Дар Душанбе ҷаласаи якуми Шӯрои ҳамоҳангсозии байниидоравӣ баргузор мегардад
ДУШАНБЕ, 02.10.2019 /АМИТ «Ховар»/. 3 октябр дар Муассисаи давлатии «Душанбе Плаза» ҷаласаи якуми Шӯрои ҳамоҳангсозии байниидоравӣ баргузор мегардад. Дар ҷаласаи мазкур Вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода, муовини Вазири тандурустии Ҷумҳурии Қазоқистон Олжас Абишев иштирок мекунанд.
Дар ҳамоиш масъалаҳо оид ба рушди ҳукумати электронӣ, табдилдиҳии рақамӣ ва телетиб таҳлилу баррасӣ мешаванд.
Вазорати тандурустӣ ва ҳифзи иҷтимоии аҳолии Ҷумҳурии Тоҷикистон моҳи декабри соли 2018 бо ҶДММ «Сифат Иннотех Инвест» оид ба рушди ҳукумати электронӣ, табдилдиҳии рақамӣ ва телетиб созишнома ба имзо расонида буд.
Ҳамчунин Ҷумҳурии Тоҷикистон моҳи августи соли равон байни ҶДММ «Сифат Иннотех Инвест» ва Маркази ҷумҳуриявии саломатии электронии Ҷумҳурии Қазоқистон ёддошти тафоҳум ба имзо расонид, ки ҳамкорӣ тибқи модели шарикии давлат ва бахши хусусӣ рушд меёбад. Ҳамзамон дар якҷоягӣ бо вазорати ин мамлакат ташкил ва дастгирии Шӯрои ҳамоҳангсозии байниидоравиро оғоз намуд.
Ёдовар мешавем, ки Олжас Абишев роҳбарии Трансформатсияи рақамӣ (CDO)-ро ба уҳда дошта, он соли 2018 ҳамчун беҳтарин идораи рақамӣ эътироф карда шудааст.
Таҳти роҳбарии мавсуф солҳои охир Ҷумҳурии Қазоқистон татбиқи системаҳои иттилоотии тиббиро 100 фоиз таъмин намуд ва ҷараёни гузариш ба идоракунии беэътимоди маълумоти тиббӣ оғоз гардидааст.
Зикр гардид, ки Вазорати тандурустӣ ва ҳифзи иҷтимоии аҳолии Ҷумҳурии Тоҷикистон «Харитаи роҳ» барои татбиқи нақшаи чорабиниҳо оид ба такмил додани системаи иттилоотии идоракунии тандурустии мамлакатро барои солҳои 2018-2020 ва барои татбиқи аввали он, инчунин рушди трансформатсияи рақамии соҳаи тандурустиро таҳия намудааст.
Ёдовар мешавем, ки ҷаласа пагоҳ соати 14:00 оғоз мегардад.
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
