Дар шаҳри Ваҳдат ҷаласаи сайёри Шӯрои ҷамъиятӣ баргузор гардид
ВАҲДАТ, 28.10.2019 /АМИТ «Ховар»/. Дар маҷлисгоҳи Мақомоти иҷроияи ҳокимияти давлатии шаҳри Ваҳдат ҷаласаи сайёри Шӯрои ҷамъиятӣ баргузор гардид. Дар кори ҷаласа мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Шуҳрат Азиззода, узви Шӯрои ҷамъиятӣ Мусо Асозода, котиби ҳамоҳангсози Шӯрои ҷамъиятӣ Нуралӣ Саидов ва аъзои Шӯрои ҷамъиятӣ аз шаҳру ноҳияҳои Ваҳдат, Рӯдакӣ, Варзоб ва Файзобод иштирок ва суханронӣ намуданд.
Дар ҷамъомади мазкур аъзои Шӯрои ҷамъиятӣ дар мавзӯъҳои «Президенти Ҷумҳурии Тоҷикистон, Пешвои миллат, Раиси Шӯрои ҷамъиятии Ҷумҳурии Тоҷикистон муҳтарам Эмомалӣ Раҳмон- кафили сулҳу субот ва ризоияти миллӣ дар Тоҷикистон» ва «Ҷоннок намудани доираи фаъолияти шӯроҳои ҷамъиятии шаҳри Ваҳдат ва ноҳияҳои Варзоб, Файзободу Рӯдакӣ бо назардошти вазъияти кунунии ҷаҳонӣ» маърӯза намуданд. Зимни ҳамоиш дар доираи ин мавзӯъҳо саволу ҷавоб сурат гирифт.
Раиси Шӯрои ҷамъиятии шаҳри Ваҳдат Раҳмоналӣ Амирзода изҳор дошт, ки дар ҷомеа раванди созандагиву ободкорӣ беш аз ҳарвақта вусъат пайдо карда, мардум ҳамаи захираву имконият ва саъю кӯшиши худро ба хотири истиқболи сазовори ҷашни бузурги миллӣ- 30-солагии Истиқлолияти давлатии Тоҷикистон равона кардаанд. Зеро маҳз ба шарофати истиқлолият, ки бо ташаббуси Пешвои миллат муҳтарам Эмомалӣ Раҳмон ба даст омадааст, Ҷумҳурии Тоҷикистон дар арсаи байналмилалӣ мақоми шоиста пайдо карда, ҳамчун узви комилҳуқуқи ҷомеаи ҷаҳонӣ эътироф гардид.
Дар ҷаласа зикр гардид, ки имрӯзҳо аз ҳар фарди ватандӯст ва бонангу номуси ҷомеа беш аз пеш тақозо мешавад, ки бо дарки масъулияти шаҳрвандӣ ва неруи дучанд вазифаи худро дар назди Ватан ва халқи хеш адо намуда, дар ин раванд нақшу мақоми Шӯрои ҷамъиятӣ бояд хеле муассир ва назаррас бошад. Ҳизбҳои сиёсӣ, созмонҳои ҷамъиятӣ, ниҳодҳои миллӣ, ташкилоту созмонҳои ҷавонону занон, аҳли илм, аъзои иттиҳодияҳои эҷодӣ ва кулли мардум бояд истиқлолият, ваҳдат, манфиатҳои давлату миллатро аз ҳамаи манфиатҳои гурӯҳию ҳизбӣ болотару афзалтар гузоранд.
Дар ташкилоти ибтидоии «Заминсоз» ҳамоиши тантанавӣ баргузор шуд
Бахшида ба 30-солагии таъсиси Ҳизби Халқии Демократии Тоҷикистон дар ноҳияи Восеъ ҳамоиш доир гардид
Бахшида ба 30-солагии таъсиси Ҳизби Халқии Демократии Тоҷикистон дар ноҳияи Рӯдакӣ конференсия доир шуд
21 декабр Анҷумани XIII навбатии Ҳизби сотсиалистии Тоҷикистон доир мешавад
Оид ба нақши Ҳизби Халқии Демократии Тоҷикистон дар таҳкими ваҳдату якпорчагии миллат ҳамоиши илмӣ доир шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент, ноҳияҳои Айнӣ ва Кӯҳистони Мастчоҳ 764 қонуншиканӣ нисбат ба маҳсулоти ғайристандартӣ ошкор карда шуд
Дар Бадахшон маросими ҷоизасупории соҳаи сайёҳӣ, ҳунарҳои мардумӣ ва занбӯриасалпарварӣ баргузор шуд
Дар Ҳисор ба ифтихори 30-солагии таъсиси Ҳизби Халқии Демократии Тоҷикистон ҳамоиши идона доир шуд
Дар Британия қариб 66 ҳазор нафар бар асари тӯфон бе барқ монданд
Нархҳои маводи озуқаворӣ моҳи ноябр дар ҷаҳон 0,5% афзоиш ёфтанд
10 ДЕКАБР — РӮЗИ ҲУҚУҚИ ИНСОН. Дар Тоҷикистон таъсис додани вазифаи Омбудсмени соҳибкорӣ дар назар аст
