Вазирони корҳои дохилии Ҷумҳурии Тоҷикистон ва Федератсияи Россия дар Москва мулоқот намуданд
ДУШАНБЕ, 09.10.2019 /АМИТ «Ховар»/. 9 октябр дар доираи сафари корӣ вобаста ба баргузории ҷаласаи Мушовараи муштараки вазоратҳои корҳои дохилии Тоҷикистону Россия мулоқоти Вазири корҳои дохилии Ҷумҳурии Тоҷикистон, генерал- полковники милитсия Рамазон Раҳимзода бо Вазири корҳои дохилии Федератсияи Россия, генерали политсия Владимир Колоколтсев баргузор гардид.
Тавре аз Вазорати корҳои дохилии ҷумҳурӣ ба АМИТ «Ховар» хабар доданд, дар мулоқот масъалаҳои мубориза бар зидди терроризм, экстремизм, муомилоти ғайриқонунии маводи нашъадор, дастгир намудани шахсони дар ҷустуҷӯ қарордошта, инчунин авфи муҳоҷирони меҳнатии Ҷумҳурии Тоҷикистон, ки дар рӯйхати маҳдудияти воридот ба Федератсияи Россия дохил шудаанд, дар доираи қонун муносибат намудани кормандони политсияи Федератсияи Россия нисбат ба шаҳрвандони тоҷик ҳангоми азназаргузаронии ҳуҷҷатҳои онҳо ва дигар мавзӯъҳои ба он марбут баррасӣ гардиданд.
Дар фарҷоми вохӯрӣ Вазири корҳои дохилии Ҷумҳурии Тоҷикистон вобаста ба кумакҳои моддию техникии ВКД Россия ба Вазири корҳои дохилии Федератсияи Россия изҳори миннатдорӣ намуд.
Ёдовар мешавем, ки 8 октябр дар шаҳри Москваи Федератсияи Россия бо иштироки Вазири корҳои дохилии Ҷумҳурии Тоҷикистон Рамазон Раҳимзода ва Вазири корҳои дохилии Федератсияи Россия Владимир Колоколтсев ҷаласаи Мушовараи якҷояи вазоратҳои корҳои дохилии ду давлат баргузор гардид. Дар ҷаласаи мазкур аз ҷониби вазирони ҳар ду давлат нақшаи кори вазоратҳои корҳои дохилии Федератсияи Россия ва Ҷумҳурии Тоҷикистон барои соли 2020 тасдиқ гардид. Ҳамчунин дар доираи мушовараи якҷояи Вазоратҳои корҳои дохилии Федератсияи Россия ва Ҷумҳурии Тоҷикистон қарорҳои дахлдор қабул гардиданд.
Ҳамчунин дар ҷаласаи мазкур масъалаҳои таҳким бахшидани ҳамкории байни воҳидҳои тафтишотии вазоратҳои корҳои дохилии Ҷумҳурии Тоҷикистон ва Федератсияи Россия, густариши равобити мақомоти корҳои дохилӣ ҳангоми тафтишоти пешакии парвандаҳои ҷиноятӣ, инчунин андешидани тадбирҳо дар самти такмил додани ҳамкорӣ зимни пешгирӣ, муайян ва ошкор кардани ҷиноятҳои вобаста ба гардиши ғайриқонунии маводи нашъадори гурӯҳи афюн мавриди баррасӣ қарор дода шуданд.
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
