Масъулини Хадамоти пешгирии ҳуқуқуқвайронкунӣ байни ноболиғон ва ҷавонони Суғд дар мактабҳо санҷиш гузарониданд

Октябрь 29, 2019 08:30

ДУШАНБЕ, 29.10.2019 /АМИТ «Ховар»/. Масъулини Хадамоти пешгирии ҳуқуқуқвайронкунӣ байни ноболиғон ва ҷавонони Раёсати Вазорати корҳои дохилӣ дар вилояти Суғд бо мақсади огаҳӣ ёфтан аз раванди таълиму тарбия дар мактабҳои таҳсилоти миёнаи умумӣ ва санҷишу назорати риояи меъёрҳои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», қарору фармоиш ва санадҳои меъёрию ҳуқуқии дар ҳамин самт амалкунанда дар мактабҳои шаҳру ноҳияҳои Панҷакент, Б.Ғафуров, Мастчоҳ ва Ашт санҷиш гузарониданд.

Тавре аз маркази матбуоти Вазорати корҳои дохилӣ ба АМИТ «Ховар» хабар доданд, гурӯҳи корӣ бо роҳбарии сардори хадамоти мазкур, полковники милитсия Баҳром Саидзода  дар якҷоягӣ бо   намояндаи Раёсати маорифи шаҳру ноҳияҳои зикршуда  бо  ҷараёни  дарс, омодагии омӯзгору хонандагон ба он, иҷрои уҳдадориҳои муаллим, падару модар, муассиса ва дигар  паҳлуҳои  таълиму тарбия дар мактабҳое, ки хонандагонашон ҷиноят содир намудаанд, шинос шуда, як зумра камбудиҳоро ошкор кард.

Санҷиш маълум кард, ки  дар тамоми мактабҳои мавриди назар  моддаи 11-и  Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» риоя намешавад. Тибқи моддаи зикршуда,  дар ин мактабҳо бояд комиссияҳои ҷамъиятӣ оид ба амалигардонии қонуни мазкур  ташкил  мегардид, ки   фаъолият накардани  онҳо  аз муносибати бепарвоёнаи роҳбарияти ин мактабҳо  гувоҳӣ медиҳад.

Натиҷаи санҷишҳо дар ҷаласаи васеъ бо иштироки директорони мактабҳо мавриди баррасӣ ва муҳокима қарор дода шуд. Масъулин барои рафъи камбудиҳо, аз ҷумла ташкили комиссияҳои ҷамъиятӣ оид ба амалигардонии Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», аз ҳисоби хонандагони синфҳои болоӣ таъсис додани «Созмони дӯстони навраси милитсия» вазифадор карда  шуданд.

Тавре аз Хадамоти мазкури Раёсати ВКД дар вилояти Суғд иттилоъ доданд, ҳамин  гуна санҷишҳо дар дигар шаҳру ноҳияҳои минтақа гузаронида мешаванд.  Мақсад аз гузаронидани ин санҷишҳо   беҳбудӣ  бахшидан ба сифати таълиму тарбия ва пешгирӣ аз каҷрафтории хонандагон  мебошад.

Октябрь 29, 2019 08:30

Хабарҳои дигари ин бахш

ДАР ПАРТАВИ ҲИДОЯТҲОИ ПЕШВОИ МИЛЛАТ. Дар Тоҷикистон ба 300 оила кумаки башардӯстона расонида шуд
Сокинони деҳаи Гожаки ноҳияи Шуғнон соҳиби нуқтаи оби тозаи нӯшокӣ шуданд
БРИТАНИЯИ КАБИР БА ҶАЛБИ ҚУВВАИ КОРӢ АЗ ТОҶИКИСТОН ОМОДА АСТ. Имсол 500 нафар шаҳрвандони Тоҷикистон ба Британияи Кабир сафарбар мегарданд
Дар Агентии хизмати давлатӣ масъалаи пардохти музди меҳнати хизматчиён ҳангоми таҳсил баррасӣ гардид
ШАҲРИ ЗЕБОИ МАН. Милитсияи Хатлон ба истиқболи 35-солагии Истиқлоли давлатӣ ба бунёдкорӣ иқдом гирифт
«МАКТАБИ СИЁСИИ ПЕШВОИ МИЛЛАТ». Таҳти ин унвон дар шаҳри Бохтар конференсияи байналмилалии илмӣ-амалӣ доир мегардад
ХУРОФОТ ҶАҲОЛАТ АСТ. Дар ҷамоатҳои шаҳри Исфара бо сокинон оид ба хатари таассуб мулоқот доир шуд
Охири моҳи апрел ва аввали май Тоҷикистонро ҳавои номусоид интизор аст. Таъсири он ба соҳаи кишоварзӣ чӣ гуна аст?
Дар якчанд минтақаҳои Тоҷикистон корҳои безараргардонии жола анҷом ёфтанд
«ДӮСТ ОЯД ГАРМ ДАР ОҒӮШ ГИР!». Дар Тоҷикистон аввалин меҳмонии ҷавонони ҷумҳурӣ дар минтақаҳо оғоз шуд
Дар Конибодом доир ба оқибатҳои ногувори таассубу хурофотпарастӣ ва омилҳои пешгирии он мулоқот доир шуд
Дар Душанбе масоили ҳуқуқ, таҳсил ва бокортаъминкунии маъюбон таҳлилу баррасӣ гардид