри Душанбе Ингра Қурбонова, Айшам Асоев ва Зифмо Асоева дар ҷойи ҳодиса ба ҳалокат расидаанд.
Тавре аз Вазорати корҳои дохилии ҷумҳурӣ ба АМИТ «Ховар» хабар доданд, ронандаи мошини тамғаи «Опел-Астра», сокини шаҳри Душанбе Беҳзод Валиеви 47-сола ҳангоми ҳаракат аз шаҳри Душанбе ба самти шаҳри Хоруғ, дар ҳудуди мавзеи Яхчипуни ноҳияи Шамсиддин Шоҳин аз уҳдаи идора кардани воситаи нақлиёт набаромада, мошинро ба дарёи Панҷ чаппа намудааст.
Аз сар задани ин фоҷиаи нохуш корбари Фейсбук Малика Урфонзода дар саҳифааш хабар дода, навиштааст, ки ҷасадҳои қурбониёни садамаро то ҳол пайдо накардаанд. Ҳодиса дар шоҳроҳи Зиғар-Дарвоз рӯй дода, мошинро бо 5 нафар мусофиронаш, ки ҳама аз як авлод будаанд, амвоҷи пуртуғёни Панҷ дар як лаҳза ба комаш кашидааст. Номбурда навиштааст, ки «рӯзи якшанбе тӯйи додарам буд. Сарояндаҳо, хешу табор, ёру дӯстон ҳама ба маҳфил даъват шуда буданд, аммо якбора ин фоҷиа ба сари авлоди мо омада, тӯй ба мотамхона табдил ёфт…».
Ҷустуҷӯи ҷасади 5 нафар қурбониёни ин садамаи хунин идома дорад.
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
Муассисаҳои таҳсилоти ибтидоӣ ва миёнаи касбӣ ба соли нави таҳсил омода мебошанд
ОГОҲӢ! Аз 29 то 31 август дар баъзе минтақаҳои Тоҷикистон омадани селҳои маҳаллӣ пешгӯӣ мешавад
Самаранокии идоракунии молиявӣ бо намояндагони лоиҳаи Иттиҳоди Аврупо дар Тоҷикистон баррасӣ шуд
ИСТИҚЛОЛИЯТ, ҶАВОНӢ ВА СОЗАНДАГӢ. Дар Душанбе Форуми ҷумҳуриявии ҷавонон баргузор гардид
Байни муассисаҳои соҳаи тандурустии Тоҷикистону Қазоқистон се Ёддошти тафоҳум ба имзо расид
Дар шаҳри Левакант муассисаи давлатии таҳсилоти томактабӣ ба истифода дода шуд
ДАР ПАЙРАВӢ БА ИҚДОМИ ПЕШВОИ МИЛЛАТ. Ба 40 нафар ятими кулли шаҳри Ҳисор либоси мактабӣ тақдим гардид
Дар доираи сафари кории Президенти Тоҷикистон дар ноҳияи Хуросон иншооти гуногун ба истифода дода шуданд
