Дар конференсияи XXII ҲХДТ дар шаҳри Кӯлоб масъалаҳои муҳим баррасӣ гардиданд

Ноябрь 19, 2019 08:59

 КӮЛОБ, 19.11.2018. /АМИТ Ховар/. 18 ноябр  Конференсияи XXII  Ҳизби Халқии Демократии Тоҷикистон дар шаҳри Кӯлоб баргузор шуд.

То оғози Конференсия дар толор тавассути проэктор сабти наворҳо аз ҷараёни суханрониҳои Раиси муаззами ҲХДТ, Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон дар Анҷумани ХII ҲХДТ пешкаши вакилон карда шуд.

Дар кори Конференсия узви Раёсат ва Кумитаи иҷроия, иҷрокунандаи вазифаи раиси шаҳри Кӯлоб Баҳром Иноятзода, вакили Маҷлиси намояндагони Маҷлиси Олии Ҷумҳурии Тоҷикистон Абдулғаффор Раҳмонзода, муовини раис – роҳбари дастгоҳи Кумитаи иҷроияи ҲХДТ дар вилояти Хатлон Неъматулло Иброҳимзода, раиси Шӯрои собиқадорони ҲХДТ дар вилояти Хатлон Исмоил Шафиев, раиси Кумитаи иҷроияи ҲХДТ дар шаҳри Кӯлоб Орзу Ҳамидиён, 280 нафар вакилон, аъзои ТҶҶ «Созандагони Ватан», фаъолон ва намояндагони воситаҳои ахбори омма иштирок доштанд.

Пас аз садо додани Суруди миллӣ ва интихоби ҳайатҳои раёсат, котибот, комиссияи таҳририя, тасдиқи регламент ва рӯзномаи маҷлис вакилон ба кори конференсия оғоз намуданд.

Конференсия тибқи рӯзномаи тасдиқшуда масъалаҳои зерин: ҳисоботи раиси Кумитаи иҷроияи Ҳизби Халқии Демократии Тоҷикистон дар шаҳри Кӯлоб аз моҳи июни соли 2017 то моҳи ноябри соли 2019, ҳисоботи комиссияи тафтишотии Кумитаи иҷроияи Ҳизби Халқии Демократии Тоҷикистон дар шаҳри Кӯлоб, ҳисоботи гурӯҳи вакилии ҳизбӣ дар Маҷлиси вакилони халқи шаҳри Кӯлоб, интихоби ҳайати нави Кумитаи иҷроияи Ҳизби Халқии Демократии Тоҷикистон дар шаҳри Кӯлоб, интихоби ҳайати нави Комиссияи тафтишотии Кумитаи иҷроияи Ҳизби Халқии Демократии Тоҷикистон дар шаҳри Кӯлоб ва ғайраро мавриди таҳлилу баррасӣ қарор дод.

Аз рӯи масъалаи якум Орзу Ҳамидиён маърӯза намуда, доир ба фаъолияти Кумитаи иҷроияи Ҳизби Халқии Демократии Тоҷикистон дар шаҳри Кӯлоб аз моҳи июни соли 2017 то моҳи ноябри соли 2019 ҳисобот дод. Иттилоъ дода шуд, ки дар шаҳри Кӯлоб низ чун дар тамоми Тоҷикистон ҲХДТ дорои мавқею обрӯ ва ҷонибдории устувори сокинон буда, Кумитаи иҷроия дар асоси Конститутсияи Ҷумҳурии Тоҷикистон, қонунҳои амалкунанда, қарорҳои Анҷумани ХII, Оиннома ва Барномаи ҳизб, дастуру супоришҳои КИМ ҲХДТ ва КИ ҲХДТ дар вилояти Хатлон дар ин давра ба натиҷаҳои назаррас ноил гардидааст.

Ҳамзамон гуфта шуд, ки давоми ин солҳо сафи аъзои ҲХДТ дар шаҳри Кӯлоб 1229 нафар зиёд карда шуда, 38 ташкилоти ибтидоии ҳизбии нав таъсис дода шуданд.

