ИҚДОМИ ҚОБИЛИ ДАСТГИРӢ. Сито Қосимӣ барои духтарони афғон мактаб месозад
ДУШАНБЕ, 05.08.2019./АМИТ «Ховар»/. Овозхони шинохтаи афғон Сито Қосимӣ тасмим гирифтааст, ки барои духтарони як минтақаи дурдасти Афғонистон мактаб бунёд намояд. Сито Қосимӣ ва вазири маорифи Афғонистон Мирвайс Балхӣ 3-юми августи соли ҷорӣ дар ин хусус қарордод ба имзо расонидаанд.
Тибқи қарордод овозхон аз ҳисоби маблағҳои шахсии худ барои бунёди як мактаби наву замонавӣ барои духтарони афғон 100 ҳазор доллар сармоягузорӣ кардааст.
Мирвайс Балхӣ ба овозхон изҳори сипос карда, дигар ашхоси машҳурро низ ба ин кор ҷалб кардааст, то аз чунин иқдомҳои нек дастгирӣ кунанд. Зеро дар чунин шароит давлату Ҳукумат танҳо аз ӯҳдаи ҳамаи корҳо баромада наметавонанд.
Пас аз бунёди мактаб хонандагон имкон пайдо мекунанд, ки аз синфи як то дувоздаҳ таҳсил намоянд. Қарор аст, мактаби бунёдшаванда ба яке аз бузургтарин муассисаҳои таълимӣ табдил дода шавад.
Сито Қосимӣ худ дар оилаи камбизоат ба воя расидааст ва ба ҳамин хотир мехоҳад барои фарзандони дигарон шароити таҳсил фароҳам орад. Ин иқдоми овозхонро ҷомеаи Афғонистон ҷонибдорӣ карда, ба ӯ изҳори миннатдорӣ кардаанд.
Хотиррасон менамоем, ки қаблан ҳунарманди маъруфи афғон Сито Қоисмӣ дар як суҳбат бо шабакаи телевизиони Тоҷикистон изҳор намуда буд, ки орзу дорад, кишвараш мисли Тоҷикистон пур аз хушиву дур аз ғамҳо бошад ва умед мекунад, ки рӯзе дар Афғонистон сулҳи комил ва сартосарӣ ба даст меояд.
ДАР АКС: ҳангоми имзои ёддошти тафоҳум.
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
