РЕАДМИССИЯ – БОЗПАСГАРДОНИИ ШАҲРВАНДОНИ ХУД АЗ ҚАЛАМРАВИ КИШВАРИ ДИГАР. Дар Душанбе Лоиҳаи Тавофуқнома миёни Ҳукуматҳои Ҷумҳурии Тоҷикистон ва Ҷумҳурии Федеративии Германия баррасӣ гардид
ДУШАНБЕ, 21.08.2019./АМИТ «Ховар»/. 20-уми август дар доираи ҳамкориҳо байни мақомоти корҳои дохилии Ҷумҳурии Тоҷикистон ва Ҷумҳурии Федеративии Германия ҳайати намояндагони ҶФГ таҳти роҳбарии сардори шуъбаи баргардонидани шахсон оид ба Аврупо ва Осиёи Вазорати федералии корҳои дохилии Германия Волфганг Хаммер ба Вазорати корҳои дохилии Ҷумҳурии Тоҷикистон ташриф оварданд. Дар ин бора ба АМИТ «Ховар» аз ВКД Тоҷикистон хабар доданд.
Дар мулоқоти гурӯҳҳои корӣ, ки дар Душанбе доир гардид, аз ҷониби Ҷумҳурии Тоҷикистон иҷрокунандаи вазифаи сардори Раёсати ҳамкориҳои байналмилалии ВКД полковники милитсия Мансур Бухоризода, сардори Раёсати шартномавӣ-ҳуқуқии Вазорати корҳои хориҷии Ҷумҳурии Тоҷикистон Аслиддин Ғафурзода, сардори шуъбаи байналмилалии Вазорати адлияи Ҷумҳурии Тоҷикистон Наврӯз Шоҳиён, муовини сардори Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон Толибҷон Шарипов, аз аз ҷониби Ҷумҳурии Федеративии Германия — Елена Ланге-Братанова, Петер Шмидт ва Кнут Штайнхайзер иштирок намуданд.
Дар ҷараёни мулоқот ҷонибҳо лоиҳаи Тавоқуфномаро байни Ҳукуматҳои Ҷумҳурии Тоҷикистон ва Ҷумҳурии Федеративии Германия дар бораи бозпасгардонӣ(реадмиссия) мавриди баррасӣ қарор доданд.
Реадмиссия (англ. to readmit — бозпас қабул кардан) — розигии давлат ҷиҳати ба қаламрави худ бозпас қабул намудани шаҳрвандони худ (инчунин, дар баъзе ҳолатҳо шаҳрвандони хориҷие, ки қаблан дар қаламрави ин кишвар кору зиндагӣ кардаанд) мебошад, ки бояд аз қаламрави давлати дигар иҷборан хориҷ (депортатсия) карда шаванд.
Вобаста ба мавзӯи мазкур тарафҳо ба мувофиқа омаданд, ки баъди омӯзиши навбатӣ лоиҳаи Тавоқуфнома дар ҳарду кишвар бори дигар баррасӣ гардида, барои ба расмият даровардан ба сохторҳои дахлдори Тоҷикистону Германия пешниҳод карда мешавад.
Зимни вохӯрӣ ҷонибҳо ҳолати кунунӣ ва дурнамои муносибатҳои дуҷонибаи Тоҷикистону Германияро муҳокима намуда, рағбати худро барои густариши робитаҳои мутақобилан судманд изҳор доштанд.
НИШАСТИ МАТБУОТӢ. Дар Тоҷикистон шумораи ҷиноятҳои умумӣ бештар ба қайд гирифта шудааст
Дар Душанбе беш аз 90 ҳолати ба фолбинӣ машғул шудани шаҳрвандон ошкор гардид
Ҷаласаи Шурои ҳамоҳангсозӣ оид ба пешгирии суиистеъмоли маводи нашъадор баргузор гардид
ТАҲДИДҲОИ МУОСИРИ КИБЕРӢ ВА РОҲҲОИ МУҚОВИМАТ БА ОНҲО. Мулоҳизаҳо дар ин маврид
Дар маҷлиси ҳайати мушовараи Прокуратураи генералӣ татбиқи дурусти Қонуни Ҷумҳурии Тоҷикистон «Дар бораи авф» баррасӣ шуд
Прокурори шаҳри Ҳисор: «Сулҳ масъулият аст ва ташаббуси навбатии байналмилалии Тоҷикистон ҷомеаи ҷаҳониро ба андеша водор месозад»
Дар беш аз 150 аттраксиони боғҳои фарҳангӣ–фароғатии Тоҷикистон камбудиҳои техникӣ ошкор карда шуд
НИШАСТИ МАТБУОТӢ. Қариб 23 ҳазор дона тухми паранда ҳамчун маҳсулоти бесифат ва хавфнок нобуд карда шуд
Дар Хадамоти назорати давлатии бехатарии корҳо дар саноат ва соҳаи кӯҳкорӣ Феҳристи ягонаи электронии субъектҳо таҳия карда мешавад
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
