Истифодаи технологияи рақамӣ омили рушди низоми бонкист
ДУШАНБЕ, 04.10.2019/АМИТ «Ховар»/. Масъалаи баланд бардоштани сатҳи маърифатнокии молиявии аҳолии мамлакат дар мулоқоти Раиси Бонки миллии Тоҷикистон Ҷамшед Нурмаҳмадзода ва коршиносони Бонки ҷаҳонӣ таҳти роҳбарии мутахассиси калон оид ба соҳаи молияи Бонки ҷаҳонӣ Маргарет Миллер дар Душанбе баррасӣ гардид.
Аз Бонки миллии Тоҷикистон ба АМИТ «Ховар» иттилоъ доданд, ки мусоҳибон ҳамзамон масъалаҳои вусъат додани ҳисоббаробаркуниҳои ғайринақдӣ тавассути низомҳои пардохтии электронӣ, татбиқи технологияҳои муосир ва рушди бонкдории мобилӣ, зиёд гардидани миқдори суратҳисобҳо дар ташкилотҳои қарзиро матраҳ намуданд.
Бо дахли иштироки фаъолонаи коршиносони Бонки ҷаҳонӣ дар раванди таҳияи «Стратегияи миллии фарогирии молиявӣ» дар Ҷумҳурии Тоҷикистон Ҷамшед Нурмаҳмадзода зикр кард, ки таҳияи стратегияи мазкур саривақтӣ буда, метавонад ба рушди минбаъдаи иқтисодиёти мамлакат нақши муассир гузорад. Бонки миллии Тоҷикистон ҷиҳати фарогирии молиявии аҳолӣ пешниҳоди имтиёзҳо дар самти вусъати ҳисоббаробаркуниҳои ғайринақдӣ ва татбиқи технологияҳои муосир дар низоми бонкӣ, ҷалби пасандозҳо, амонатҳо ва баланд бардоштани маърифатнокии молиявии мардумро амалӣ намуда истодааст.
Маргарет Миллер зикр кард, ки оғози раванди таҳияи «Стратегияи миллии фарогирии молиявӣ» барои Тоҷикистон муҳим буда, истифодаи таҷрибаи давлатҳои пешрафтаи ҷаҳон ба манфиат хоҳад буд. Маргарет Миллер аз сатҳи баланди истифодаи технологияҳои муосири мобилӣ дар Тоҷикистон изҳори хушнудӣ карда, таъкид намуд, ки татбиқи технологияи рақамӣ барои рушди низоми бонкӣ ва баланд бардоштани маърифатнокии молиявии аҳолӣ заминаи мусоид фароҳам меорад.
Тоҷикистон ва Хазинаи Авруосиёии субот ва рушд лоиҳаи тавсеаи буҷети барномавиро оғоз менамоянд
Ширкатҳои Ҳиндустон ба истеҳсоли молу маҳсулоти саноатӣ дар Тоҷикистон изҳори ҳавасмандӣ намуданд
Имрӯз дар Бангкок ҷаласаи вазирони Барномаи махсуси СММ барои иқтисодиёти Осиёи Марказӣ доир шуд
Тоҷикистон ва Узбекистон гузариши транзитии мошинҳои боркашро осон менамоянд
Дар корхонаи «Роҳи оҳани Тоҷикистон» 130 вагон аз таъмири асосӣ ва умумӣ бароварда шуд
ҚУРБИ АСЪОР: дар Тоҷикистон 1 евро аз 11.6327 то 11.7200 сомонӣ муқаррар шудааст
Дар Тоҷикистон беш аз 1,6 миллион тонна бор ва 95,8 ҳазор мусофир интиқол дода шуд
Дар мулоқоти ҳайати Тоҷикистон бо директори Бонки ҷаҳонӣ оид ба масъалаҳои бахши амалиётӣ маблағгузорӣ ба сохтмони неругоҳи «Роғун» баррасӣ гардид
Дар Тоҷикистон иҷрои нақшаи андозҳо ва дигар пардохтҳои ҳатмӣ ба андозаи 105,9% таъмин гардид
Ҳайати Тоҷикистон дар маҷлиси машваратии давлатҳои электорати ҷаласаҳои баҳории Хазинаи Байналмилалии Асъор ва гурӯҳи Бонки ҷаҳонӣ иштирок намуд
Дар Вашингтон машварати мудирони Хазинаи Байналмилалии Асъор аз давлатҳои Шарқи Наздик ва Осиёи Марказӣ доир гардид
Гумрукчиён дар вилояти Суғд қочоқи 2,7 тонна маводи дорувориро пешгирӣ намуданд
