Бори нахуст ҳунарпешагон аз ватани опера дар саҳнаи Театри давлатии академии опера ва балет ҳунарнамоӣ намуданд

Сентябрь 30, 2019 15:04

ДУШАНБЕ, 30.09.2019 /АМИТ «Ховар»/.   29 сентябр дар Театри давлатии академии опера ва балети ба номи Садриддин Айнӣ барномаи консертии Оркестри симфонии Россини баргузор гардид. Ин аввалин барномаи консертии ҳунарпешагон аз ватани опера, яъне Италия дар Тоҷикистон мебошад.  

Дар барномаи консертӣ Вазири фарҳанги Ҷумҳурии Тоҷикистон Шамсиддин Орумбекзода, Сафири Италия дар Тоҷикистон Андреа Бертотси, намояндагони корпуси дипломатӣ ҳузур доштанд. Дар барномаи консертӣ операи Ҷоаккино Россини «Сартароши Севилӣ» пешниҳоди дӯстдорони ин ҳунар гардид.

Вазири фарҳанг ва Сафири Италия дар Тоҷикистон иброз намуданд, ки «минбаъд баргузории чунин барномаҳои консертӣ ба ҳукми анъана медарояд. Зеро он аз ҷониби тамошобинони тоҷик дар сатҳи баланд истиқбол гардид».

Боиси зикр аст, ки намоиши мазкур яке аз шоҳкориҳои оркестри Россини буда, дар аксари кишварҳои ҷаҳон мухлисони зиёд пайдо кардааст.

Ҳунари волои солистони оркестри номбурда Франсессо Пани, Ҷорҷия Паси ва Ҷулиё Бошетти, маҳорати нотакрори мутрибони оркестр дили аҳли толорро тасхир намуд.

Барномаи консертӣ бо ташаббуси ширкати италиявии “Салини Импреҷило” ташкил карда шуд.

Ёдовар мешавем, ки «Сартароши севилӣ»-ро  Ҷоаккино Россини соли 1816 дар  Рим эҷод намудааст.  «Сартароши севилӣ» аз қабили шоҳасарҳои опера-буффаи италиявӣ ба шумор меравад, ки дар ин опера истеъдоди беназири Россини басо равшан зоҳир шудааст.

Россони қариб 40 асари операвӣ эҷод намуда, эҷодиёти ӯ ба инкишофи минбаъдаи опера (В. Беллини, Г. Донитсе¬тти, Ҷ. Верди) ва алалхусус таҳаввули санъати операи асри 19-и Аврупо таъсири калон бахшидааст.

Сентябрь 30, 2019 15:04

Хабарҳои дигари ин бахш

«ТОҶИКИСТОН — ВАТАНИ АЗИЗИ МАН». Дар шаҳри Хоруғ даври вилоятии озмун оғоз ёфт
Дар Самарқанд Симпозиуми байналмилалии ҳайкалтарошӣ бо иштироки ҳунармандони кишварҳои узви Созмони ҳамкории Шанхай оғоз ёфт
Дар ноҳияи Данғара намоиши сайёри «Тоҷикистон–кишвари дарёҳои тиллоӣ» ифтитоҳ гардид
Дар Малайзия ҷомаи нодири таърихии Суғд, ки таърихи 1311-сола дорад, нигоҳдорӣ мешавад
Дар рӯзҳои таҷлили 31-солагии Истиқлолияти давлатӣ барномаҳои фарҳангӣ-фароғатии сиркӣ пешниҳод мегарданд
«НБО-И «РОҒУН» НАМУНАЕ АЗ ИҚТИСОДИ САБЗИ МИНТАҚА». Доир ба аҳамияти иншооти муҳими аср китоб ба нашр расид
ТАБИАТ ҶОН БА ИНСОН БАХШАД ИН ҶО. Дар фасли сайру саёҳат ва истироҳату фароғат истироҳатгоҳҳои Тоҷикистон интизори муштариён ва дӯстдорони табиатанд
«ПЕШВОИ МИЛЛАТ ВА РУШДИ ТОҶИКИСТОНИ СОҲИБИСТИҚЛОЛ». Таҳти чунин унвон китоб ба нашр расид
Дар Бадахшон доир ба амалӣ намудани бандҳои Қонун «Дар бораи забони давлатӣ» ҳамоиши илмӣ-оммавӣ доир шуд
«АКСИ САДОИ ОСИЁ». Мастона Собирзода дар Фестивали XIII байналмилалии ҳунарҳои сирк иштирок мекунад
Блогнависи 19-солаи тоҷик ҳамроҳи Салмон Хон дар филми Болливуд нақш меофарад
ХАБАР БАРОИ МУЛОҲИЗА. Дар Бразилия барои мутолиаи китоб муҳлати ҷазои маҳбусон кам карда мешавад

Маводҳои таҳлилӣ