«Дин ва субот»-таҳти ин унвон дар Душанбе ҳамоиш баргузор гардид

Сентябрь 25, 2019 13:33

ДУШАНБЕ, 25.09.2019. /АМИТ «Ховар»/.  Имрӯз дар шаҳри Душанбе бо ташаббуси Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон  таҳти унвони «Дин ва субот» бо иштироки намояндагони созмони хайриявии «Интернешнл Алерт», кумитаҳои дини шаҳру ноҳияҳо ва як гурӯҳ имомхатибони масҷидҳои мамлакат ҳамоиш баргузор гардид.

Муовини Раиси Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон  Азизуло Мирзозода зикр намуд, ки “мавзӯи терроризм ва экстремизм дар ҷомеаи кунунӣ ба проблемаи доғи рӯз мубаддал гаштааст. Ин масъала имрӯз на танҳо мамлакати мо, балки ҷомеаи ҷаҳонро низ ба ташвиш овардааст. Дар ҷумҳурӣ чандин сол аст, ки барномаи мушаххаси “Стратегияи миллии Ҷумҳурии Тоҷикистон оид ба муқовимат бо терроризм ва экстремизм барои солҳои 2016-2020” амал мекунад. Дар баробари дигар мақомот Кумитаи дин низ дар ин ҷода барномаҳои мушаххас доир намуда, корҳои муайянро ба анҷом мерасонад. Вобаста ба мавзӯи рӯз  як пажӯҳише аз ҷониби якчанд вазорату идора, ташкилотҳои давлатӣ ва ғайридавлатӣ гузаронида шуд ва дар анҷом додани ин кор ташкилоти  хайриявии “Интернешнл Алерт” хизмати босазо намуд”.

Тавре зимни ҳамоиш Роҳбари созмони хайриявии “Интернешнл Алерт” Стюарт Майр иброз намуд:  “Мо кӯшиш намудем дар ин ҷода ба намояндагони дахлдори Ҷумҳурии Тоҷикистон кумак намоем, то онҳо ин пажӯҳишро анҷом бидиҳанд. Ин ташкилот самимона умедвор аст, ки таҳқиқоти мазкур барои сиёсатгузорӣ дар Ҷумҳурии Тоҷикистон ва муҳимтар аз ҳама, барои ҷилавгирӣ аз хушунат дар оянда мусоидат менамояд”.

Ҳамчунин дар ҳамоиши мазкур котиби илмии Маркази исломшиносӣ дар назди Президенти Ҷумҳурии Тоҷикистон Маҳрам Маҳрамбеков доир ба лоиҳаи «Пажӯҳиши гароишҳо ва ангезаҳои тундравии динӣ дар Тоҷикистон», ки дар асоси тадқиқоти сотсиологӣ анҷом дода шуд, маълумоти муфассалро манзури  ҳозирин намуд.

 София ШОИК,
АМИТ «Ховар»

Сентябрь 25, 2019 13:33

Хабарҳои дигари ин бахш

Тоҷикистон ва Узбекистон ҷиҳати омода намудани мутахассисони сатҳи баланд Ёддошти тафоҳуми ҳамкорӣ ба имзо мерасонанд
Соҳибкорони Истаравшан ба сокинони зарардидаи наздисарҳадӣ кумак намуданд
Дар Хуҷанд доир ба пешгирии зӯроварӣ дар оила мулоқот баргузор гардид
Дар Хоруғ пешгирии зӯровариро дар оила муҳокима карданд
БО ҲАМЛАИ НИЗОМИЁНИ ҚИРҒИЗ МО ҲАРГИЗ ТАРКИ ЗАМИНИ АҶДОДӢ НАМЕКУНЕМ. Чунин изҳор менамояд бо ифтихори ватандорӣ сокини 60-солаи деҳаи Хоҷаи Аълои Исфара Абдукарим Шарифзода
COVID-19. Ба Тоҷикистон беш аз ду миллион воя ваксинаи «КоронаВак» ворид гардид
МАҲКУМИЯТИ 10-СОЛА БАРОИ САРКАШӢ АЗ ХИЗМАТИ ҲАРБӢ. Думаи давлатии Федератсияи Россия ба ҷазо барои ҷиноят дар замони ҷанг тағйирот ворид намуд
ҲАМЛАИ ТАҶОВУЗКОРОНАИ ҚИРҒИЗИСТОН. Барои барқарорсозии хонаҳои сокинони деҳоти Овчиқалъача ва Хистеварзи ноҳияи Бобоҷон Ғафуров ситоди махсус ташкил мешавад
ҲАМЛАИ ТАҶОВУЗКОРОНАИ ҚИРҒИЗИСТОН. Куштори кӯдакону табибон ва мардуми осоишта сахттарин ҷиноят аст,- Садриддин Ҳасанзода, узви Иттифоқи нависандагони Тоҷикистон
ҲАМЛАИ ТАҶОВУЗКОРОНАИ ҚИРҒИЗИСТОН. Қирғизтаборони ноҳияи Мурғоб: «Тоҷикистон дар ягон ҳолат бо миллату халқияте муносибати неки ҳамсоядориро вайрон накардааст»
ҲАМЛАИ ТАҶОВУЗКОРОНАИ ҚИРҒИЗИСТОН. Раиси Вилояти Мухтори Кӯҳистони Бадахшон изҳори таслияти Пешвои миллатро ба наздикони қурбониёни муноқишаҳои марзӣ расонид
ОИЛАИ СОЛИМ-ҶОМЕАИ СОЛИМ. Кумитаи кор бо ҷавонон ва варзиш Конференсияи илмӣ – назариявӣ доир намуд