Амалиёти «Пиёдагард»: дар Душанбе 1570 нафар роҳгузарон барои вайрон кардани қоидаҳои роҳ ҷарима шуданд

Ноябрь 21, 2019 10:00

ДУШАНБЕ, 21.11.2019. /АМИТ «Ховар»/.  Аз  11 то 21  ноябр   аз ҷониби Раёсати Вазорати корҳои дохилии Ҷумҳурии Тоҷикистон дар шаҳри Душанбе дар ҳудуди  пойтахт  амалиёти «Пиёдагард» гузаронида шуд. Давоми 8 рӯз, яъне аз 11 то 18 ноябр  дар натиҷаи гузаронидани ин амалиёт  нисбат ба  1570  нафар пиёдагардон барои вайрон намудани  талаботи «Қоидаҳои ҳаракат дар роҳ»,   ба мисли   гузаштан  аз ҷойҳои муқаррарнашудаи роҳ,  тибқи талаботи моддаи 340 қисми 1-и Кодекси ҳуқуқвайронкунии маъмурии Ҷумҳурии Тоҷикистон дар ҷойи қоидавайронкунӣ бо истифода аз баргаҳои ҷаримавӣ ба андозаи 6 сомонию 88 дирам ҷарима шуданд.

Тавре  аз маркази матбуоти Раёсати мазкур ба АМИТ «Ховар» хабар доданд,  амалиёти мазкур  бо мақсади баланд бардоштани интизоми иштирокчиёни ҳаракат дар роҳ, махсусан пиёдагардон дар кӯчаву роҳҳои  мошингарди пойтахт, коҳиш додани сатҳи садаманокӣ бо иштироки  онҳо дар ҳудуди пойтахт  гузаронида мешавад.

«Таҷриба ва мушоҳидаҳо нишон медиҳанд, ки бо сабаби нобаробар будани нишондодҳои асосии суръати ҳаракати пиёдагардон дар кӯчаву роҳҳо, дар ҷойҳои муайянгардида – истгоҳҳо  интизори воситаҳои нақлиёти мусофиркаш  нагаштани онҳо,  якбора давида баромадан ба қисми мошингарди роҳ, истифода набурдан аз гузаргоҳҳои зеризаминию рӯизаминӣ сабабгори афзоиши босуръати зеркунии пиёдагардон   гардидааст», — афзуд манбаъ.

Бо вуҷуди андешидани тадбирҳои  зарурӣ  дар ин ҷода ҳанӯз ҳам  дар ҷумҳурӣ  масъалаи  дар натиҷаи садамаҳои нохуши нақлиётӣ маҷрӯҳ ва ҳалок гардидани шаҳрвандон нигаронкунанда боқӣ мемонад.

Тибқи иттилои масъулини соҳа, аз аввали сол то  моҳи ноябр дар роҳҳои мошингарди  ҷумҳурӣ 107 садамаи нақлиётӣ ба қайд гирифта шудааст, ки бар асари онҳо 317 нафар ба ҳалокат расида, 1100 нафари  дигар ҷароҳатҳои гуногуни ҷисмонӣ бардоштанд. Ҳарчанд ин нишондод  мутаносибан ба ҳамин давраи соли гузашта  коҳиш ёфтааст, аммо ин масъала  ҳанӯз ҳам ташвишовар   аст.

Соли гузашта 181  садамаи нақлиётӣ рух додааст, ки дар натиҷаи он  329  нафар ҳалок шуда,  1134  каси дигар  маҷрӯҳ гардида  буданд.

Дар ин зимн, Раёсати ВКД дар шаҳри Душанбе аз тамоми сокинон ва меҳмонони пойтахт даъват ба амал меоварад, ки  ҳангоми ҳаракат дар роҳҳо  қоидаҳои ҳаракат дар онро  риоя намоянд, роҳҳои мошингардро аз ҷойҳои муқарраршуда,  аз гузарҳои зеризаминию рӯизаминӣ гузашта,  ҳаёти худ ва дигаронро зери хатар нагузоранд.

               Рухсораи НУР,
АМИТ «Ховар»

Ноябрь 21, 2019 10:00

Хабарҳои дигари ин бахш

ҚОНУН «ДАР БОРАИ ТАРБИЯИ ВАТАНДӮСТИИ ШАҲРВАНДОН». Доир ба он байни хизматчиёни давлатӣ омӯзиш баргузор шуд
Табибони тоҷик дар Конгресси 17-уми осебшиносон-ортопедон дар Ҳиндустон иштирок намуданд
«Тоҷиксуғурта» соли гузашта дар ҳаҷми зиёда аз 5,8 миллион сомонӣ маблағи суғуртавӣ пардохт намуд
Соли 2022 барои таҷдиду барқарорсозии 42 иншооти оби нӯшокӣ беш аз 14 миллион сомонӣ ҷудо карда шуд
НИШАСТИ МАТБУОТӢ. Соли гузашта 770 ҳолати вайрон намудани Қонун «Дар бораи танзими анъана ва ҷашну маросим дар Ҷумҳурии Тоҷикистон» ба қайд гирифта шуд
ФАВРӢ! Роҳи мошингарди Душанбе-Чаноқ кушода шуд
Дар мақомоти Ваколатдор оид ба ҳуқуқи инсон лоиҳаи 50 санади меъёрии ҳуқуқӣ мавриди омӯзиш қарор гирифт
Маркази миллии қонунгузорӣ барои такмили механизми татбиқи қонунҳо беш аз 600 таклиф пешниҳод намуд
IRS ХАБАР МЕДИҲАД. Дар километрҳои аз 52 то 73-юми роҳи Душанбе-Чаноқ 45 тармаи хурду бузург фаромад
Соли 2022 дар Тоҷикистон номи 56 шаҳраку деҳот иваз карда шуд
Агентии обуҳавошиносӣ: «Соли гузашта 365 пешгӯиҳои якшабонарӯзӣ тартиб дода шуд, ки дурустии онҳо 93%-ро ташкил медиҳад»
ТАВАҶҶУҲ! Кумитаи ҳолатҳои фавқулода ва мудофиаи гражданӣ аз резиши сангу фаромадани тарма ҳушдор медиҳад