Хуршед Икромӣ: «Дар тӯли 6 сол ба Маркази миллии тестӣ ягон аризаи шикоятӣ ворид нашудааст»
ДУШАНБЕ, 05.08.2019. /АМИТ «Ховар»/. Дар тӯли 6 соли фаъолияти Маркази миллии тестии назди Президенти Ҷумҳурии Тоҷикистон ягон аризаи шикоятӣ дар хусуси вайрон кардани тартиби муқарраргардидаи имтиҳонҳо ба марказ ворид нашудааст. Ин нуктаро Директори Маркази миллии тестӣ Хуршед Икромӣ 5 август зимни нишастӣ матбуотии ин ниҳод баён намуд.
Ба зикри мавсуф, дар ин муддат аз тарафи баъзе довталабон аризаи шикоятӣ ворид шудааст, вале онҳо асос надоранд. Зеро худи довталаб ҳангоми пур намудани варақаи имтиҳонӣ ба ягон иштибоҳ роҳ медиҳад.
«Агар довталаб қоидаи пур кардани ҷавобҳоро риоя накарда бошад, дар ин сурат аризаи ӯ қабул намешавад. Бояд зикр намоям, ки агар довталаб аз холе, ки марказ аз рӯи имтиҳонҳо ба ӯ гузоштааст, норозӣ бошад ва вобаста ба нодуруст холгузорӣ кардани марказ асос дошта бошад, метавонад аризаи аппилятсионӣ пешниҳод намояд»,- илова намуд Директори Маркази миллии тестӣ.
Зикр гардид, ки яке аз бартариҳои марказ ин аст, ки ҳар як довталаб мустақилона метавонад холҳои бадастовардаашро ҳисоб намояд.
Ҳамчунин дар ҷараёни баргузории нишасти матбуотӣ иброз гардид, ки мутобиқи тартиби муқаррарнамудаи Ҳукумати Ҷумҳурии Тоҷикистон бақайдгирии довталабон барои иштирок дар Имтиҳони Марказонидаи Дохилшавӣ (ИМД) имсол дар ду марҳала – асосӣ (аз 1-уми март то 30 апрел) ва иловагӣ (аз 10 то 30 июн) гузаронида шуд. Дар ин давра барои иштирок дар ИМД-2019 ҷиҳати дохилшавӣ ба муассисаҳои таълимии таҳсилоти миёна ва олии касбӣ дар заминаи таҳсилоти миёнаи умумӣ (синфи 11 ум), ибтидоӣ ва миёнаи касбӣ ҳамагӣ 94 ҳазору 754 нафар довталаб аз қайд гузаштанд, ки ин шумора нисбат ба ҳамин давраи соли 2018 1065 нафар кам аст. Аз ин теъдод 58 ҳазору 737 нафар унвони донишҷӯиро соҳиб шудаанд, ки эълони он 3 август ба тамоми довталабон ирсол гардид.
Иттилоъ дода шуд, ки аз 19 то 22 августи соли равон озмуни такрории азнавбақайдгирӣ сурат мегирад ва довталабоне, ки дар даври аввал нагузаштанд, метавонанд дубора аз қайд гузашта, сазовори номи донишҷӯӣ гарданд.
Ёдовар мешавем, ки Маркази миллии тестии назди Президенти Ҷумҳурии Тоҷикистон соли 2014 таъсис ёфта, мақсади асосии он шаффоф гузаронидани Имтиҳонҳои Марказонидаи Дохилшавӣ мебошад.
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
