Ҷавонони Ҳиндустон ҷиҳати иштирок дар Форум ба Тоҷикистон омаданд
ДУШАНБЕ, 21.09.2019 /АМИТ «Ховар»/. Субҳи имрӯз ҳайати расмии Ҷумҳурии Ҳиндустон ҷиҳати иштирок дар аввалин Форуми ҷавонони Тоҷикистону Ҳиндустон ба шаҳри Душанбе омаданд.
Дар ин бора котиби матбуоти Кумитаи кор бо ҷавонон ва варзиши назди Ҳукумати Ҷумҳурии Тоҷикистон Каримҷон Салимзода ба АМИТ «Ховар» хабар дод.
Намояндагони Кумитаи кор бо ҷавонон ва варзиш меҳмононро бо нону намак ва гулдастаҳо истиқбол гирифта, онҳоро ба сарзамини офтобӣ-Тоҷикистони соҳибистиқлол хушомадед гуфтанд.
Ёдовар мешавем, ки аввалин меҳмонии ҷавонони Ҳиндустон аз 21 то 27 сентябр дар Ҷумҳурии Тоҷикистон доир мегардад.
Зимни баргузории Форум ҳайати ҷавонони Ҷумҳурии Ҳиндустон аз мавзеъҳои таърихӣ, сайёҳӣ ва мадании давлати мо дидан намуда, дар барномаҳои илмӣ ҷиҳати тақвияти ҳамкорӣ дар самти кор бо ҷавонон иштирок менамоянд.
Дар доираи меҳмонии мазкур баргузории Конфронси байналмилалӣ таҳти унвони “Дӯстии Тоҷикистону Ҳиндустон поянда бод” бо иштироки доираи васеи коршиносони соҳа, олимону муҳаққиқони сатҳи байналмилалӣ, намояндагони корпуси дипломатӣ ва созмонҳои байналмилалӣ дар назар аст. Дар кори конфронс вобаста ба масъалаҳои муштараки Тоҷикистону Ҳиндустон масъалаҳои табодули арзишҳои фарҳангӣ ва дигар соҳаҳои ҳаётан муҳими ҳарду давлат мавриди назари коршиносон қарор хоҳанд гирифт.
Дар доираи кори конфронс вобаста ба самтҳои афзалиятноки соҳаи кор бо ҷавонон аз ҷониби мутахассисони соҳибтаҷрибаи ҳарду мамлакат семинар-тренингҳои назариявӣ ва амалӣ доир карда шуда, таҷрибаи амалишавии сиёсати давлатии ҷавонон дар ҳарду давлат мавриди омӯзиш қарор дода мешавад.
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
