Дар Душанбе масоили ҳунармандӣ ва заминаҳои омӯзишу рушди он дар оила баррасӣ шуданд

Ноябрь 29, 2019 15:01

ДУШАНБЕ, 29.11.2019 /АМИТ «Ховар»/. Имрӯз бо ташаббуси  Мақомоти иҷроияи ҳокимияти давлатии шаҳри Душанбе дар доираи Солҳои рушди деҳот, сайёҳӣ ва ҳунарҳои мардумӣ» дар Муассисаи давлатии «Душанбе-Плаза» дар мавзӯи «Ҳунармандӣ-заминаҳои омӯзиш ва рушди он дар оила» Конференсияи илмӣ-назариявӣ баргузор гардид. Дар кори конференсияи мазкур намояндагони вазорату идораҳо, роҳбарони муассисаҳои таҳсилоти олии касбӣ, масъулини сохторҳои шаҳрӣ ва намояндагони воситаҳои ахбори омма ширкат варзиданд.

Муовини Раиси шаҳри Душанбе Мавсума Муинӣ  конференсияро оғоз намуда, иброз дошт, ки ҳунармандӣ ва рушди он дар ҷамъият мақоми хосса дошта, дар доираи  Солҳои рушди деҳот, сайёҳӣ ва ҳунарҳои мардумӣ ривоҷу равнақ додани  ҳунаромӯзӣ барои ҳама қишрҳои ҷомеа, бахусус занону бонувон хеле муҳим аст.

Инчунин муовини Раиси Кумитаи кор бо занон ва оилаи назди Ҳукумати Ҷумҳурии Тоҷикистон Зулфия Давлатзода доир ба аҳамият ва нақши ҳунару омилҳои ривоҷу равнақ додани ҳунармандӣ дар оила маълумот дод.

Раиси Ассотсиатсияи миллии занони соҳибкори  «Кадбону» Сабоҳат Раҳимзода зикр кард, ки “ҳунармандӣ асоси  таъриху тараққиёти фарҳанги миллат аст. Ҳунармандӣ омилест, ки сатҳи зиндагии  мардумро баланд мебардорад.  Ин гуна ҳамоишҳо ба рушди ҳунармандӣ дар ҷумҳурӣ таъсир расонида,  занону бонувонро ба омӯзиши ҳунар бештар ҷалб мекунанд”.

Дар ҷараёни кори конференсия олимону донишмандон, коршиносону мутахассисон ва ҳунармандони касбӣ дар мавзӯъҳои гуногуни вобаста ба  ҳунару ҳунармандӣ ва рушди он дар шароити оила, аз ҷумла дар мавзӯъҳои «Ҳунармандӣ- омили тавонмандии занон дар ҳаёти иҷтимоӣ», «Заминаҳои меъёрӣ ва ҳуқуқии рушди ҳунарманд дар Ҷумҳурии Тоҷикистон» ва ғайра маърӯза намуданд.

Ҳамчунин занону бонувони ҳунарманд оид ба таҷрибаи кори хеш дар соҳаи ҳунармандӣ маълумот дода, барои дастггирии ҳамаҷониба ба Ҳукумати мамлакат изҳори сипос намуданд.

Дар ҷамъбасти Конференсияи илмӣ-назариявӣ дар мавзӯи «Ҳунармандӣ-заминаҳои омӯзиш ва рушди он дар оила» байни маърӯзачиён ва иштирокдорон атрофи масълаҳои марбут ба ҳунару ҳунармандӣ ва рушди он дар муҳити оила мубодилаи афкор сурат гирифт.

Ноябрь 29, 2019 15:01

Хабарҳои дигари ин бахш

«ҲУНАРМАНДИ СОЛ». Дар Душанбе даври шаҳрии ин озмуни ҷумҳуриявӣ доир шуд
Дар Душанбе бахшида ба Рӯзи Президент ҳамоиши тантанавӣ доир гардид
Бахшида ба Рӯзи Президент дар пойтахт хатсайрҳои сайёҳии маърифатӣ ташкил карда шуданд
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд