Шермуҳаммад Шоҳиён ба судяҳо супориш дод, ки баъди қабули Қонуни авф татбиқи онро таҳти назорати қатъӣ қарор диҳанд

Октябрь 21, 2019 09:44

ДУШАНБЕ, 21.10.2019/АМИТ «Ховар»/. Раиси Суди Олии  Ҷумҳурии Тоҷикистон Шермуҳаммад Шоҳиён ба  раисони судҳои Вилояти Мухтори  Кӯҳистони Бадахшон, вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳурӣ супориш дод, ки баъд аз қабул ва мавриди амал қарор гирифтани Қонуни Ҷумҳурии Тоҷикистон «Дар бораи авф» татбиқи онро таҳти назорати қатъӣ қарор дода,  риояи ҳатмии талаботи Қонуни мазкурро ба роҳ монанд. Ин нуктаро Шермуҳаммад Шоҳиён  дар маҷлиси васеъ, ки дар он фаъолияти мақомоти судӣ дар нуҳ моҳи соли 2019 натиҷагирӣ гардид, зикр намудааст. Дар ин хусус ба АМИТ «Ховар» аз бахши иттилооти Суди Олии Ҷумҳурии Тоҷикистон иттилоъ доданд.

Ёдовар мешавем, ки 16 октябр Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо истифода аз ҳуқуқи конститутсионии худ, дар асоси принсипи инсондӯстонаи қонунгузории Ҷумҳурии Тоҷикистон,  ба муносибати 25-умин солгарди қабули Конститутсияи Ҷумҳурии Тоҷикистон лоиҳаи Қонуни Ҷумҳурии Тоҷикистон «Дар бораи авф»-ро барои баррасӣ ба Маҷлиси намояндагони Маҷлиси Олии Ҷумҳурии Тоҷикистон пешниҳод карданд.

Дар ҳамоиш нисбат ба ин масъала ба судяҳои судҳои ҷумҳурӣ маълумот дода шуда, зикр гардид, ки дар лоиҳаи Қонуни мазкур аз ҷавобгарии ҷиноятӣ ва ҷазо озод намудани шахсоне, ки парвандаҳои ҷиноятӣ нисбат ба онҳо дар баррасии мақомоти таҳқиқ, тафтишоти пешакӣ ё судҳо қарор доранд ё дар асоси ҳукми судҳо дар муассисаҳои ислоҳӣ адои ҷазо карда истодаанд, пешбинӣ гардидааст.

Аз рӯи маълумоти пешакӣ, Қонуни мазкур баъд аз қабул ва мавриди амал қарор гирифтан нисбат ба зиёда аз бист ҳазор нафар гумонбаршудагон, айбдоршавандагон, судшавандаҳо ва маҳкумшудагон татбиқ мегардад.

Октябрь 21, 2019 09:44

Хабарҳои дигари ин бахш

Ҳамкории ҳарбӣ ва ҳарбӣ-техникии Тоҷикистону Русия баррасӣ гардид
Дар Душанбе беш аз 20 садамаи нақлиётӣ бо иштироки скутер ва худравҳои барқӣ сабт карда шудааст
Ҳайати Тоҷикистон дар пленум ва анҷумани созмонҳои мудофиавии ИДМ иштирок намуд
Дар Душанбе аз 8 то 12 октябр ҳаракати воситаҳои нақлиёт маҳдуд ва фаъолияти баъзе бозорҳои марказӣ қатъ карда мешавад
Дар Душанбе аз 8 то 12 октябр ҳаракати воситаҳои нақлиёт маҳдуд карда мешавад
«Динамо»-и Вазорати корҳои дохилии Тоҷикистон дар мусобиқаи байналмилалии футзал сазовори ҷойи сеюм гардид
ДАЪВАТИ ТИРАМОҲӢ. Ҷавонони ноҳияи Ҷалолиддини Балхӣ сарбаландона ба сафи Артиши миллӣ пайвастанд
Дар Хатлон Рӯзи даъватшавандаро бо тантана баргузор намуданд
ДАЪВАТИ ТИРАМОҲӢ. Дар Суғд маросими гусели даъватшавандагон ба хизмати ҳарбӣ доир шуд
Ҷавонони далери шаҳри Ваҳдат бо ҳисси баланди масъулият ва ифтихор аз Тоҷикистон ба сафи Артиши миллӣ пайвастанд
ДАЪВАТИ ТИРАМОҲӢ. Даъватшавандагони ноҳияи Мастчоҳ сафи Қувваҳои Мусаллаҳи Тоҷикистонро пурра намуданд
Ҷавонони ватандӯсти ноҳияи Деваштич ба сафи Қувваҳои Мусаллаҳи Ҷумҳурии Тоҷикистон пайвастанд