ОБУ ҲАВО: имрӯз дар Тоҷикистон ҳавои камабри бебориш ва ғуборолуд боқӣ мемонад
ДУШАНБЕ, 24.09.2019 /АМИТ «Ховар»/. Имрӯз дар Тоҷикистон ҳавои камабри бебориш ва ғуборолуд боқӣ мемонад.
Тавре аз Агентии обуҳавошиносии Тоҷикистон ба АМИТ «Ховар» хабар доданд, дар Вилояти Мухтори Кӯҳистони Бадахшон ҳавои камабри тағйирёбанда ва бебориш дар назар аст. Шамол аз самти ғарб бо суръати 2-7 метр дар як сония вазида, дар ноҳияҳои Ванҷ ва Дарвоз чангу ғубор боқӣ мемонад. Ҳаво дар ғарби вилоят шабона 7+12 ва рӯзона 26+31 дараҷа гарм мешавад. Дар шарқи вилоят ҳаво шабона 1-6 ва рӯзона 14+19 дараҷа гарм мешавад.
Дар вилояти Суғд ҳаво камабри бебориш шуда, дар баъзе минтақаҳо ғуборолуд боқӣ мемонад. Шамол аз самти ғарб бо суръати 3-8 ва дар баъзе ҷойҳо то 15-20 метр дар як сония мевазад. Ҳаво дар водиҳо шабона 15+20 ва рӯзона 28-33 дараҷа гарм мешавад. Дар ноҳияҳои кӯҳӣ ҳаво шабона 7+12 ва рӯзона 24-29 дараҷа гарм мешавад.
Дар вилояти Хатлон ҳаво камабри бебориш шуда, чангу ғубор боқӣ мемонад. Шамол аз самти ғарб бо суръати 2-7 метр дар як сония мевазад. Ҳаво дар водиҳо шабона 14+19 ва рӯзона 32+37 дараҷа гарм мешавад. Дар доманакӯҳҳо ҳаво шабона 10+15 ва рӯзона 26+31 дараҷа гарм мешавад.
Дар шаҳру ноҳияҳои тобеи марказ ҳаво камабри бебориш шуда, чангу ғубор боқӣ мемонад. Шамол аз самти ғарб бо суръати 2-7 метр дар як сония мевазад. Ҳаво дар водиҳо шабона 10+15 ва рӯзона 31+36 дараҷа гарм мешавад. Дар ноҳияҳои кӯҳӣ ҳаво шабона 6+11 ва рӯзона 25+30 дараҷа гарм мешавад.
Дар шаҳри Душанбе ҳаво тағйирёбандаи абрнок, бебориш ва ғуборолуд мешавад. Шамол аз самти ғарб бо суръати 2-7 метр дар як сония мевазад. Ҳаво шабона 11+13 ва рӯзона 33+35 дараҷа гарм мешавад.
Ёдовар мешавем, ки сабаби ғуборолуд шудани вазъи ҳаво муддати тӯлонӣ наборидани борон дар қисмати шимолии Афғонистон ва ҷануби вилояти Хатлони Тоҷикистон мебошад. Аз ин лиҳоз, мутахассисони соҳаи тиб тавсия медиҳанд, ки нафарони ба бемориҳои диққи нафас, бронхитҳои намуди аллергетикӣ, бемориҳои алергетикии роҳҳои болоии нафас гирифтор бояд ҳангоми ба кӯча баромадан аз ниқобҳои муҳофизатӣ истифода баранд.
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
