Дар намоиши шолӣ, биринҷ ва фестивали «Оши палав» дар Хатлон 25 шаҳру ноҳия маҳсулоти худро манзур намуданд
ДУШАНБЕ, 04.11.2019 /АМИТ «Ховар»/. 3 ноябр дар шаҳри Бохтари вилояти Хатлон намоиши шолӣ, биринҷ ва Фестивали «Оши палав» баргузор гардид.
Тавре аз маркази матбуоти вилоят ба АМИТ «Ховар» иттилоъ доданд, дар фестивал-намоиш раиси вилояти Хатлон Қурбон Ҳакимзода, кишоварзони шаҳру ноҳияи вилоят ва намояндагони вазорату идораҳо иштирок намуданд.
Тибқи иттилои манбаъ, дар фестивал-намоиш хоҷагиҳои шолипарварии 25 шаҳру ноҳияи вилоят намунаи маҳсулоти худро ба намоиш гузошта, ошпазҳои беҳтарин ҳунари палавпазиашонро ба маъраз ниҳоданд.
Барои қадрдонӣ намудани заҳмати иштирокчиён дар ин фестивал- намоиш беҳтарин «Оши палави беҳтарин» ва «Шоликори беҳтарин» муайян гардид.
Дар бахши «Оши палави беҳтарин»-и фестивал намояндаи ноҳияи Данғара ғолиб гардида, унвони «Шоликори беҳтарин» ба роҳбари хоҷагии деҳқонии «Бахтиёр» Парвиз Ашуров аз ноҳияи Хуросон дода шуд. Ғолибон аз ҷониби раиси вилоят бо туҳфа ва ифтихорнома қадрдонӣ гардиданд.
Барои дар сатҳи баланд баргузор намудани фестивал-намоиши шолӣ ва биринҷ, иштироки фаъолона дар чорабиниҳои вилоятӣ ва ҷумҳуриявӣ ноҳияи Ҷалолиддини Балхӣ сазовори ҷойи аввал гардид, инчунин аз ҷониби раиси вилоят тамоми иштирокчиён бо сипоснома сарфароз гардонида шуданд.
Дар фестивали мазкур озмунҳои «Ошхӯри беҳтарин» ва «Сабзирезакуни беҳтарин» гузаронида шуданд, ки ғолибон бо мукофотҳои молӣ қадрдонӣ гардиданд.
Дар ҷамъбаст барномаи консертии ҳунармандони Раёсати фарҳанги вилоят ва шаҳри Кӯлоб пешниҳоди иштирокчиён гардонида шуд.
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
