Дар Душанбе ҷаласаи сайёри ҳамоҳангсозии раисони кумитаҳои мудофиа ва амнияти парлумонҳои давлатҳои аъзои СААД баргузор мегардад

Октябрь 22, 2019 11:15

ДУШАНБЕ, 22.10.2019. /АМИТ «Ховар»/. 28-29 октябр дар шаҳри Душанбе ҷаласаи сайёри муштараки ҳамоҳангсозии раисони кумитаҳои мудофиа ва амнияти парлумонҳои давлатҳои аъзои Созмони Аҳдномаи Амнияти Дастаҷамъӣ ва Комиссияи доимии ин Созмон оид ба мудофиа ва амният баргузор мегардад.

Тавре котиби матбуоти палатаи поёнии Парлумони Тоҷикистон Муҳаммадато Султонов ба мухбири АМИТ «Ховар» иттилоъ дод, Тоҷикистонро дар ин ҷаласа раиси кумитаи Маҷлиси намояндагон оид ба тартиботи ҳуқуқӣ, мудофиа ва амният Ҷурахон Маҷидзода намояндагӣ мекунад.

Гуфта мешавад, ки иштирокчиёни ҷаласа вазъи ҳарбию сиёсии минтақаи Осиёи Марказии Созмони Аҳдномаи Амнияти Дастаҷамъиро бо аъзои кумитаҳои дахлдори Маҷлиси милливу Маҷлиси намояндагон ва роҳбарони  мақомоти салоҳиятдори Тоҷикистон баррасӣ мекунанд.

Ба иттилои манбаъ, дар ҷаласа муовини Дабири кулли СААД оид ба вазъ ва дурнамои рушди ҳамкории ҳарбӣ, ҳарбӣ-иқтисодӣ (техникӣ) дар доираи Созмон гузориш медиҳад.

Дар рӯзномаи ҷаласаи сайёр баррасии масъалаи тавсияҳо оид ба такмили қонунгузории миллии давлатҳои аъзои СААД дар соҳаи фаъолияти қувваҳои посдори сулҳ, оид ба наздик кардани қонунгузории давлатҳои аъзои Созмон дар бораи мусодираи амвол ба манфиати мубориза бо коррупсия, маблағгузории терроризм ва дигар ҷиноятҳо ва ғайра дар назар аст.

«Иштирокчиёни ҷаласа дар машқҳои ҳарбӣ, ки дар майдони таълимии Лоҳур мегузаранд, ширкат варзида, нақшаи кории Ассамблеяи парлумонии Созмони Аҳдномаи Амнияти Дастаҷамъӣ барои соли 2020-ро қабул менамоянд», — афзуд манбаъ.

Октябрь 22, 2019 11:15

Хабарҳои дигари ин бахш

Маҳмадтоир Зокирзода ва Соҳиба Ғаффорова таҳкими минбаъдаи ҳамкории Тоҷикистон ва Озарбойҷонро муҳокима намуданд
Маҳмадтоир Зокирзода дар конференсияи сеюми Ассамблеяи парлумонии кишварҳои узви Созмони ҳамкории иқтисодӣ иштирок намуд
Раиси Маҷлиси миллии Маҷлиси Олии Тоҷикистон Рустами Эмомалӣ бо Раиси Кумитаи доимии Маҷлиси умумичинии намояндагони халқи Чин Ли Чжаншу дар шакли маҷозӣ мулоқот намуданд
Ҳайати Маҷлиси намояндагони Тоҷикистон бо аъзои гурӯҳи дӯстии Миллӣ Маҷлиси Озарбойҷон мулоқот намуд
Дар Душанбе иҷлосияи даҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор мегардад
Ҳайати Маҷлиси намояндагон ба Ҷумҳурии Озарбойҷон сафар намуд
Идомаи сафари расмии Раиси Сенати Парламенти Ҷумҳурии Қазоқистон Маулен Ашимбаев дар Ҷумҳурии Тоҷикистон
Маҳмадтоир Зокирзода ва Маулен Ашимбаев ҳамкории байнипарламентии Тоҷикистон ва Қазоқистонро баррасӣ намуданд
Ҷаласаи якуми Комиссияи доимӣ оид ба ҳамкорӣ миёни Маҷлиси миллии Маҷлиси Олии Ҷумҳурии Тоҷикистон ва Сенати Парламенти Ҷумҳурии Қазоқистон доир гардид
Мулоқоти васеи ҳайатҳои Маҷлиси миллии Маҷлиси Олии Ҷумҳурии Тоҷикистон ва Сенати Парламенти Ҷумҳурии Қазоқистон доир гардид
Раиси Сенати Парламенти Ҷумҳурии Қазоқистон дар пояи муҷассамаи Исмоили Сомонӣ гулчанбар гузошт
Вакилони Маҷлиси намояндагон дар кори ҷаласаи ҳайатҳои парлумонии Тоҷикистон ва Иттиҳоди Аврупо дар Брюссел иштирок намуданд