БАБРИ БАРФӢ — БРЕНДИ МИЛЛИИ ТОҶИКИСТОН. Он имрӯз яке аз омилҳои ҷалби сайёҳон ба ҷумҳурӣ маҳсуб мешавад
ДУШАНБЕ, 23.10.2019 /АМИТ «Ховар»/. 23 октябр дар саросари ҷаҳон Рӯзи байналмилалии бабри барфӣ таҷлил карда мешавад. Таърихи пайдоиши ин рӯз ба соли 2013 рост меояд, зеро маҳз дар ин сол дар шаҳри Бишкеки Ҷумҳурии Қирғизистон Форуми байналмилалии ҳифзи бабри барфӣ баргузор гардида, намояндагони 12 давлати ҷаҳон дар ин бора қатъномаи дахлдор қабул намуданд. Бабри барфӣ ҳайвони калонҷусса буда, ба оилаи гурбаҳо ва зероилаи бабрҳои барфӣ дохил мешавад. Аз рӯи андоза ва намуди зоҳирӣ бабри барфӣ ба паланг (леопард) монандӣ дорад. Дарозии бадани бабри барфӣ ба 100-130 см ва думаш ба 92-105 см баробар мебошад. Вазни модинаҳо 35-40 кг ва наринаҳо 45-55 кг-ро ташкил медиҳад. Косахонаи сари бабри барфии Тоҷикистон хуб инкишоф ёфта, дарозии он аз 15,5 то 17,3 см ва паҳнойиаш 12 то 13,5 сантиметр мебошад.
Ба зикри муовини директори Муассисаи давлатии ҳудудҳои табиии махсус муҳофизатшаванда Убайдулло Акрамов, бабри барфие, ки дар Тоҷикистон ҳифз мешавад, нисбат ба бабри барфие, ки дар қисматҳои Ҷумҳурии Покистон, Бангладеш, Ҳиндустон ва Россия сукунат дорад, аз рӯи мавҷудияти доғҳои гирд ва паҳмии панҷаи пойи худ фарқ мекунад. Зеро минтақаи Тоҷикистон кӯҳсор буда, барои дар ин минтақа ҳаракати озод кардан, инкишофи панҷаҳои пой ба онҳо имконият медиҳад, ки озодона дар қисмати харсангзор ва ноҳамвориҳо ҳаракат намоянд.
Бабри барфие, ки дар Тоҷикистон сукунат дорад, он дар худ доғҳои нисбатан калон дошта, то 5-7 сантиметрро ташкил медиҳад. Ҳолати мӯйина ва маҳину ҷилодиҳандаи ин навъ дарранда нисбат ба бабри барфие, ки дар қисматҳои Покистон, Афғонистон ва дигар минтақаҳо сукунат мекунад, фарқ дорад. Ҳамаи ин ба ғизо вобастагӣ дошта, ҳолати ғизогирӣ дар Тоҷикистон баланд мебошад.
«Вақте ки инсоният бабри барфиро мавриди омӯзиш қарор дод, дар аввал саршумори онҳо зиёд ба назар мерасид. Ҳоло бабри барфӣ дар қисмати ҳудудҳои табиии махсус муҳофизатшавандаи Тоҷикистон дар экосистемаи табиии резервати биосферии Ромит ва экосистемаи табиии Мамнуъгоҳи Дашти ҷум, Зоркӯл, қисмати Паркҳои табиии миллии Тоҷикистон дар Вилояти Мухтори Кӯҳистони Бадахшон, ноҳияи Лахш ва Сангвор сукунат дорад. Дар қисмати экосистемаи табиии ҳудудҳои махсус муҳофизатшаванда беш аз 153 сар бабри барфӣ ҳифз карда мешаванд»,- гуфт Убайдулло Акрамов.
Бояд зикр намуд, ки дар Ҷумҳурии Тоҷикистон вобаста ба зиёд намудани саршумори бабри барфӣ диққати махсус зоҳир карда мешавад. Аз ҷумла, аз тарафи Сарвари давлат ва Ҳукумати Ҷумҳурии Тоҷикистон ба масъулин супориши қатъӣ дода шудааст, ки ҷойҳои сукунати бабри барфӣ ва ҳаётгузаронии оҳо ба таври васеъ муаррифӣ карда шаванд. Зеро имрӯз таваҷҷуҳи сайёҳон ба ин дарранда зиёд буда, он яке аз омилҳои ҷалби сайёҳон ба ҷумҳурӣ маҳсуб мешавад.
Холисаи АСОМИДДИН,
АМИТ «Ховар»
СОЛИ БАЙНАЛМИЛАЛИИ ҲИФЗИ ПИРЯХҲО. Тоҷикистон дар сатҳи ҷаҳон чун ташаббускори муҳими ҳалли мушкилоти глобалӣ шинохта шудааст
ИНТИХОБОТИ ВАКИЛОНИ ХАЛҚ-2025. Натиҷаҳои пешакии интихоботи вакилони Маҷлиси намояндагони Маҷлиси Олии Ҷумҳурии Тоҷикистон эълон гардиданд
ИНТИХОБОТИ ВАКИЛОНИ ХАЛҚ-2025. Натиҷаи пешакии интихоботи вакилони Маҷлиси намояндагони Маҷлиси Олии Ҷумҳурии Тоҷикистон 3 март эълон мегардад
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 12:00 шумораи овоздиҳандагон дар Тоҷикистон 59 фоизро ташкил дод
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 9:00 шумораи овоздиҳандагон дар Тоҷикистон 22,1 фоизро ташкил дод
Пешвои миллат: «Мусулмони комил бояд ба Ватану миллати худ содиқ ва ба ҳифзи марзу буми он ҳамеша омода бошад»
«ИЛМИ СИНО РӮИ ДУНЁРО ГИРИФТ…». Андешаҳои Шоири халқии Тоҷикистон Камол Насрулло дар мавриди шаҳомати оламафрӯзи Абӯалӣ ибни Сино
ПРЕЗИДЕНТИ ТОҶИКИСТОН ДАР ИН МАВРИД ҲУШДОР ДОДА БУДАНД. Барномаи муҳити зисти СММ ба амалҳои фаврӣ дар мубориза бо буҳрони сегонаи сайёра даъват менамояд
СОЛИ БАЙНАЛМИЛАЛИИ ҲИФЗИ ПИРЯХҲО. Ташаббуси Тоҷикистон барои пешгирии оқибатҳои ҳузнангез дар сайёра хеле саривақтӣ мебошад
Сарфармондеҳи Олии Қувваҳои Мусаллаҳ: «Ман ба афсарону сарбозони далеру шуҷоъ, бонангу номуси Ватан бовар дорам ва бо онҳо ифтихор мекунам»
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
