ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Сокинони маҳаллаи Чармгарони поёни шаҳри Кӯлоб барои рафтуо пули пиёдагузар сохтанд

Ноябрь 13, 2019 15:02

ДУШАНБЕ, 13.11.2019/ АМИТ «Ховар»/. Ба ифтихори 30-солагии Истиқлолияти давлатии Ҷумҳурии Тоҷикистон дар шаҳру ноҳияҳои мамлакат корҳои сохтмониву ободонӣ бомаром идома доранд. Давоми се соли минбаъда  бояд дар ҳар як деҳа ва маҳалли аҳолинишини мамлакат коргоҳҳои дӯзандагӣ, майдончаҳои варзишӣ, қасрҳои фарҳанг, бунгоҳҳои тиббӣ, ҳаммом, сартарошхона, кошонаи ҳусн, пулҳо, марказҳои савдо ва боғҳои фарҳангию фароғатӣ бунёд карда шаванд. 

Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа  Абдуҷаббор Раҳмонзода дар якҷоягӣ бо раиси шаҳри Кӯлоб Баҳром Иноятзода 11 ноябр як зумра иншооти навтаъсисро, ки дар доираи нақшаи омодагиҳо ба ҷашни 30-солагии Истиқлолияти давлатии Ҷумҳурии Тоҷикистон дар ҳудуди шаҳри Кӯлоб бунёд гардидаанд, мавриди баҳрабардорӣ қарор доданд. Дар ин бора аз Мақомоти иҷроияи ҳокимияти давлатии вилояти Хатлон ба АМИТ «Ховар» хабар доданд.

Ба иттилои манбаъ, нахуст бинои дуошёнаи “Суратгирхонаи ҷавонон”, ки аз ҷониби соҳибкор Саидкарим Шокиров бо маблағи беш аз 270 ҳазор сомонӣ бунёд гардидааст, аз ҷониби Абдуҷаббор Раҳмонзода ифтитоҳ гардид. Дар ошёнаи якуми бинои мазкур суратгирхона, сартарошхона, кошонаи ҳусн ва дар бинои дуюм коргоҳи хурди дӯзандагӣ таъсис дода шудаанд. Хизматрасонӣ дар бинои навтаъсис барои ятимон ва ҷанговарони башардӯст ройгон ба роҳ монда шудааст. Айни замон дар бинои мазкур 12 нафар бо ҷойи кор таъмин шудаанд.

Ҳамчунин дар дохили Боғи фарҳангиву фароғатии ба номи Мир Сайид Алии Ҳамадонии шаҳри Кӯлоб қаҳвахона, ки дар он барои мизоҷон таомҳои тезтайёр омода карда мешаванд, мавриди истифода қарор дода шуд.

Дар баробари ин  пули пиёдагузар барои рафтуои сокинони ду маҳаллаи болои сойи Тебалай, ки аз ҷониби сокинони маҳаллаи Чармгарони поён сохта шудааст ва ҳатто нақлиёти хурд низ метавонад аз болои он гузарад, мавриди баҳрабардорӣ қарор гирифт. Минбаъд сокинон, бахусус хонандагон метавонанд дар ҳама фасли сол тариқи ин пул равуо намоянд.

Баъдан дар маҳаллаи 1-уми майи шаҳри Кӯлоб бинои дуқабатаи ҳаммоми “Румайсо”, ки аз ҷониби соҳибкор Акмал Бобоев сохта шудааст, ифтитоҳ гардид. Ҳаммом дорои 2 ҳавзи шиноварӣ буда, аз ҳуҷраҳои умумӣ ва алоҳида иборат аст. Он дар як вақт метавонад то 40-45 нафар мизоҷро қабул намояд.

Ноябрь 13, 2019 15:02

Хабарҳои дигари ин бахш

Истгоҳи обуҳавосанҷии Горбунов дар пиряхи «Тоҷикистон» навсозӣ карда мешавад
ҚАТЪНОМАИ ТАЪРИХӢ БАРОИ ОСИЁИ МАРКАЗӢ. Чӣ гуна ташаббуси Президенти Тоҷикистон зеҳни сунъиро ба рӯзномаи Маҷмаи Умумии СММ ворид кард
Ба бунёди боғҳои интенсивӣ ва суперинтенсивӣ таваҷҷуҳро бештар намоем. Шарҳи коршинос
Ҳаҷми маблағгузории Фонди иқлими сабз барои Тоҷикистон ба 235 миллион доллар расидааст
Ҷаласаи навбатии Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир шуд
Дар минтақаи Рашт 30 оилаи ниёзманд соҳиби манзили истиқоматӣ шуда, ду корхонаи саноатӣ фаъол гардид
«БАРНОМАИ ДАВЛАТИИ РУШДИ МАЪРИФАТ ВА ФАРҲАНГИ ЭКОЛОГӢ». Он ба баланд бардоштани фарҳанги экологии аҳолӣ равона шудааст
Тоҷикистон дар COP31 таъсиси платформаи минтақавии инноватсияҳои «сабз»-ро дар Осиёи Марказӣ пешниҳод намуд
Директори Агентии авиатсияи гражданӣ Ҳабибулло Назарзода дар Ассамблеяи 43-юми ИКАО дар шаҳри Монреали Канада иштирок намуд
Ҳамкории Тоҷикистон бо Фонди ОПЕК дар самти ҳифзи муҳити зист густариш меёбад
Дар Кӯлоб таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Тоҷикистон ва ИМА таъсиси Шурои муштараки кориро баррасӣ намуданд