Ҳайати Шӯрои роҳбарони хадамоти гумруки ИДМ аз Осорхонаи миллии Тоҷикистон боздид намуд

Октябрь 16, 2019 17:05

ДУШАНБЕ, 16.10.2019. /АМИТ «Ховар»/. 15 октябр ҳайати Шӯрои роҳбарони хадамоти гумруки Иттиҳоди Давлатҳои Мустақил аз Осорхонаи миллии Тоҷикистон дидан намуд.

Бояд тазаккур дод, ки дар шаҳри Душанбе ҷаласаи 20-уми Кумитаи роҳбарони воҳидҳои ҳифзи ҳуқуқи Шӯрои роҳбарони хадамоти гумруки Иттиҳоди Давлатҳои Мустақил аз 14 то 18 октябр  баргузор гардида истодааст.

Тавре сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷазода ба мухбири АМИТ «Ховар» хабар дод, иштирокчиёни ҷаласаи мазкур бо мақсади шиносоӣ бо таърих ва фарҳанги миллати тоҷик ба Осорхонаи миллии Тоҷикистон ташриф оварданд. Меҳмононро шахсони масъули Осорхонаи миллии Тоҷикистон истиқбол гирифта, барои онҳо дар сатҳи баланди касбӣ сайри осорхонавӣ гузарониданд.

Сайри осорхонавии меҳмонон аз шуъбаи калонтарини экспозитсионии Осорхонаи миллӣ- шуъбаи таърихи бостон ва асрҳои миёна шурӯъ гардида, бо бозёфтҳои «Саразм», толори «Оини Зардуштия», «Империяи Ҳахоманишиҳо» «Империяи Кушониён», «Сосониён», «Панҷакенти қадим», «Бунҷикат», гӯшаи «Фарҳанги исломӣ», «Сомониён», толорҳои «Хушнависӣ» ва «Сиккаҳо» шинос шуданд. Дар шуъбаи таърихи нав ва навтарин ҳаёти мардуми тоҷик дар солҳои 1917-1990 муаррифӣ гардида, дар толори  «Истиқлолият»-и ин шуъба ба меҳмонон дастовардҳои мамлакат дар солҳои соҳибистиқлолӣ дар соҳаҳои маориф, фарҳанг, тандурустӣ ва варзиш муаррифӣ гардиданд.

Ҳамчунин меҳмонон аз толори «Туҳфаҳои Президенти Ҷумҳурии Тоҷикистон» дидан намуданд.

Меҳмонон бо диққати махсус экспозитсияи Осорхонаи миллии Тоҷикистонро тамошо намуда, аз таърих ва фарҳанги бойи миллати тоҷик шинос шуданд.

Иштирокчиёни ҷаласаи 20-уми Кумитаи роҳбарони воҳидҳои ҳифзи ҳуқуқи Шӯрои роҳбарони хадамоти гумруки Иттиҳоди Давлатҳои Мустақил пас аз анҷоми сайри осорхонавӣ ва боздиди толорҳои намоишии Осорхонаи миллии Тоҷикистон андешаҳои худро дар китоби «Меҳмонони фахрии Осорхонаи миллии Тоҷикистон» дарҷ намуданд.

 

Октябрь 16, 2019 17:05

Хабарҳои дигари ин бахш

Имрӯз ҷашни Меҳргон бо баргузории Фестивал-намоиши маҳсулот ва техникаи кишоварзӣ оғоз мегардад
Даври ҷамъбастии Фестивал-озмуни ҷумҳуриявии телевизионии эҷодиёти халқ «Андалеб-2025» баргузор мегардад
Сокинони ноҳияи Муъминобод соҳиби туҳфаи арзишманди Пешвои миллат — «Шоҳнома» мегарданд
МЕҲРГОН ОМАД, МУБОРАК, МЕҲРГОН ОМАД! Пагоҳ дар Душанбе Иди Меҳргон бо шукуҳу шаҳомати хосса таҷлил мегардад
СИТОРАИ ТОБНОК ДАР САМОИ СИНАМО. Офаридаҳои баландмазмун ба Бахтиёр Худойназаров шуҳрати ҷаҳонӣ бахшид
Коргардон Аҳмад Аминӣ: «Эрониҳо Тоҷикистонро дӯст медоранду орзуи тамошои манзараҳои нотакрори онро доранд»
Феҳристи муштараки шоҳкориҳо ва бозёфтҳои нодири осорхонаҳои миллии Осиёи Марказӣ нашр мегардад
ИДИ МЕҲРГОН-МЕРОСИ НИЁГОН. Давоми таърих дар фарҳанги мардум арзишҳои озмудашудаи миллат побарҷо мондаанд
Дар Академияи миллии илмҳо бо намояндагони Корпоратсияи «Синергия» рушди инфрасохтори рақамӣ баррасӣ шуд
СИНАМОҶАШНВОРАИ БАЙНАЛМИЛАЛИИ «ТОҶИ СОМОН». Дар кинотеатрҳои ҷумҳурӣ беш аз 40 филм намоиш дода мешавад
Дар доираи Рӯзҳои синамои Қирғизистон дар Душанбе филмҳои «Шамбала» ва «Эсимда» намоиш дода мешаванд
Котиби иҷроияи Комиссияи иқтисодии СММ барои Аврупо дар Осорхонаи миллӣ бо тамаддуни тоҷикон шинос гардид