Сармураббии дастаи мунтахаби наврасони Тоҷикистон Аҳлиддин Турдиев: «Мақсади мо роҳхат гирифтан ба бозиҳои ниҳоии Чемпионати Осиё-2020 мебошад»
ДУШАНБЕ, 14.09.2019 /АМИТ «Ховар»/. Имрӯз дар шаҳри Заркаи Урдун марҳилаи интихобии Чемпионати Осиё-2020 оид ба футбол байни дастаҳои мунтахаби наврасони то 16–сола дар гурӯҳи «А» оғоз мегардад. Дастаҳои мунтахаби наврасони Тоҷикистон, Урдун, Кувайт, Шри-Ланка ва Непал барои ба даст овардани роҳхат ба марҳилаи ниҳоӣ миёни ҳам рақобат мекунанд.
Тавре АМИТ «Ховар» бо истинод ба Федератсияи футболи Тоҷикистон хабар медиҳад, дар арафаи оғози бозиҳои марҳилаи интихобӣ сармураббии дастаи мунтахаби наврасони то 16-солаи Тоҷикистон Аҳлиддин Турдиев ба хабарнигорон иброз намуд, ки «мақсади дастаи мо роҳхат гирифтан ба бозиҳои ниҳоии Чемпионати Осиё мебошад».
Дар идомаи нишасти хабарӣ Аҳлиддин Турдиев зикр намуд, ки футболбозони тоҷик ба ин мусобиқа бо тайёрии пухта омада, дар се мусобиқаи байналмилалӣ дар давлати Чин, Тоҷикистон ва Қазоқистон иштирок кардаанд. Ғайр аз ин онҳо дар шаш вохӯрии дӯстона бо дастаҳои мунтахаби Уммон, Ӯзбекистон ва Арабистони Саудӣ таҷриба андӯхтаанд ва рӯҳияашон болида аст.
«Федератсияи футболи Тоҷикистон барои мо ҳама шароитҳоро муҳайё сохт ва дар назди мо вазифа гузоштааст то ба бозиҳои ниҳоии Чемпионати Осиё-2020 роҳхат гирем», — гуфт А. Турдиев.
Бояд тазаккур дод, ки бозиҳои интихобӣ дар гурӯҳи «А» имрӯз, 14 сентябр, бо бозии байни дастаҳои Непал бо Урдун ва Кувайт бо Шри-Ланка оғоз ёфта, то 22 сентябр идома меёбад. Футболбозони Тоҷикистон 16 сентябр бо Шри-Ланка аввалин бозии худро доир мекунанд.
Мо ба дастаи мунтахаби мамлакат дар ин мусобиқаи сатҳи Осиёи муваффақият ва комёбӣ орзу менамоем.
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
