Намояндагони TV «Fly Brother» ба журналистони бахши сайёҳии Тоҷикистон ҷиҳати инъикоси имкониятҳои сайёҳӣ дарси маҳорат омӯхтанд
ДУШАНБЕ, 11.10.2019/АМИТ «Ховар»/. Кумитаи рушди сайёҳии назди Ҳукумати Ҷумҳурии Тоҷикистон дар якҷоягӣ бо Академияи ВАО Тоҷикистон ҷиҳати тарғибу ташвиқи имкониятҳои сайёҳии мамлакат дар арсаи байналмилалӣ ва инъикоси имкониятҳои сайёҳии ҷумҳурӣ барои кормандони шабакаҳои телевизионию радиоӣ ва нашрияҳо дарси маҳорат баргузор намуд.
Намояндагони ширкати телевизионии «Флай Бразер»-и (Fly Brother) Амрико Эрнест Эдвар, Педро Аугусто ва Ҷулиана Коломбо барои намояндагони ВАО-и ватанӣ усулҳои муосири истифодаи воситаҳои ахбори оммаро барои тарғиби захираҳои сайёҳии мамлакат ва ба ин васила ҷалби сайёҳони хориҷиро ба Тоҷикистон омӯзониданд.
Тавре аз Кумитаи рушди сайёҳии назди Ҳукумати ҷумҳурӣ ба АМИТ «Ховар» иттилоъ доданд, ин иқдом дар партави дастуру ҳидоятҳои Пешвои миллат муҳтарам Эмомалӣ Раҳмон дар самти тарғибу ташвиқи имкониятҳои сайёҳии мамлакат дар арсаи байналмилалӣ амалӣ гардонида шуд.
Намояндагони шабакаи телевизионии «Флай Бразер», ки тӯли ҳафтаи охир дар давлати мо қарор доранд, таассуроти худро оид ба табиат, мардуми меҳмоннавоз ва урфу одатҳои инсондӯстонаи тоҷикон иброз доштанд. Зикр шуд, ки ВАО-и чопию электронӣ яке аз воситаҳои қавии муаррифии мавзеъҳои ҷолиби сайёҳӣ дар ҷаҳон маҳсуб меёбад.
Бо назардошти он ки Тоҷикистон дорои табиати беҳамто мебошад, ба таври шоиста муаррифӣ намудани он дар арсаи байналамилалӣ барои рушди соҳа ва ҷалби бештари сайёҳони хориҷӣ ба кишвар мусоидат мекунад. Ба роҳ мондани сайёҳии дохилӣ низ метавонад дар рушди сайёҳӣ таъсиррасон бошад. Дар Тоҷикистон имкониятҳои сайёҳӣ ниҳоят фароханд ва бояд тарғибу ташвиқи онҳо ба таври дуруст ва ҷалбкунанда ба роҳ монда шавад.
Шабакаи «Fly Brother» дар ҳудуди Иёлоти Муттаҳидаи Арико ва давлатҳои Арикои Ҷанубӣ ниҳоят маъруф мебошад ва наворҳои бардоштаи ин шабакаи ҷаҳонӣ ва таассуроти онҳо баъд аз бозгашт дар мамлакаташон тариқи ин шабака намоиш дода мешаванд.
Ин барои ҷалби бештари сайёҳони хориҷӣ ва муаррифии захираҳои сайёҳии мамлакат заминаи мусоид фароҳам меорад.
Манзараҳои зебои табиати Тоҷикистон дар «Pakistan TV Digital» намоиш дода мешавад
Корҳои омодагӣ барои баргузории Озмуни ҷумҳуриявии «Ганҷинаи таърих ва фарҳанги тоҷикон» идома доранд
НАҚШИ ПРЕЗИДЕНТИ ТОҶИКИСТОН ДАР РУШДИ ЗАБОНИ ДАВЛАТӢ. Бо ин мақсад бо ҷавонони фаъоли шаҳри Кӯлоб вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
35-СОЛАГИИ ИСТИҚЛОЛИЯТИ ДАВЛАТӢ. Дар Душанбе ҳар ҳафта рӯзҳои фарҳанги шаҳру ноҳияҳои Тоҷикистон баргузор мешаванд
Дар Китобхонаи миллӣ оид ба таҳияи Консепсияи илмии Конуни тамаддуни ориёӣ маҳфили «Тоҷикшиносӣ» доир шуд
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Дар Москва шоми ёдбуди Мирзо Турсунзода баргузор гардид
Дар Тоҷикистон Рӯзҳои фарҳанги Федератсияи Русия оғоз гардид