Зимни музокира узви Раёсат ва Кумитаи иҷроия Баҳром Иноятзода, вакили Маҷлиси намояндагони Маҷлиси Олии Ҷумҳурии Тоҷикистон Абдулғаффор Раҳмонзода, муовини раис – роҳбари дастгоҳи Кумитаи иҷроияи ҲХДТ дар вилояти Хатлон Неъматулло Иброҳимзода, Раиси Шӯрои собиқадорони ҲХДТ дар вилояти Хатлон Исмоил Шафиев ва роҳбари ташкилоти ибтидоии ҳизбӣ дар маҳаллаи «Ориёно» Алихон Кучаров ҳисоботи раиси Кумитаи иҷроияи ҲХДТ дар шаҳри Кӯлобро дар давраи ҳисоботӣ қаноатбахш ҳисобиданд.

Сипас тибқи масъалаи дуюми рӯзнома раиси комиссияи тафтишоти Кумитаи иҷроияи ҲХДТ дар шаҳри Кӯлоб Наргис Қурбонзода дар бораи фаъолияти молиявии Кумитаи иҷроия дар давраи ҳисоботӣ маълумот дод.

Аз рӯи масъалаи сеюм роҳбари гурӯҳи вакилии ҳизбӣ дар Маҷлиси вакилони халқи шаҳри Кӯлоб Ҳотам Асозода оид ба фаъолияти гурӯҳи вакилии ҳизбӣ давоми 2,5 сол ҳисобот дод.

Зимни баррасии масъалаҳои чорум ва панҷум низ бо иштироки фаъолонаи вакилон ҳайати нави Кумитаи иҷроияи ҲХДТ дар шаҳри Кӯлоб иборат аз 31 нафар ва комиссияи тафтишотӣ иборат аз 5 нафар интихоб карда шуданд.

Ҳамзамон дар баробари баррасии масъалаҳои Конференсия, аввалин маҷлиси Кумитаи иҷроия дар ҳайати нав баргузор гардид, ки дар он тибқи масъалаҳои рӯзномаи маҷлис ҳайати нави Раёсати Кумитаи иҷроияи ҲХДТ дар шаҳри Кӯлоб интихоб шуда, ҷадвали баргузории вохӯриву суҳбатҳо ҷиҳати таблиғу ташвиқи Барномаи ҲХДТ ва номзади ҲХДТ ба Маҷлиси намояндагони Маҷлиси Олии Ҷумҳурии Тоҷикистон ва Маҷлисҳои маҳаллии вакилони халқ дар ҳудуди участкаҳои интихоботии шаҳри Кӯлоб аз 11 декабри соли 2019 то 22 феврали соли 2020 тасдиқ гардид.

Инчунин барои хизматҳои арзанда дар рушду нумуи диёр, кордониву ташаббускорӣ, дарки баланди масъулият дар амалӣ гардонидани сиёсати хирадмандонаи Раиси муаззами ҲХДТ, Пешвои миллат муҳтарам Эмомалӣ Раҳмон ва саҳми босазо гузоштан дар татбиқи ҳадафҳои барномавии ҳизб вакили Маҷлиси намояндагони Маҷлиси Олии Ҷумҳурии Тоҷикистон Абдулғаффор Раҳмонзода бо Сипосномаи Кумитаи иҷроияи ҲХДТ дар шаҳри Кӯлоб сарфароз гардонида шуд.

Қарорҳо ва масъалаҳое, ки дар Конференсия ва маҷлиси Кумитаи иҷроия баррасӣ  карда шуданд, ба манфиат ва пешрафти ҷомеа равона шуда, ҷиҳати боз ҳам тақвият бахшидани корҳои ҳизбӣ дастурҳои мушаххас дода шуданд.

Ноябрь 19, 2019 08:59

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд