Ифтитоҳи Маркази хизматрасонӣ ва тақдими туҳфа ба 100 ятими кул дар шаҳри Бӯстон

Август 24, 2019 08:03

ДУШАНБЕ, 24.08.2019. /АМИТ «Ховар»/. Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни сафари корӣ дар шаҳру ноҳияҳои вилояти Суғд дар шаҳри Бӯстон иншооти хизматрасонии «Бӯстон»-ро ифтитоҳ намуданд.

Бунёди иншооти хизматрасонӣ дар заминаи дастгириҳои Ҳукумати мамлакат сурат гирифта, дар доираи амалишавии ҳадафҳо ҷиҳати ба шуғли доимӣ фаро гирифтани аҳолӣ, 25 нафар бо ҷойи кор таъмин шуданд.

Масоҳати умумии бино 0,4 га — ро ташкил дода, сохтмони он моҳи феврали соли 2018 оғоз гардида буд.

Бинои мазкур аз чор ошёна иборат буда, дорои тарабхонаи муосир барои қабули 150 нафар, меҳмонхона бо 20 ҳуҷра бо 40 ҷой мебошад.

Баъди ифтитоҳи бинои маркази хизматрасонӣ дар ҳамин ҷо дастархони идона ороста шуда, аз ҷониби Пешвои миллат муҳтарам Эмомалӣ Раҳмон ба 100 нафар ятими кул туҳфаҳои идона тақдим карда шуд.

Ин тадбири муҳим, ки дар арафаи таҷлили ҷашни 28-умин солгарди Истиқлолияти давлатии Ҷумҳурии Тоҷикистон сурат гирифт, боиси хушҳолии наврасони бо амри тақдир ятиммондаро афзун намуд.

Мавриди зикр аст, ки Президенти мамлакат муҳтарам Эмомалӣ Раҳмон дастгирии ятимону оилаҳои ниёзмандро дар сиёсати иҷтимоии Ҳукумати Ҷумҳурии Тоҷикистон махсус таъкид намудаанд.

Дар ин ҷо Пешвои миллат муҳтарам Эмомалӣ Раҳмон кӯдакони ятим ва фарзандони аз оилаҳои ниёзмандро бо тақдими туҳфаҳо хушҳол гардонида, таъкид доштанд, ки онҳо ҳамеша зери ҳимояву ғамхории давлату Ҳукумати мамлакат қарор доранд.

Аз аввали солҳои соҳибистиқлолии Ватан дастгирии маъюбон, ятимон, бепарасторон ва ниёзмандон дар мадди назари Сарвари давлат муҳтарам Эмомалӣ Раҳмон қарор дорад ва дар ҳама иду айём ва ҷашнҳои миллӣ ин амали саховатмандонаву инсондӯстона ба хотири шодию нишоти кӯдакону барҷомондагон ва ниёзмандон, амалӣ мегардад.

Ифтитоҳи Маркази хизматрасонӣ ва тақдими туҳфа ба 100 ятими кул дар шаҳри Бӯстон 24.08.2019

Август 24, 2019 08:03

Хабарҳои дигари ин бахш

Сарвазири Ҷумҳурии Тоҷикистон Қоҳир Расулзода дар ноҳияи Ҷалолиддини Балхӣ муассисаи таълимӣ ва маркази саломатиро ба истифода дод
Дар шаҳри Бохтар бо иштироки Сарвазири Тоҷикистон Қоҳир Расулзода меҳмонхонаҳои «Ватан» ва «Boshidan» мавриди истифтода қарор гирифтанд
Сарвазири Тоҷикистон Қоҳир Расулзода дар ноҳияи Кӯшониён бо фаъолияти хоҷагиҳои деҳқонии «Абдусолеҳ» ва «Ҳоҷидавлат» шинос шуд
Сарвазири Тоҷикистон Қоҳир Расулзода дар ноҳияи Хуросон иншооти таъйиноти гуногунро ифтитоҳ намуд
Дар Донишгоҳи миллии Тоҷикистон масъалаи тақвияти маданияти шаҳрнишинӣ ва пешгирии падидаҳои номатлубро байни  ҷавонон баррасӣ намуданд
ТИЛЛОИ НАВБАТӢ МУБОРАК! Давлат Болтаев дар Бозиҳои Осиёии Ханжоу-2022 медали дуюми тиллоро барои Тоҷикистон ба даст овард
МАН МОДАРАМ, ХОҲАРАМ, ВАТАНАМРО ҲИМОЯ МЕКУНАМ! Дар Истаравшан баъди «кулчагазон» наваскаронро ба сафи Артиши миллӣ гусел намуданд
«СТРАТЕГИЯИ РУШДИ ҲИФЗИ ИҶТИМОИИ АҲОЛИИ ҶУМҲУРИИ ТОҶИКИСТОН БАРОИ ДАВРАИ ТО СОЛИ 2040». Доир ба амалишавии он ҳамоиш доир шуд
«ЗАБОНИ ТОҶИКӢ – ПАЙВАНДИ ҶОНАМ». Дар Донишгоҳи миллии Тоҷикистон бахшида ба Рӯзи забони давлатӣ ҳамоиш доир шуд
Ҳамкории Кумитаи андози Тоҷикистон бо Донишкадаи муштараки Вена (JVI) баррасӣ шуд
Оилаи Шодиевҳо аз ноҳияи Рӯдакӣ дар мавсими даъвати тирамоҳӣ 2 нафар ва дар маҷмуъ 4 фарзанди худро ба хизмати ҳарбӣ равона намудаанд
Имрӯз Намоиши 11-уми байналмилалии «Китоби Душанбе» баргузор гардид